Read William Morgan Bible 1588 original edition Esay 51 Bible Online

Esay 51 - William Morgan Bible 1588 original edition bible

Esay 51

¹Cyngor i’r Iddewon i edifarhau, ac addewidion cyssurol i Sion ac Ierusalem. Gwrandewch arnafi ddilyn-wŷr cyfiawnder, y rhai a geisiwch yr Arglwydd edrychwch ar y graig i’ch naddwyd, ac ar geudod y ffôs i’ch cloddiwyd [o honynt.]

²Edrychwch ar Abraham eich tâd, ac ar Sara a’ch hescorodd, canys ei hunan y gelwais ef, yna y bendithiais, ac yr amlheuais ef,

³Am hynny yr Arglwydd a gyssura Sion, efe a gyssurodd ei holl ddinistr hi, gosododd hefyd ei hanialwch hi fel paradwys, ai rhossydd fel gardd yr Arglwydd: ceir ynddi lawenydd ac hyfrydwch, moliant a llais cân.

⁴Gwrandewch arnaf, fy mhobl, clust-ymwrandewch â mi fyng-henedl, canys cyfraith a aiff allan oddi wrthif, a gosodaf fy marn yn oleuni pobloedd.

⁵Agos yw fyng-hyfiawnder, fy iechydwriaeth aeth allan, fy mrechiau a farnant y bobloedd: ynysoedd a obeithiant ynof, ac a ymddyriedant [yn] fy nerth.

⁶Derchefwch eich llygaid tua’r nefoedd, ac edrychwch ar y ddaiar issod, canys y nefoedd a ddarfyddant fel mwg, a’r ddaiar a heneiddia fel dilledyn, ai phresswyl-wŷr yr vn modd fyddant meirw: ond fy iechydwriaeth i a fydd byth, a’m cyfiawnder ni dderfydd.

⁷Gwrandewch arnaf y rhai a adwaenoch gyfiawnder, pobl a’m cyfraith yn eu calon: nac ofnwch warthrudd dyn, ac nac arswydwch rhac eu coddiant.

⁸Canys y pryf ai bwyttu fel dilledyn, a’r gwyfyn ai hyssa fel gwlân: eithr fyng-hyfiawnder mau fi a fydd yn dragywydd, a’m iechydwriaeth hŷd yn oes oesoedd.

⁹Deffro, deffro fraich yr Arglwydd gwisc nerth, deffro fel y dyddiau gynt, [er yr] oesoedd tragywyddol: onid ti [yw]’r hwn a dorraist y balch, [ac] a archollaist y ddraig?

¹⁰Onid ti [yw]’r hwn a sychaist y môr, [a] dyfroedd y dyfnder mawr, yr hwn a osodaist ddyfnderoedd y môr yn ffordd fel yr ele y gwaredigion trwodd.

¹¹Felly y dychwel gwaredigion yr Arglwydd, a hwynt a ddeuant i Sion â chân, ac â llawenydd tragywyddol yn eu pennau, goddiweddant lawenydd, ac hyfrydwch: gofid a griddfan a ffoant ymmaith.

¹²Myfi myfi [ydwyf] yr hwn a’ch diddâna chwi, pwy [wyt] ti a ofni rhac dyn [yr hwn] fydd marw? a rhac mab dyn [yr hwn] a roddir fel gweltyn?

¹³Ac yr anghofiast yr Arglwydd dy wneuthurwr, yr hwn a estynnodd y nefoedd, ac a seiliodd y ddaiar, ac yr ofnaist bob dydd yn wastad rhac llid y gorthrymmudd, pan ddarpare i ddinistrio? etto pa le [y mae] llîd y gorthrymudd?

¹⁴Y carcharor sydd yn bryssio i gael ei ollwng yn rhydd fel na byddo efe farw yng-harchar, ac na phallo ei fara ef.

¹⁵Myfi hefyd [ydwyf] yr Arglwydd dy Dduw yr hwn a barthodd y môr pan ruodd ei donnau: ei enw [yw] Arglwydd y lluoedd.

¹⁶Gosodais hefyd fyng-eiriau yn dy enau, ac â chyscod fy llaw i’th doais, fel y plannwn y nefoedd, ac y seiliwn y ddaiar, ac y dywedwn wrth Sion, fy mhobl mau fi [ydwyt] ti.

¹⁷Deffro, deffro, cyfot Ierusalem, yr hon a yfaist o law’r Arglwydd gwppan ei lidiawgrwydd ef: yfaist [a] sugnaist waddod y cwppan erchyll.

¹⁸Nid [oes] arweinudd iddi o’r holl feibion a escorodd, ac nid [oes] a ymaflo yn ei llaw o’r holl feibion a fagodd.

¹⁹Y ddau beth hyn a ddigwyddasant it, pwy a ofidia trosot, dinistr, a destruw, a newyn, a chleddyf, [trwy] bwy i’th gyssuraf?

²⁰Dy feibion a lewygasant, gorweddant ym mhen pob heol fel ŷch gwyllt [mewn] magl, yn llawn o lidiawgrwydd yr Arglwydd [a] cherydd dy Dduw.

²¹Am hynny gwrando fi yn awr, ô druan, yr hon a feddwodd hefyd, ac nid [trwy] wîn.

²²Fel hyn y dywedodd yr Arglwydd Dduw, sef dy Dduw di [yr hwn] a ddadle [tros] ei bobl: wele cymmerais o’th law y cwppan erchyll, sef gwaddod cwppan fy llidiawgrwydd ni chwanegi yfed mwy.

²³Eithr rhoddaf ef yn llaw dy orthrym-wŷr, y rhai a ddywedasant wrth dy enaid, gostwng fel yr elom trosot [ti:] a thi a osodaist dy gorph fel daiar, ac fel heol i’r rhai a elent trosto ef.