Read William Morgan Bible 1588 original edition Esay 35 Bible Online

Esay 35 - William Morgan Bible 1588 original edition bible

Esay 35

¹Godidawgrwydd brenhiniaeth Grist, a llawenydd y ffyddlonniaid wrth ystyried hynny. Yr anialwch, a’r gwylltineb a lawenychant o hyn, y diffaethwch hefyd a orfoledda, ac a flodeua fel rhossyn.

²Gan flodeuo y blodeua, ac y llawenycha hefyd â llawenydd ac â chân: gogoniant Libanus a roddir iddo, [a] godidogrwydd Carmel a Saron: hwynt a welant ogoniant yr Arglwydd [a] godidogrwydd ein Duw ni.

³Cadarnhewch y dwylo llesc, a chryfhewch y gliniau gwenniaid.

⁴Dywedwch wrth y rhai gwan galon, ymgryfhêwch, nac ofnwch, wele eich Duw chwi a ddaw â dial, cewch weled taledigaeth Duw, efe a ddaw, ac a’ch achub chwi.

⁵Yna’r agorir llygaid y deillion, a chlustiau y byddarion a ymagorant.

⁶Yna y llamma y cloff fel hydd, ac y cân tafod y mudan, am dorri dyfroedd allan yn yr anialwch, ac afonydd yn y diffaethwch.

⁷Y cras-dir hefyd fydd yn llynn, a’r tîr sychedic yn ffynhonnau dyfroedd, yn nhrigfa y dreigiau, ai gorweddfa [y bydd] cyfle corsennau a brwyn.

⁸Yna y bydd sarn, a ffordd, ffordd sanctaidd hefyd y gelwir hi, yr halogedic ni’s cyniwer hi, canys hyn [fydd] eiddynt hwy: a rodio’r ffordd, pe [byddent] ynfydion, ni chyfeiliornant.

⁹Ni bydd yno lew, a bwyst-fil gormesol hefyd ni ddring iddi, ac ni’s ceir yno, eithr y rhai gwaredig a rodiant [yno.]

¹⁰Sef gwaredigion yr Arglwydd a ddychwelant, ac a ddeuant i Sion â chanmoliaeth, ac â llawenydd tragywyddol yn eu penn: goddiweddant lawenydd, ac hyfrydwch, cystudd hefyd a galar a ffoant ymmaith.