Read William Morgan Bible 1588 original edition Esay 54 Bible Online

Esay 54 - William Morgan Bible 1588 original edition bible

Esay 54

¹Duw yn addo helaethu ei eglwys, 4 maddeu ei phechodau, 11 A rhoddi iddi hi ogoniant, ac ar ei gelynnion ddinistr. Can [di] amhlantadwy heb escor, bloeddia ganu, a gorfoledda, [yr hon] nid escorodd: o herwydd amlach meibion yr anrhaithiedic na’r wriog medd yr Arglwydd.

²Helaetha lê dy babell, ac estynned cortynnau dy bresswylfeudd, nac attal: estyn dy raffau, cadarnhâ dy hoelion.

³Canys ti a amlheuir tu a’r llaw ddehau, a thua’r llaw asswy, a’th hâd a oresgyn y cenhedloedd, a dinasoedd anrhaithiedic a gyfanneddant hwy.

⁴Nac ofna, canys ni’th gywilyddir, ac ni’th wradwyddir, ac ni’th warthruddir, eithr anghofi wradwydd dy ieuengctid, a gwarthrudd dy weddwdod ni chofi mwyach.

⁵Canys dy briod [yw’r] hwn a’th wnaeth, Arglwydd y lluoedd [yw] ei enw: dy waredudd hefyd Sanct Israel a elwir Duw’r holl ddaiar.

⁶Canys fel gwraig wrthodedic, a chystuddiedic o yspryd i’th alwodd yr Arglwydd, fel gwraig ieuangc pan oeddit ti wrthodedic medd dy Dduw.

⁷Tros ennyd fechan i’th adewais; ond â mawr drugaredd i’th gasclaf.

⁸Mewn ychydig sorriant y cuddiais fy wyneb oddi wrthit ennyd [awr,] ond â thrugaredd dragywyddol y trugarhais wrthit medd yr Arglwydd dy waredudd.

⁹Canys [fel] dyfroedd Noah [y mae] hynn i mi, megis y tyngais nad ele dyfroedd Noah mwy dros y ddaiar: felly y tyngais na sorraf wrthit, ac na’th geryddaf.

¹⁰Canys y mynyddoedd a giliant, a’r bryniau a siglant: eithr fy nhrugaredd mau fi ni chilia, a chyfammod fy hedd ni syfl medd dy drugarog Arglwydd.

¹¹Y druan helbulus ddigyssur, wele mi a’th furiaf di a Charbunculus, ac a’th sylfaenaf â [meini] Saphyr.

¹²Gosodaf hefyd dy ffenestri o rissial, a’th byrth o feini disclair, a’th holl derfyn â cherric dymunol.

¹³Dy holl feibion hefyd [fyddant] wedi eu dyscu gan yr Arglwydd, a mawr [fydd] heddwch dy feibion.

¹⁴Mewn cyfiawnder i’th siccrheuir, cilia ym mhell oddi wrth orthrymder canys nid ofni, ac oddi wrth ddychryn, canys ni nessâ attat.

¹⁵Wele [pwy bynnac] gan ymgasclu a ymgasclo [i’th erbyn] ni [bydd efe] o honofi: pwy bynnac o honot ti a ymgasclo i’th erbyn efe a syrth.

¹⁶Wele myfi a greais y gof, yr hwn a chwytha y marwor yn tân, ac a ddefnyddia arf oi waith ei hun: myfi hefyd a greais y dinistrudd i ddestruwio.

¹⁷Ni lwydda vn offeryn a lunier i’th erbyn, a thi a orchfygi bob tafod a gyfodo i’th erbyn mewn barn: dymma etifeddiaeth gweision yr Arglwydd, ai cyfiawnder hwynt [sydd] oddi wrthifi medd yr Arglwydd.