Read William Morgan Bible 1588 original edition Esay 55 Bible Online

Esay 55 - William Morgan Bible 1588 original edition bible

Esay 55

¹Duw yn annog y bobl i ffydd, ac i edifeirwch trwy ei efangylaidd addewidion. O deuwch i’r dyfroedd bob vn y mae syched arno, îe yr hwn nid [oes] arian ganddo, deuwch, prynwch, a bwyttewch, ie deuwch prynwch wîn, a llaeth heb arian, ac heb werth.

²Pa ham y telwch arian am [yr hyn] nid [ydyw] fara? a’ch llafur am [yr hyn] nid [yw] yn ddigonoldeb? gan wrando gwrandewch arnafi, a bwyttewch yr hyn sydd dda: ac ymhyfryded eich enaid mewn brasder.

³Gogwyddwch eich clustiau, a deuwch attaf; gwrandewch fel y byddo byw eich enaid, ac mi a wnâf gyfammod tragywyddawl â chwi [sef] siccr drugareddau Dafydd.

⁴Wele rhoddais ef yn dyst i’r bobl, yn flaenor, ac yn athro i’r bobloedd.

⁵Wele cenedl nid adweini a elwi, a chenhedlaeth nid adwaenant ti a redant attat, er mwyn yr Arglwydd dy Dduw, ac o herwydd Sanct Israel: canys efe a’th ogoneddodd.

⁶Ceisiwch yr Arglwydd tra y caffer ef, gelwch arno tra fyddo yn agos.

⁷Gadawed y drygionus ei ffordd, a’r gŵr anwir ei amcannion, a dychweled at yr Arglwydd, ac efe a gymmer drugaredd arno, ac at ein Duw ni o herwydd y mae efe yn barod iawn i faddeu.

⁸Canys nid fy amcannion i [yw] eich amcannion chwi, ac nid eich ffyrdd chwi [yw] fy ffyrdd i medd yr Arglwydd.

⁹Canys [fel] y mae’r nefoedd yn vwch na’r ddaiar, felly vwch yw fy ffyrdd i na’ch ffyrdd chwi, a’m amcannion i na’ch amcannion chwi.

¹⁰Canys fel y descyn y glaw, a’r eira o’r nefoedd, ac ni ddychwel yno, eithr dwfrhâ y ddaiar, ac a wna iddi darddu a thyfu fel y rhoddo hâd i’r hau-wr, a bara i’r bwytta-wr:

¹¹Felly y bydd fy-ngair yr hwn a ddaw o’m genau ni ddychwel attaf yn wâg: eithr efe a wna yr hyn a fynnwyf, ac a lwydda lle’r anfonwyd ef.

¹²Canys mewn llawenydd yr ewch allan, ac mewn hedd i’ch arweinir [i mewn,] y mynyddoedd a’r brynnau a floeddiant ganu o’ch blaen, a holl goed y maes a gurant ddwylo.

¹³Yn lle drain y cyfyd ffynid-wydd, yn lle danadl y cyfyd myrt-wydd, a [hyn] fydd i’r Arglwydd yn enw, ac yn arwydd tragywyddol yr hwn ni thorrir.