Read William Morgan Bible 1588 original edition Esay 25 Bible Online

Esay 25 - William Morgan Bible 1588 original edition bible

Esay 25

¹Moliant y ffyddloniaid o achos y llawenydd vchod. Yr Arglwydd fy Nuw [ydwyt] ti, derchafaf di, [a] moliannaf dy enw, canys gwnaethost ryfeddod, [dy] gynghorion er ys talm [ydynt] wirionedd [a] siccrwydd.

²Canys gosodaist ddinas yn garnedd, a thref gadarn yn ddinistr, o ddinas nid adailedir byth dŷ dieithriaid.

³Am hynny pobl nerthol a’th ogoneddant, dinasoedd cenhedloedd ofnadwy a’th arswydant,

⁴Canys buost nerth i’r tlawd, a chadernid i’r anghenog, yn nodded rhag temhestl, yn gyscod rhag gwrês, pan [oedd] gwynt y cedyrn fel llifeiriant [trwy] fagwyr.

⁵Fel gwrês mewn sychder y darostyngi dwrwf dieithriaid: [fel] gwrês mewn cyscod cwmwl y darostyngir cangen y cedyrn.

⁶A gwnaiff Arglwydd y lluoedd i’r holl bobl yn y mynydd hwn wledd frâs, [a] gwledd loiw [o] bascedigion breision [a] gloiw-win puredic.

⁷Efe a ddifa yn y mynydd hwn y gorchudd yr hwn sydd yn gorchguddio yr holl bobloedd, a’r llenn yr hon a dânwyd ar yr holl genhedloedd.

⁸Efe a ddifa angeu tros byth, a’r Arglwydd Dduw a sych ymmaith ddeigr oddi ar bôb wyneb: ac efe a dyn ymmaith warthrudd ei bobl oddi ar yr holl ddaiar: canys yr Arglwydd a lefarodd [hyn.]

⁹A’r dydd hwnnw y dywedi, wele dymma ein Duw ni, gobeithiasom ynddo ef, ac efe a’n ceidw: dymma’r Arglwydd, gobeithiasom ynddo ef, gorfoleddwn, a llawenychwn yn ei iechydwriaeth ef.

¹⁰Canys llaw’r Arglwydd a orphywys yn y mynydd hwn, a Moab a sethrir tano ef, fel sathru gwellt mewn tommen.

¹¹Ac efe a estyn ei ddwylo yn eu mysc hwynt, fel yr estyn nofiedudd [ei ddwylo] i nofio, ac efe a ostwng eu balchder hi â nerth ei ddwylo.

¹²Felly y gogwydda, y gostwng [ac] y bwrw efe i lawr hyd y llwch gadernid vchelder dy gaerau.