Read William Morgan Bible 1588 original edition Esay 52 Bible Online

Esay 52 - William Morgan Bible 1588 original edition bible

Esay 52

¹Cyssur i bobl Dduw o gydrycholdeb Crist. Deffro, deffro, gwisc dy nerth Sion, gwisc wiscoedd dy ogoniant, sanctaidd ddinas Ierusalem: canys ni ddaw ynot mwy ddienwaededic, nac aflan.

²Ymescwyt o’r llŵch, cyfot, eistedd Ierusalem, dattot rwymau dy wddf [ti] gaeth-ferch Sion.

³Canys fel hyn y dywedodd yr Arglwydd, yn rhad i’ch gwerthwys, ac nid ag arian i’ch gwaredir.

⁴Canys fel hyn y dywedodd yr Arglwydd Dduw, fy mhobl aeth i wared i’r Aipht yn y dechreuad i ymdaith yno: Assur hefyd ai gorthrymmodd yn ddiachos.

⁵Ac yn awr beth [sydd] ymma i mi medd yr Arglwydd? canys dygwyd fy mhobl yn rhad, eu llywodraethwŷr a wnant [iddynt] wylo medd yr Arglwydd: a phob dydd yn wastad y ceblir fy enw.

⁶Am hynny y caiff fy mhobl adnabod fy enw, am hynny [y cânt wybod] y dydd hwnnw, mai myfi [ydwyf] yr hwn sy’n dywedyd: wele fi.

⁷Morr weddaidd ar y mynyddoedd [yw] traed yr hwn sydd yn mynegu [ac] yn cyhoeddi heddwch? a’r hwn sydd yn mynegu daioni, yn cyhoeddi iechydwriaeth, [ac] yn dywedyd wrth Sion, dy Dduw di sydd yn teyrnasu.

⁸Llef dy wil-wŷr [a glywir,] derchafant lef, cyd-ganant, canys gwelant yn eglur pan ddychwelo’r Arglwydd Sion.

⁹Bloeddiwch, cyd-genwch diffaethwch Ierusalem, canys y Arglwydd a gyssurodd ei bobl, [ac] a waredodd Ierusalem.

¹⁰Dioscodd yr Arglwydd fraich ei sancteiddrwydd yng-olwg yr holl genhedloedd, a holl gyrrau’r ddaiar a welant iechydwriaeth ein Duw ni.

¹¹Ciliwch, ciliwch, ewch allan oddi yno, na chyffyrddwch a’r halogedic, ewch allan oi chanol, ymlanhewch y rhai a arweiniwch lestri’r Arglwydd.

¹²Canys nid ar frys yr ewch allan, ac nid ar ffô y cerddwch, eithr yr Arglwydd a aiff o’ch blaen chwi, a Duw Israel a’ch cascl chwi.

¹³Wele fyng-wâs a lwydda, a godir, a dderchefir, ac a fydd vchel iawn.

¹⁴Megis y rhyfeddodd llawer wrthit, morr llygredic [oedd] ei wedd yn anad neb, ai brŷd ef yn anad meibion dynnion:

¹⁵Felly y gwascar efe genhedloedd lawer, brenhinoedd a gaeant eu geneu wrtho ef, am weled o honynt yr hyn ni fynegasid iddynt, a deall o honynt yr hyn ni chlywsent.