Read William Morgan Bible 1588 original edition Esay 23 Bible Online

Esay 23 - William Morgan Bible 1588 original edition bible

Esay 23

¹Prophwydoliaeth am ddinistr Tyrus ai hail gyweiriad. Baich Tyrus. llongau Tharsis vdwch, canys anrheithiwyd [hi] fel nad oes dŷ i fyned iddo: o dîr Cittim yr ymddangosodd [hyn] iddynt.

²Distewch drigolion yr ynys, marchnadyddion Zidon yn tramwy’r môr a’th lanwasant.

³Hâd Nilus hefyd [yn tyfu] wrth ddyfroedd lawer, a chynhaiaf yr afon [oedd] ei chnwd hi: felly marchnad y cenhedloedd ydoedd hi.

⁴Cywilyddia Zidon, canys y môr, [îe] cryfder y môr a lefarodd gan ddywedyd: nid ymddygais, ac nid escorais, ni fegais wŷr ieuaingc ychwaith, ac ni feithrinais forwynion.

⁵Pan glywir [hynn] ym mhlith yr Aiphtiaid, hwynt a ymofidiant pan glywer sôn am Tyrus.

⁶Ewch trosodd i Tharsis, vdwch, bresswyl-wŷr yr ynys.

⁷Ond hon yw eich [dinas] chwi, [yr hon] fu ogoneddus er ystalm byd? ei thraed ai harweiniant hi i ymdaith ym mhell.

⁸Pwy a ddychymmygodd hyn yn erbyn Tyrus goronoc? yr hon [yr ydoedd] ei marchnadyddion yn dywysogion, ai marsiand-wŷr yn bendefigion y bŷd.

⁹Arglwydd y lluoedd a ddychymmygodd hyn, i ddifwyno balchder pôb gogoniant, [ac] i ddirmygu holl bendefigion y bŷd.

¹⁰Dos drwy dy wlâd fel afon [at] ferch Tharsis, nid [oes] nerth mwyach.

¹¹Estynnodd ei law ar y môr, dychrynodd y teyrnasoedd, gorchymynnodd yr Arglwydd am Canaan, sef ddinistrio ei nerth hi.

¹²Ac efe a ddywedodd, na chwanega ymffrostio mwyach yr orthrymedic forwyn merch Zidon, cyfot dos i Cittim: yno ychwaith ni bydd it lonyddwch.

¹³Wele dîr y Caldeaid, nid oedd y bobl hyn [oddi] yno: Assur ai sylfaenodd hi i drigolion yr anialwch, derchafasant ei thŷrau, cyfodasant ei phalasau, efe ai tynnodd hi i lawr.

¹⁴Llongau Tharsis vdwch: canys anrheithiwyd eich nerth.

¹⁵A’r dydd hwnnw yr anghofir Tyrus ddeng-mhlynedd a thrugain, megis dyddiau vn brenin: ym mhen y deng-mhlynedd a thrugain y cân Tyrus megis puttain.

¹⁶Cymmer y delyn, amgylchyna’r ddinas ti buttain anghofiedic, cân gerdd yn dda, a datcan lawer fel i’th gofier.

¹⁷Ac ym mhen y deng-mhlynedd a thrugain yr Arglwydd a ymwêl â Thyrus, a hi a ddychwel at ei hêlw, ac a butteinia â holl deyrnasoedd y bŷd ar wyneb y ddaiar.

¹⁸Yna y bydd ei marchnad ai hêlw yn gyssegredic i’r Arglwydd, ni’s cedwir, ac ni’s cuddir, canys eiddo y rhai a drigant o flaen yr Arglwydd fydd ei mersiandiaeth, i fwytta hyd ddigon, ac yn wisc barhaus.