Read William Morgan Bible 1588 original edition Esay 4 Bible Online

Esay 4 - William Morgan Bible 1588 original edition bible

Esay 4

¹Anamled dyn wedi difetha Ierusalem. 2 A daioni Duw i’r gweddill. Ac yn y dydd hwnnw saith o wragedd a ymaflant mewn vn gŵr gan ddywedyd: ein bara ein hun a fwyttawn, a’n dillad ein hun a wiscwn, yn vnic galwer dy enw di arnom ni: cymmer ymmaith ein gwarth ni.

²Y pryd hwnny y bydd blaguryn yr Arglwydd yn brydferthwch, ac yn ogoniant: a ffrwyth y ddaiar yn rhagoriaeth, ac yn degwch i’r rhai a ddiangasant o Israel.

³Yna y bydd [am] yr hwn a adewir yn Sîon, ac a weddillir yn Ierusalem, y dywedir wrtho, ô sanct: [sef] pawb a’r a scrifennwyd ym mhlith y rhai byw yn Ierusalem.

⁴Pan olcho’r Arglwydd frynti merched Sîon, a charthu gwaed Ierusalem oi chanol mewn yspryd barn, ac mewn yspryd gwres,

⁵Yna’r Arglwydd a grea ar bôb trigfa o fynydd Sîon, ac ar ei gymanfaoedd gwmwl y dydd, mŵg hefyd, a llewyrch tân fflamllyd y nôs: canys ar bôb gogoniant [y bydd] amddeffyn.

⁶A phabell fydd yn gyscod y dydd rhac gwrês, yn ddiogelwch hefyd, ac yn ymguddfa rhac tymestl, a rhac glaw.