Read William Morgan Bible 1588 original edition Esay 48 Bible Online

Esay 48 - William Morgan Bible 1588 original edition bible

Esay 48

¹Ffugioliaeth yr lddewon. 11 A Duw yn maddeu iddynt, ac yn eu gwared er ei fwyn ei hunan. Gwrandewch hyn tŷ Iacob, y rhai a elwir ar enw Israel, ac a ddaethant allan o ddyfroedd Iuda, y rhai dyngant i enw’r Arglwydd, ac a goffânt am Dduw Israel, nid mewn gwirionedd, nac mewn cyfiawnder.

²Er eu henwi o’r ddinas sanctaidd, a phwyso ohonynt ar Dduw Israel, enw yr hwn [yw] Arglwydd y lluoedd.

³Y pethau cyntaf a fynegais er y pryd hynny, a ddaethant o’m genau, ac a draethais, a wnaethum yn ddisymmwth, daethant i benn.

⁴O herwydd i mi ŵybod dy [fod] ti yn galed, a’th warr [fel] geûn haiarn, a’th dalcen yn brês.

⁵Am hynny y mynegais i ti er y pryd hynny, adroddais it cyn ei ddyfod, rhac dywedyd o honot, fy nelw a wnaeth hynny, fyng-herfddelw, a’m tawdd ddelw a ordeinodd hynny.

⁶Clywaist [ hyn o’r blaen] wele ef oll, oni fynegwch chwitheu [ef:] adroddais it bellach bethau newyddion, a phethau cuddiedic y rhai ni wyddit oddi wrthynt.

⁷Yn awr y creuwyd hwynt, ac nid er y pryd hynny, cyn heddyw ni chlywaist sôn am danynt: rhac dywedyd o honot, wele gwyddwn hynny.

⁸Ie nis clywsit, ac nis gwyddit ychwaith, nid agorasit dy glust y pryd hynny, canys gwyddwn y byddit lwyr anffyddlon: am hynny o’r groth i’th alwyd yn gamweddol.

⁹Er mwyn fy enw’r oedaf fy llîd, ac [er] fy mawl yr attaliaf oddi wrthit heb dy ddifetha.

¹⁰Wele myfi a’th burais, ond nid fel arian, dewisais di mewn pair cystudd.

¹¹Er fy mwyn fy hun, er fy mwyn fy hun y gwnaf [hyn] (canys onide [fy enw i] a halogid, diau ni roddaf fyng-ogoniant i arall.

¹²Gwrando arnafi Iacob, ac Israel yr hwn a elwais: myfi fy hun [wyf] gyntaf, a mi fy hun [wyf] y diwethaf.

¹³Fy llaw hefyd a seiliodd y ddaiar, a’m deheulaw a ddyrnfeddodd y nefoedd: pan alwyfi arnynt cyd-safant.

¹⁴Ymgesclwch chwi oll a gwrandewch pwy o honynt hwy a fynegodd hyn? yr Arglwydd yr hwn ai hoffa ef a wna ei ewyllys ar Babilon, ai fraich ef [a ddifetha] y Caldeaid.

¹⁵Myfi, myfi a leferais, ac ai gelwais ef: dygais ef, ai ffordd a lwydda.

¹⁶Nessewch attaf, gwrandewch hyn, ni leferais o’r cyntaf mewn ddirgelwch er y pryd y mae hynny’r [ydwyf] inne yno: ac yn awr yr Arglwydd Dduw ai Yspryd a’m hanfonodd.

¹⁷Fel hyn y dywedodd yr Arglwydd dy waredudd, Sanct Israel, myfi’r Arglwydd dy Dduw [ydwyf] yn dy ddyscu di i wellhau, gan dy arwein yn y ffordd a rodiech.

¹⁸O na wrandawsit ar fyng-orchymynnion, yna y buase dy lwyddiant fel afon, a’th gyfiawnder fel tonnau’r môr.

¹⁹Yna y buase dy hâd fel tyfod, ac eppil dy gorph fel ei raian ef: ni thorryd, ac ni ddinistrid ei enw oddi ger fy mron.

²⁰Ewch allan o Babilon, ffoiwch oddi wrth y Caldeaid, mynegwch, [ac] adroddwch hyn â llêf gorfoledd: treuthwch ef hyd eithafoedd dy ddaiar: dywedwch, gwaredodd yr Arglwydd ei wâs Iacob.

²¹Ac ni sychedasant yn yr anialwch, arweiniodd hwynt, gwnaeth i ddwfr bistyllu iddynt o’r graig: canys holltodd y graig, a’r dwfr a ddiferodd.

²²Nid [oes] heddwch (medd yr Arglwydd) i’r rhai annuwiol.