Read William Morgan Bible 1588 original edition Esay 43 Bible Online

Esay 43 - William Morgan Bible 1588 original edition bible

Esay 43

¹Daioni Duw yn cadw ei eglwys. 14 yn darostwng ei gelynnion hi. 25 Ac yn maddeu ei phechodau er ei fwyn ei hun Ac yr awr hon fel hyn y dywed yr Arglwydd, dy greawdur di Iacob, a’th luni-wr di Israel: nac ofna canys gwaredais di: gelwais [di] erbyn dy enw, eiddo fi [ydwyt ti.]

²Pan elech trwy’r dwfr myfi a [fyddaf] gyd â thi, a thrwy’r afonydd [fel] na’th foddant, pan rodiech drwy’r tân ni’th loscir, ac ni ennyn y fflam arnat.

³Canys myfi’r Arglwydd dy Dduw, Sanct Israel dy waredudd a roddais yr Aipht yn iawn trosot, Ethiopia, a Saba am danat.

⁴Er pan aethost yn gu yn fyng-olwg i’th ogoneddwyd, canys mi a’th hoffais, am hynny y rhoddaf [ddynnion] am danat ti, a phobloedd er dy fwyn di.

⁵Nac ofna, canys yr ydwyfi gyd â thi, o’r dwyrain y dygaf dy hâd, ac o’r gorllewyn i’th gasclaf.

⁶Dywedaf wrth y gogledd, dod, ac wrth y dehau nac attal: dŵg fy meibion o bell, a’m merched o eithaf y tîr:

⁷[Sef] pob vn a elwir ar fy enw, canys i’m gogoniant y creais ef, y lluniais ef, ac y gwneuthum ef hefyd.

⁸Dug allan y bobl ddall sydd a llygaid iddynt, byddariaid a chlustiau iddynt.

⁹Cascler yr holl genhedloedd yng-hyd, a cynhuller y bobloedd, pwy o honynt a fynega hyn? ac a draetha i ni y pethau cyntaf? rhoddant eu tystion fel y cyfiawnhaer hwynt, neu gwrandawant, a dywedant, gwir [yw.]

¹⁰Fy nhystion mau fi [ydych] chwi medd yr Arglwydd, a’m gwâs yr hwn a ddewisais, fel y gwypoch, ac y credoch i mi, ac y ddealloch mai myfi [yw]’r hwn nid [oedd] duw wedi ei ffurfio oi flaen, ac ni bydd ar ei ôl.

¹¹Myfi, myfi [fydd] Arglwydd: ac nid [oes] geidwad onid myfi.

¹²Myfi a fynegais, ac a achubais, ac a dreuthais pryd nad [oedd] duw dieithr yn eich mysc, chwi hefyd [ydych] fy nhystion (medd yr Arglwydd) mai myfi [sydd] Dduw.

¹³Ie cyn [bod] dydd yr ydwyfi, ac nid [oes] a waredo o’m llaw, gwnaf, a phwy a luddia hynny?

¹⁴Fel hyn y dywedodd yr Arglwydd eich gwaredudd chwi Sanct Israel, er eich mwyn chwi’r anfonais i Babilon, ac y tynnais i lawr yr holl ffoaduriaid, a’r Caldeaid, ai gorfoledd mewn llongau.

¹⁵Myfi’r Arglwydd [ydwyf] eich Sanct chwi, creawdudd Israel, eich Brenin chwi.

¹⁶Fel hyn y dywedodd yr Arglwydd, yr Arglwydd, yr hwn a rydd ffordd yn y môr, a llwybr yn y dyfroedd cryfion.

¹⁷Yr hwn a ddwg allan y cerbyd a’r march, y llu a’r cryfder: cyd-orweddant, fel na chodant, darfuant, fel llîn y diffoddâsant.

¹⁸Na chofiwch y pethau cyntaf, nac ystyriwch y pethau gynt.

¹⁹Wele fi yn gwneuthur peth newydd, yr awr hon y dechreu, oni chewch ei ŵybod? gosodaf ffordd yn yr anialwch, ac afonydd yn y diffaethwch.

²⁰Bwyst-fil y maes, y dreigiau, a chywion y Estrys a’m gogoneddant, am roddi o honof ddwfr yn yr anialwch, [ac] afonydd yn y diffaethwch i roddi diod i’m pobl ddewisedic.

²¹Y bobl hyn a luniais i’m fy hun, fy moliant a fynêgant.

²²Ni elwaist arnaf Iacob, eithr blinaist arnaf Israel.

²³Ni ddugaist i’m filin dy offrymmau poeth, ac ni’m anrhydeddaist a’th ebyrth: ni cheisiais gennit fyng-wasanaethu â bwyd offrwm, ac ni’th flinais ag arogl-darth.

²⁴Ni phrynaist i’m Galamus ag arian, ac ni’m trochaist â braster dy ebyrth, eithr ti a’m llwythaist a’th bechodau, blinaist fi a’th anwireddau.

²⁵Myfi, myfi [yw]’r hwn a ddelea dy gamweddau er fy mwyn fy hun, ac ni chofiaf, dy bechodau.

²⁶Dwg ar gof i’m, cyd-ymgyfreithiwn, adrodd di [ryw beth] fel i’th gyfiawnhaer.

²⁷Dy dad cyntaf a bechodd, a’th athrawon a wnaethant gamwedd i’m herbyn.

²⁸Am hynny yr halogais dywysogion y cyssegr, ac y rhoddais Iacob yn ddiofryd-beth, ac Israel ym wradwydd.