Read William Morgan Bible 1588 original edition Esay 33 Bible Online

Esay 33 - William Morgan Bible 1588 original edition bible

Esay 33

¹Dialedd Duw ar yr Assyriaid: Ai ymgeledd iw ffyddloniaid. Gwae [di] anrheithiwr, a thi heb dy anrheithio, a [thi] anffyddlon, er na wnaed yn anffyddlon â thi: pan ddarffo it anrheithio i’th anrheithir, a phan ddarffo it fod yn anffyddlon y byddant anffyddlon i ti.

²Arglwydd trugarha wrthym, ynot y gobeithiasom, bydd fraich iddynt yn foreu, a’n iechydwriaeth ninneu yn amser cystudd.

³Wrth lais y twrwf y gwibiodd y bobl, wrth ymdderchafu o honot y gwascarwyd y cenhedloedd.

⁴A’ch yspail a gynhullir [fel] cynhulliad locust, fel mynediad ceiliogod rhedyn [y byddir] yn myned yn ei erbyn ef.

⁵Derchafwyd yr Arglwydd, canys presswylio y mae yn yr vchelder: efe a lawnodd Sion o farn a chyfiawnder.

⁶Efe fydd siccrwydd dy amser, nerth, iechydwriaeth, doethineb, a gwybodaeth: ofn yr Arglwydd fydd ei dryssor ef.

⁷Wele eu rhai gorchestol a waeddasant oddi allan, cennadon heddwch a wylasant yn chwerw.

⁸Anrheithiwyd y priffyrdd, darfu cynniwerydd llwybr, ddiddymmodd gyfammod, diystyrodd ddinasoedd, ni wnaeth gyfrif o ddynion.

⁹Galarodd [a] llescaodd y ddaiar, cywilyddiodd Libanus [a] thorrwyd ef: Saron aeth megis anialwch, escydwyd Baasan hefyd a Charmel.

¹⁰Cyfodaf yn awr medd yr Arglwydd ymdderchafaf weithian, ymgodaf bellach.

¹¹Chwi a escorwch ar vs, [ac] a ymddygwch sofl, eich yspryd [fel] tân a’ch yssa chwi.

¹²A’r bobloedd fyddant [fel] odynau calch, [fel] drain wedi eu torri y lloscir hwynt yn tân.

¹³Gwrandewch belledigion yr hyn a wneuthum, a gwybyddwch gymmydogion fy nerth mau fi.

¹⁴Pechaduriaid a ofnasant yn Sion, dychryn a ddaliodd y rhagrithwŷr: pwy o honom [meddant] a drig [wrth] dân yssol? pwy o honom a bresswylia [wrth] lloscfeudd tragywyddol.

¹⁵Yr hwn a rodia [mewn] cyfiawnder, ac a draetha iniondeb, a wrthid elw trwyllodrus, a escydwo ei law rhac derbyn gobrwy, a gaeo ei glust rhac clywed celanedd, ac a gaeo ei lygaid rhac edrych ar ddrygioni,

¹⁶Efe a bresswylia’r vchelder, cestyll y creigiau fydd ei amddeffynfa ef: ei fara a roddir iddo, ei ddwfr [fydd] siccr.

¹⁷Dy lygaid a welant y brenin yn ei degwch: gwelant dir pell.

¹⁸Dy galon a fyfyria ofn, pa le [y mae’r] scrifennudd? pa le [y mae] y pwysudd, pa le [y mae] rhifudd y tŷrau?

¹⁹Ni chei weled pobl greulon, pobl ddieithr-iaith fel na’s dealler, [neu] floesc dafod heb ei ddirnad.

²⁰Gwel Sion dinas ein cyfarfod, dy lygaid a welant Ierusalem, y bresswylfa lonydd, y babell ni thynnir i lawr, [ac] ni syfl ei hoelion byth, ai rhaffau oll ni ddrylliant.

²¹Eithr yr Arglwydd ardderchawg [fydd] yno i ni yn fangre afonydd [neu] ffrydau ymyl lydain: y rhwyf-long nid aiff trwyddo, a llong odidawg nid aiff trostaw.

²²Canys yr Arglwydd [yw] ein barn-wr, yr Arglwydd [yw] ein deddf-wr, yr Arglwydd [yw] ein brenin, efe a’n ceidw.

²³Gollyngasant dy raffau, ni chadarnhasant yr hwyl-bren yn iawn, ni thanâsant yr hwyl, rhannwyd yn awr sclyfaeth yspail fawr: y cloffion a sclyfaethasant yr sclyfaeth.

²⁴Ac na ddyweded y presswylydd, claf ydwyf: maddeuwyd anwiredd y bobl a drigant ynddi.