Read William Morgan Bible 1588 original edition Esay 31 Bible Online

Esay 31 - William Morgan Bible 1588 original edition bible

Esay 31

¹Melldith ir rhai a elent i’r Aipht, ac a obeithient i ddim ond Duw. 5 Addewidion Duw i’r edifeiriol. Gwae y rhai a ddescynnant i’r Aipht am gynnorthwy, ac a ymddyriedant mewn meirch, ac a ymhederant mewn cerbydau am eu [bod] yn aml, ac mewn gwŷr meirch am eu bod yn nerthol iawn: ond nid edrychasant am Sanct Israel, ac ni cheisiasant yr Arglwydd.

²Etto y mae efe yn ddoeth, ac a ddaw â chospedigaeth, ac ni chilia [oddi wrth] ei air, eithr cyfyd yn erbyn tŷ y rhai drygionus, ac yn erbyn cynnorthwy y rhai a weithredant anwiredd.

³Yr Aiphtiaid hefyd [ydynt] ddynnion, ac nid Duw, ai meirch yn gig, ac nid yn yspryd: pan estynno’r Arglwydd ei law, yna y syrth y cynnorthwywr, ac y cwymp y cynnorthwyedic, a hwynt oll a gyd-ddarfyddant.

⁴Canys fel hyn y dywedodd yr Arglwydd wrthif, megis y rhua hen lew, a’r llew ieuangc ar ei sclyfaeth, yr hwn er galw llawer o bugail yn ei erbyn, nid ddychryn rhac eu llef hwynt, ac nid ymostwng er eu twrwf hwynt: felly y descyn Arglwydd y lluoedd i ryfela tros fynydd Sion, a thros ei brynn hi.

⁵Megis adar yn ehedec, felly’r ymascella Arglwydd y lluoedd tros Ierusalem, gan dderbyn a gwared, gan bassio heibio, ac achub.

⁶Dychwelwch at yr hwn y llwyr giliodd meibion Israel [oddi wrtho.]

⁷O herwydd yn y dydd hwnnw, gwrthodant bob vn ei eulynnod arian, ai eulynnod aur, y rhai a wnaeth eich Dwylo eich hun yn bechod i chwi.

⁸Ac Assur a syrth nid trwy gleddyf gŵr eithr cleddyf nid dynawl ai difa ef: ac efe a ffŷ rhac y cleddyf, ai wŷr ieuaingc a fyddant tann drêth.

⁹Ac efe aiff iw graig rhac ofn, ai dywysogion a ofnant rhac y faner medd yr Arglwydd, yr hwn y mae ei dân yn Sion, ai ffwrn yn Ierusalem.