Read William Morgan Bible 1588 original edition Esay 50 Bible Online

Esay 50 - William Morgan Bible 1588 original edition bible

Esay 50

¹Yr Iddewon yn gwrthod Crist yn ddiachos, ei nerth, ei ddioddefaint, ai oruwchafiaeth yntef. Fel hyn y dywedodd yr Arglwydd, pa le y mae llythr yscar eich mam, [trwy]’r hwn y gollyngais hi ymmaith? neu pwy o’m dyledŵyr y gwerthais chwi iddo? wele i’ch anwireddau y gwerthwyd chwi, ac am eich camweddau y gollyngwyd ymmaith eich mam.

²Pa ham y deuthum, ac na derbynnodd] neb? y gelwais, ac nad attebodd [neb?] ai fy llaw gan gwttogi a gwttogodd fel na alle ymwared? onid [oes] ynof nerth i achub? wele a’m cerydd y sychais y môr, gosodais yr afonydd yn ddiffaethwch, eu pyscod a ddrewant o eisieu dwfr, ac a fyddant feirw o syched.

³Gwiscaf y nefoedd â thywyllwch, a gosodaf sach-liain yn dô iddynt.

⁴Yr Arglwydd a roddes i’m dafod y dyscedic, i fedru mewn pryd lefaru gair i’r deffygiol, deffru fi bob boreu, deffry i’m glust i glywed megis rhai dyscedic.

⁵Yr Arglwydd Dduw a agorodd fyng-hlust, a minne ni wrthwynebais, [ac] ni chiliais yn [fy] ôl.

⁶Fyng-horph a roddais i’r cur-wŷr, a’m cernau i’r cernod-wŷr, ni chuddiais fy wyneb oddi wrth wradwydd, a phoeredd.

⁷O herwydd yr Arglwydd Dduw a’m cymmorth, am hynny ni’m cywilyddiwyd, am hynny gosodais fy wyneb fel callestr am y gwyddwn na’m cywilyddid.

⁸Agos [yw]’r hwn a’m cyfiawnhâ, pwy a ymrysson â mi? safant yng-hyd, pwy a ymgyfreithia â mi nessaed attaf.

⁹Wele’r Arglwydd Dduw a’m cynnorthwy, a phwy [yw]’r hwn am anghyfiawnha? wele hwynt oll a heneiddiant fel dilledyn, gwyfyn ai hyssa hwynt.

¹⁰Pwy yn eich mysc sydd yn ofni’r Arglwydd? gwrandawer lais ei wâs ef, yr hwn rodiodd [mewn] tywyllwch, ac heb lewyrch iddo, gobeithied yn enw’r Arglwydd, ac ymddyrieded yn ei Dduw.

¹¹Wele chwi oll yn cynneu tân [ac] yn ymwregyssu â gwreichion: rhodiwch wrth lewyrch eich tân, ac wrth y gwreichion a gynneuasoch, o’m llaw i y mae hyn i chwi, mewn gofid y gorweddwch.