Read William Morgan Bible 1588 original edition Esay 46 Bible Online

Esay 46 - William Morgan Bible 1588 original edition bible

Esay 46

¹Digofaint Duw yn erbyn delwau. 3 A chyngor i’r ffyddlonniaid iw ffieiddio hwynt. Syrthiodd Bel, torrwyd i lawr Nebo: aeth eu delwau hwynt ar fwyst-filod, ac ar anifeiliaid: eich clud a lwythwyd yn drwm ar y deffygiol.

²Gostyngâsant, cyd-grymmâsant, ni allent achub y llwyth, canys aethant mewn caethiwed eu hunain.

³Tŷ Iacob gwrandewch arnafi, a holl weddill tŷ Israel, y rhai a gludwyd o’r groth, ac a arweiniwyd o’r brû.

⁴Hyd henaint hefyd myfi fy hun, îe myfi [a’ch] cludaf hyd oni ben-wynnoch: gwneuthum, arweiniaf hefyd, clydaf, a gwaredaf [chwi.]

⁵I bwy i’m gwnewch yn debyg, ac i’m cystedlwch, ac i’m cyffelybwch, fel i’m tebyger [iddo?]

⁶Y rhai a wastraffant aur o’r pwrs, ac a bwysant arian mewn clorian, a gyflogant eurych, ac efe ai gweithia yn dduw, gostyngant, ac ymgrymmant [iddo.]

⁷Dygant ef ar yscwyddau, cludant ef a gosodant fel y safo yn ei lê, ni syfl oi le, os llefa [vn] ar hwnnw, nid ettyb, ac ni’s gwared ef oi gystudd.

⁸Cofiwch hyn, ac wrolwch, ystyriwch bechaduriaid.

⁹Cofiwch y pethau cyntaf er ioed, canys myfi [ydwyf] Dduw, ac nid neb arall, Duw [ydwyf,] ac heb fy mâth:

¹⁰Yn mynegu y diwedd o’r dechreuad, ac er cynt yr hyn ni wnaed [etto,] yn dywedyd, fyng-hyngor a saif, a’m hewyllys a wnaf.

¹¹Yn galw aderyn o’r dwyrain, a’m cynghor-wr o wlad bell, dywedais, a mi ai dygaf i benn, lluniais, ac mi ai gwnaf.

¹²Gwrandewch arnafi y rhai cedyrn galon, y rhai pell oddi wrth gyfiawnder.

¹³Nesseais fyng-hyfiawnder, [fel] na phellhao, a’m hiechydwriaeth nid erys: rhoddaf hefyd iechydwriaeth yn Sion, a’m gogoniant yn Israel.