Read William Morgan Bible 1588 original edition Esay 27 Bible Online

Esay 27 - William Morgan Bible 1588 original edition bible

Esay 27

¹Dialedd Duw iw elynnion: ai ymgeledd iw bobl. Y dydd hwnnw yr ymwel yr Arglwydd ai gleddyf caled, mawr a chadarn yn erbyn a Lefiathan y sarph hîr-braff, îe yn erbyn Lefiathan y sarph dorchoc: ac efe a ladd y ddraig yr hon [sydd] yn y môr.

²Yn y dydd hwnnw [y ffynna] gwinllan y gwîn coch: cenwch iddi.

³Myfi’r Arglwydd ai ceidw; ar [bob] moment y dyfrhaf hi, cadwaf hi nôs a dydd rhac ymweled â hi.

⁴Nid [oes] lidiawgrwydd ynof, pwy a osode fieri a drain yn fy erbyn mewn rhyfel? myfi a awn trwyddynt, mi ai lloscwn hwynt yng-hyd.

⁵Neu [pwy] a ymeifl a’m nerth i? gwnaed heddwch â mi, gwnaed heddwch â mi.

⁶Efe a wna i hiliogaeth Iacob wreiddio, Israel a flodeua, ac a flaendardda, fel y llawnant wyneb y byd â chnwd.

⁷A darawodd efe ef, fel y tarawodd yr hwn ai tarawse ef? a laddwyd ef fel lladdfa lladdedigion hwnnw?

⁸Wrth fessur y berni hon gan ei bwrw allan, efe a fwriodd ymmaith [y llall] ai wynt caled, ar ddydd dwyrein-wynt.

⁹Am hynny trwy hyn y maddeuir anwiredd Iacob, ac dymma’r holl ffrwyth, tynnu ymmaith ei bechod: pan osodo efe holl gerric yr allor fel cerric calch briwedic, ni saif y llwyni, na’r delwau.

¹⁰Os amgen, y ddinas gadarn [fydd] vnic, [fel] annedd wedi ei adel, ai wrthod megis yn anialwch, yno y pawr y llô, ac y gorwedd, ac y difa ei blagur hi.

¹¹Pan wywo ei brîg hi, hwynt a ddryllir, gwragedd a ddeuant, ac ai llosgant hi: canys nid pobl ddeallgar ydynt: am hynny’r hwn ai gwnaeth ni thosturia wrthynt, a’r hwn ai llunniodd ni thrugarhâ wrthynt.

¹²A’r dydd hwnnw y bydd i’r Arglwydd ddyrnu o gamlas yr afon [Euphrates] hyd afon yr Aipht: yna chwi meibion Israel a gesclir bôb yn vn.

¹³Ac yn y dydd hwnnw’r vdcenir ag vdcorn mawr, yna y daw y rhai ar ddifethwyd yn nhir Assyria, a’r rhai a wascarwyd yn nhir yr Aipht, ac a addolant yr Arglwydd yn y mynydd sanctaidd yn Ierusalem.