Read William Morgan Bible 1588 original edition Esay 26 Bible Online

Esay 26 - William Morgan Bible 1588 original edition bible

Esay 26

¹Cân o ddiolch am ryddhâd y bobl. Y dydd hwnnw y cênir y gân hon yn nhîr Iuda, Dinas gadarn [sydd] i ni, efe a esyd iechydwriaeth yn gaerau ac yn rhacfur.

²Agôrwch y pyrth, fel y delo i mewn genhedlaeth gyfiawn, yr hon a geidw wirionedd.

³A meddwl dianwadal y cedwi dangnheddyf heddychol, am ymddyried ynot.

⁴Ymddyriedwch yn yr Arglwydd byth: o herwydd yn yr Arglwydd Dduw [y mae] cadernid dragywydd.

⁵Canys efe a ostwng bresswyl-wŷr yr vchelder, tref vchel a ostwng efe: efe ai darostwng hi i’r llawr, ac ai bwrw hi i’r llwch.

⁶Troed ai sathr hi, [sef] traed y trueiniaid, a chamrau y tlodion.

⁷Iniondeb [yw] llwybr y cyfiawn, yn iniawn y cyfarwyddi ffordd y cyfiawn.

⁸[Ar] lwybr dy farnedigaethau hefyd i’th ddisgwiliasom Arglwydd, dymuniad [ein] henaid [sydd] am dy enw, ac am dy goffadwriaeth.

⁹A’m henaid i’th ddymunais liw nôs, a’m hyspryd hefyd o’m mewn i’th foreu-geisiaf: canys presswyl-wŷr y byd a ddyscâsant gyfiawnder, tra [ydoedd] dy farnedigaethau ar y ddaiar.

¹⁰[Er] trugarhaû wrth yr anuwiol, ni ddyscodd gyfiawnder, yn nhir iniondeb y gwyra efe, ac ni wêl vchelder yr Arglwydd.

¹¹Ni welant Arglwydd pan dderchafer dy law, cânt weled, a chywylyddiant [ag] eiddigedd [i’th] bobl: a thân dy elynnion ai hyssa hwynt.

¹²Arglwydd ti a drefni i ni heddwch, canys gwnaethost i ni hefyd ein holl weithredoedd.

¹³O Arglwydd ein Duw, meistred eraill heb dy law di a’n perchennogasant ni, yn vnic trwot ti y coffawn dy enw.

¹⁴Y meirw ni byddant fyw, y meirw ni chyfodant, am hynny gofwyaist, a difethaist hwynt, dinistriaist hefyd bôb coffa am danynt.

¹⁵Chwanegaist ar y genedl [hon] ô Arglwydd chwanegaist ar y genedl, ti a ymogoneddaist: helaethaist, holl gyrrau y tîr.

¹⁶Mewn adfyd Arglwydd yr ymwelsant â thi, tywalltasant weddi, pan [oedd] dy gospedigaeth arnynt.

¹⁷Fel y gofidia, [ac] y gwaedda [gwraig] feichiog dan ei gwewyr [pan] fyddo agos i escor: felly’r oeddem o’th flaen di Arglwydd.

¹⁸Beichiogasom, gofidiasom, fel pe escorem wynt: ni wnaed iechydwriaeth [i’r] ddaiar, phresswyl-wŷr y byd ni syrthiasant.

¹⁹Dy feirw a fyddant byw, [fel] fyng-horph i yr adgyfodant, deffroiwch, a chênwch presswylwŷr y llwch: canys dy wlith [sydd fel] gwlith llysiau, a’r ddaiar a fwrw y meirw.

²⁰Tyret fy mhobl, dos i’th stafelloedd, a chaea dy ddrws arnat: llecha megis ennyd awr hyd onid elo y llid heibio.

²¹Canys wele’r Arglwydd yn dyfod allan oi fangre i ofwyo anwiredd presswyl-wŷr y ddaiar yn eu herbyn: Yna y dadcuddia y ddaiar ei gwaed, ac ni chuddia hi mwyach ei lladdedigion.