Read William Morgan Bible 1588 original edition Esay 20 Bible Online

Esay 20 - William Morgan Bible 1588 original edition bible

Esay 20

¹Arwydd tair blynedd o gaethiwed ar yr Aipht, ac Ethiopia. Yn y flwyddyn y daeth Tharthan i Asdod, (pan ddanfonodd Sargon brenin Assyria ef,) ac yr ymladdodd yn erbyn Asdod, ac ai hennillodd hi,

²Yr amser hwnnw y bu gair yr Arglwydd trwy law Esay fab Amos gan ddywedyd, dos a dattod y sach-liain oddi am dy lwynau, a diosc dy escidiau oddi am dy draed: ac efe a wnaeth felly gan rodio yn noeth-lwm, ac heb escidiau.

³Dywedodd yr Arglwydd hefyd, megis y rhodiodd fyng-wâs Esay yn noeth, ac heb escidiau dair blynedd, yn arwydd, ac yn argoel yn erbyn yr Aipht, ac yn erbyn Ethiopia:

⁴Felly yr arwein brenin Assyria gaethiwed yr Aipht, a chaethglud Ethiopia, [sef] yn llangciau, a henaf-gwŷr, yn noethion, ac heb escidiau, ac yn din-noeth [yr hyn yw] gwarth yr Aiphtiaid.

⁵Brawychant a chywilyddiant gan Ethiopia eu gobaith hwynt, a chan yr Aipht eu gogoniant hwy.

⁶A’r dydd hwnnw y dywed presswylwŷr yr ynys hon, wele fel hyn [y mae] ein gobaith ni lle y ffoesom am gymmorth i’n gwared ni rhag brenin Assyria: pa fodd gan hynny y dihangwn?