Read William Morgan Bible 1588 original edition Esay 28 Bible Online

Esay 28 - William Morgan Bible 1588 original edition bible

Esay 28

¹Dialedd Duw ar Ephraim ac Iuda. 5 Duw yn caru Iuda: ac yn ei geryddu ef i wellhau. Gwae goron balchder meddwon Ephraim: canys ardderchawgrwydd ei ogoniant ef [sydd] flodeun diflannedic yr hwn [sydd] ar benn dyffryn y breision, y rhai a orchfygwyd â gwin.

²Wele [ddydd] grymmus a nerthol yr Arglwydd, fel llifeiriant cenllysc, [neu] gorwynt dinistriol, fel llifeiriant dyfroedd mawrion, yn llifo trosodd, yr hwn a fwrw i lawr drwy ei gryfder.

³Tann draed y sethrir hwynt, [sef] coron balchder meddwon Ephraim.

⁴Ac ardderchawgrwydd ei ogoniant fydd blodeun diflannedic, yr hwn [fydd] ar ben dyffryn y breision: [bydd] megis ffigusen gynnar cyn yr haf, yr hon [pan] welo’r hwn a edrycho arni, efe ai llyngc hi, ac hi etto yn ei law.

⁵Yn y dydd hwnnw y bydd Arglwydd y lluoedd yn goron ardderchawgrwydd, ac yn goron gogoniant i weddill ei bobl,

⁶Ac yn yspryd barn, i’r hwn a eisteddo ar y farn, ac yn gadernid [i’r] rhai a ddychwelant y rhyfel i borth [y gelyn.]

⁷Ac er hynny hwynt a gyfeiliornasant drwy win, ac a amryfusasant drwy ddiod gadarn: yr offeiriad a’r prophwyd a gyfeiliornasant drwy ddiod gadarn, difawyd hwy gan win, cyfeiliornasant trwy ddiod gadarn, amryfusasant mewn gweledigaeth, tramgwyddasant [mewn] barn.

⁸Canys y byrddau oll a lannwyd [o] chwdfa [a] bydreddi, heb le [glân.]

⁹I bwy y dysc efe wybodaeth? ac i bwy y pâr efe ddeall yr hyn a glywo? i’r rhai a ddiddyfnwyd oddi wrth laeth, y rhai a dynnwyd oddi wrth fronnau.

¹⁰Canys [rhoddir] gorchymyn ar orchymyn, gorchymyn ar orchymyn, llinin ar linin, llinin ar linin, ychydig ymma, [ac] ychydig accw.

¹¹Canys â bloescni tafod, ac â thafodiaith ddieithr y lleferir wrth y bobl hyn.

¹²Y rhai y dywedodd efe wrthynt, dymma orphywystra, gadewch i’r deffygiol orphywyso, canys dymma esmwythder: ond ni fynnent wrando.

¹³Eithr bod gair yr Arglwydd iddynt yn orchymyn ar orchymyn, yn orchymyn ar orchymyn, yn llinin ar linin, yn llinin ar linin: ychydig ymma [ac] ychydig accw, fel yr elont ac y syrthiont yn ôl, fel y dryllier, ac y magler, ac y dalier hwynt.

¹⁴Am hynny gwrandewch air yr Arglwydd ddynnion gwatwarus: llywodraethwŷr y bobl hyn y rhai [ydynt] yn Ierusalem.

¹⁵Canys dywedasoch, gwnaethom ammod ag angeu, ac a’r bedd y gwnaethom gyngrair: pan ddel ffrywill lifeiriol ni ddaw attom ni: canys gosodasom ein gobaith [ar] gelwydd a thann ffalster y llechâsom.

¹⁶Am hynny fel hyn y dywed yr Arglwydd Dduw, wele fi yn sylfaenu maen yn Sion, [sef] congl-faen gwerth-fawr profedic, [sef] sylfaen safadwy, ni fryssia’r hwn a gredo.

¹⁷Yna y gosodaf farn wrth linin, a chyfiawnder wrth bwys, y cenllysc a yscuba obaith celwydd, a’r dyfroedd a foddant loches [ffalster.]

¹⁸Yna y diddymmir eich ammod ag angeu, a’ch cyngrair ag vffern ni saif, eithr pan ddel y ffrywill lifeiriol, byddwch sathrfa iddi.

¹⁹O’r amser y dêlo y cymmer chwi, canys daw bôb boreu ddydd, a nôs, a chyffro yn vnic fydd [i] beri deall yr hyn a glywir.

²⁰Canys byrrach yw’r gwely nag [y galler] ymestyn [ynddo, cûl yw’r cwrlid pan gascler [tano.].

²¹Canys yr Arglwydd a gyfyd megis ym mynydd Perazim, efe a ddigia megis yng-lynn Gibeon i wneuthur ei waith [sef] ei ddieithr-waith: i wneuthur ei weithred [sef] ei ddieithr weithred.

²²Ac yn awr na siommwch eich hunain, rhag cadarnhau eich rhwymau: canys clywais [fod] darfodigaeth derfynol oddi wrth Arglwydd Dduw’r lluoedd ar yr holl dîr.

²³Clywch, a gwrandewch fy llais, ystyriwch a gwrandewch fy lleferydd.

²⁴Onid yw yr arddwr yn aredic ar hyd y dydd? yn agorid, ac yn llyfna ei dîr fel yr haeuo?

²⁵Onid pan lyfnhao ei wyneb, yna y tâna efe y ffacpys, ac y gwascar gwmin, ac y gesyd wenith ardderchawg, a haidd mesurol, a rhŷg [yn] ei gyfle?

²⁶Canys [Duw] ai hyfforddia ef mewn barn: [ie] ei Dduw ai dysc ef.

²⁷Canys nid ag og y dyrnir ffacpys, ac [ni] throir olwyn menn ar gwmin: eithr dyrnir ffacpys â ffonn, a chwmin â gwialen.

²⁸[Defnydd] bara a felir, ond gan ddyrnu ni ddwrn y dyrn-wr ef yn wastadol, ac ni yssiga olwyn ei fenn ef, ac nis mâl ef ai dannedd.

²⁹Hyn hefyd a ddaeth oddi wrth Arglwydd y lluoedd: rhyfedd yw ei gyngor, mawr yw ei ddoethineb.