Read William Morgan Bible 1588 original edition Esay 53 Bible Online

Esay 53 - William Morgan Bible 1588 original edition bible

Esay 53

¹Prophwydoliaeth, na chrede’r Iddewon i Grist o herwydd gwaeled yr olwg arno: a maint y gwrthwyneb iddo: gan ddangos y bydde hyn oll er ein mwyn ni, ac y troent yn ogoniant i Grist. Pwy a gredodd i’n ymadrodd? ac i bwy y datcuddiwyd braich yr Arglwydd?

²Canys cyfyd oi flaen ef fel blaguryn, ac fel gwreiddyn o dîr sychedic, heb brŷd na thegwch iddo: pan edrychom ni arno ef ni bydd prŷd fel y dymunem ef.

³Dirmygedic oedd, a gwaelaf o’r gwŷr, gŵr gofidus, a chynefin â dolur, a [phob vn] megis yn cuddio ei wyneb oddi wrtho: dirmygedic oedd, ac ni wnaethant gyfrif o honaw.

⁴Diau efe a gymmerth ein gwendid ni, ac a ddug ein doluriau: etto ni ai cyfrifasom ef wedi ei blagio, ei daro, ai ddarostwng o Dduw.

⁵Ac ef a archollwyd am ein camweddau ni, ac a ddrylliwyd am ein hanwireddau ni, cospedigaeth ein heddwch ni [a roddwyd] arno ef, a thrwy ei gleisiau ef yr iachauwyd ni.

⁶Nyni oll a gyrwydrasom fel dafad, troesom bawb iw ffordd ei hun, a’r Arglwydd a roddes yn ei erbyn ef ein holl anwiredd ni.

⁷Efe a orthrymmwyd, ac efe a gystuddiwyd, ac nid agore ei enau, fel oen yr arweinid ef i’r lladdfa, fel dafad o flaen y rhai ai cneifie y tawe, ac nid agore ei enau.

⁸O garchar, ac o farn y dygwyd ef, etto pwy a draetha ei oes ef? canys ef a dorrwyd o dir y rhai byw, [rhoddwyd] pla arno ef am gamwedd fy mhobl.

⁹Ac efe a roddes ei fedd gyd a’r rhai anwir, a chyd a’r cyfoethog yn ei farwolaeth: er na wnaethe gam, ac nad [oedd] twyll yn ei enau.

¹⁰Eithr yr Arglwydd a fynne ei ddryllio ef, [ac] ai clwyfodd, pan osodo efe ei enaid yn aberth dros bechod, efe a wêl hâd, ac a estyn ddyddiau: ac ewyllys yr Arglwydd a lwydda yn ei law ef.

¹¹O lafur ei enaid y gwêl [ffrwyth, ac] y diwellir, fyng-wâs cyfiawn a gyfiawnha lawer trwy ei ŵybodaeth, ac efe a ddwg eu hanwiredd.

¹²Am hynny y rhoddaf iddo rann gyd â llawer, ac efe a ranna’r yspail gyd a’r cedyrn, am iddo dywallt ei enaid i farwolaeth, ai gyfrif gyd a’r trosedd-wŷr: ac efe a dynnodd ymmaith bechodau llaweroedd, ac a eiriolodd dros y trosedd-wŷr.