Read William Morgan Bible 1588 original edition Esay 32 Bible Online

Esay 32 - William Morgan Bible 1588 original edition bible

Esay 32

¹Brenhiniaeth Crist ai lywodraeth. Wele brenin a. deyrnasa mewn cyfiawnder, a thywysogion a flaenorant mewn barn.

²A’r gŵr [hwnnw] fydd megis yn ymguddfa [rhac] gwynt, a lloches [rhac] llifeiriant, megis afonydd dyfroedd mewn sychder, megis cyscod craig fawr mewn tîr sychedic.

³Yna llygaid y rhai a welant ni chaeir, a chlustiau y rhai a glywant a wrandawant.

⁴Calon hefyd y rhai ehud a ddeall ŵybodaeth, a thafod y rhai bloesc a bryssura draethu [geiriau] eglur.

⁵Ni elwir mwy’r ynfyd yn fonheddig, ac ni ddywedir am y cubydd, hael [yw.]

⁶Canys yr ynfyd a draetha ynfydrwydd, ai galon a wnaiff anwiredd, gan ragrithio, ac chan draethu cabledd yn erbyn yr Arglwydd: gan ddiddymmu enaid y newynog, a chan dynnu ymmaith ddiod y sychedic.

⁷Arfau y cubydd [ydynt] annuwiol, efe a ddychymyga ddichellion i ddifwyno y trueiniaid trwy ymadroddion gau: ac i draethu [yn erbyn] y tlawd mewn barn.

⁸Felly yr hael a ddychymyg haelioni: ac ar haelioni y saif efe.

⁹Cyfodwch wragedd difraw, clywch fy llais, gwrandewch fy ymadrodd ferched diofal.

¹⁰Dyddiau gyd â blwyddyn y trallodir chwi wragedd difraw, canys darfu y cynhaiaf gwin, [ac] ni ddaw cynnull [mwyach.]

¹¹Ofnwch rai difraw, dychrynnwch rai diofal, ymddiosc, ac ymnoetha, ymwregysa hefyd am dy lwyni.

¹²Galaru y maent am y tethau, am feusydd hyfryd, am win-wydden ffrwythlon,

¹³Cyfyd drain, a mieri ar dir fy mhobl, îe ar bob tŷ llawenydd [a] dinas hyfryd.

¹⁴Canys y palas a ddinistrir, lluosogrwydd y ddinas a adewir, yr amddeffynfa, a’r tŵr fyddant yn ogfeudd hyd byth, yn hyfrydwch assynnod gwylltion, [ac] yn borfa diadellau [defaid.]

¹⁵Hyd oni thywallter arnom yspryd o’r vchelder, a bod yr anialwch yn ddol-dir, a chyfrif y dol-dir yn goed-tir,

¹⁶Yna y trig barn yn yr anialwch, a chyfiawnder a erys yn y dol-dir.

¹⁷A gwaith cyfiawnder fydd heddwch, ie gweithred cyfiawnder [fydd] llonyddwch a diogelwch hyd byth.

¹⁸Canys fy mhobl a drig mewn presswylfa heddychlon, ac mewn anneddau diogel, ac mewn gorphwystra llonydd.

¹⁹Yna y bydd cenllysc yn descyn [ar] y coed, a’r ddinas fydd issel mewn gwastad.

²⁰Gwyn eich byd y rhai a hauwch ger llaw pob dyfroedd, y rhai a yrrwch yr ŷch a’r assyn [yno.]