Read William Morgan Bible 1588 original edition Esay 21 Bible Online

Esay 21 - William Morgan Bible 1588 original edition bible

Esay 21

¹Prophwydoliaeth yn erbyn Babilon, Edom, ac Arabia. Baich anialwch y môr: fel y cor-wynt yn dyfod o’r dehau tros yr anialwch, [felly] y daw efe o wlâd ofnadwy.

²Gweledigaeth galed a fynegwyd i mi, yr anffyddlon sydd yn anffyddloni, ar dinistrudd sydd yn dinistrio: Elam dring, Media gwarche, gwnaf iw holl riddfan hi ddarfod.

³Am hynny y llawnwyd fy lwynau o ddolur, gwewyr a’m daliasant fel gwewyr gwraig yn escor, ymdroais wrth glywed, [a] brawychais wrth weled.

⁴Cyfeiliornodd fyng-halon, braw a’m dychrynnodd, efe a osododd fyng-hyfnos dymunol yn ddychryn i mi.

⁵Gosot y bwrdd, gwilia yn y ddisgwilfa, bwytta [ac] ŷf, cyfodwch dywysogion, irwch darian.

⁶O herwydd fel hyn y dywedodd yr Arglwydd wrthif, dôs, gosot wiliedydd i fynegu yr hynn a welo.

⁷Ac efe a welodd gerbyd, [a] dau o wŷr meirch: [sef] cerbyd assyn, a cherbyd camel, ac efe a ystyriodd yn ddyfal iawn.

⁸Ac efe a lefodd [fel] llew: fy Arglwydd, ar y ddisgwilfa yr wyfi’n sefyll liw dydd yn wastad, ac ar fyng-hadwriaeth yr ydwyf yn sefyll bob nôs.

⁹Ac wele ymma y daeth cerbyd gŵr [a] dau o wŷr meirch, ac efe a attebodd ac a ddywedodd, syrthiodd, syrthiodd Babilon: a holl ddelwau ei duwiau hi a ddrylliodd efe i lawr.

¹⁰O fy nyrniad, a chnŵd fy llawr dyrnu, yr hyn a glywais gan Arglwydd y Lluoedd Duw Israel a fynegais i chwi.

¹¹Baich Duma, Arnafi y galwodd efe o Seir, y gwarcheidwad beth am y nôs? y gwarcheidwad beth am y nôs?

¹²Dywedodd y gwarcheidwad, daeth y boreu a’r nos hefyd: os ceisiwch, ceisiwch: dychwelwch, deuwch.

¹³Baich ar Arabia. Yn y coed yn Arabia y lletteuwch chwi, [yn] llwybrau Dedanim.

¹⁴Deuwch ddyfroedd i gyfarfod a’r sychedig, trigolion tîr Thema achûbwch flaen y cyrwydrus ai fara.

¹⁵O herwydd rhag cleddyfau y fcyrwydrasant, rhag cleddyf noeth, a rhac y bŵa anneloc, a rhag trymder rhyfel.

¹⁶O herwydd fel hyn y dywedodd yr Arglwydd wrthifi, cynn pen blwyddyn o fath blwyddyn gwâs cyflog, y derfydd hefyd holl anrhydedd Cedar,

¹⁷A’r gweddill o rifedi saethyddion cedyrn meibion Cedar a leiheuir: canys Arglwydd Dduw Israel a lefarodd [hynn.]