Read William Morgan Bible 1588 original edition Esay 6 Bible Online

Esay 6 - William Morgan Bible 1588 original edition bible

Esay 6

¹Esay yn dangos ei alwedigaeth, 9 Cyndynrwydd y bobl, 11 Dinistr y wlâd. 13 Am y gweddill a ddiango. Yn y flwyddyn y bu farw y brenin Uziah y gwelais hefyd yr Arglwydd yn eistedd ar eisteddfa vchel, dderchafedic: ai odrau ef yn llenwi y deml.

²Y seraphiaid oeddynt yn sefyll oddi ar hynny: chwech aden ydoedd i bôb vn: â dwy y toe ei wyneb, ac â dwy y toe ei draed, ac â dwy yr eheda.

³A llefodd y naill wrth y llall, ac a ddywedodd: Sanct, Sanct, Sanct yw Arglwydd y lluoedd, yr holl ddaiar sydd lawn oi ogoniant ef.

⁴A physt y rhiniogau a symmudasant gan y llef yn llefain, a’r tŷ a lawnwyd gan fŵg.

⁵Yna y dywedais, gwae fi, canys darfu am danaf, o herwydd gŵr halogedig [ei] wefusau [ydwyfi,] ac ym mysc pobl halogedic o wefusau yr ydwyf yn trigo: canys fy llygaid a welsant y brenin [sef] Arglwydd y lluoedd.

⁶Yna yr ehedodd attaf vn o’r Seraphiaid, ac yn ei law farworyn yr hwn a gymmerase efe oddi ar yr allor mewn gefail.

⁷Ac efe a gyffyrddodd a’m genau, ac a ddywedodd, wele cyffyrddodd hwn a’th wefusau, fel yr ymadawo dy anwiredd, a glanhauir dy bechod.

⁸Clywais hefyd lêf yr Arglwydd yn dywedyd: pwy a anfonaf? a phwy a aiff trosom ni? yna y dywedais, (wele fi) anfon fi.

⁹Ac efe a ddywedodd, dôs, a dywet wrth y bobl hyn: gan glywed clywch, ond ni ddeallwch; a chan weled y gwelwch, ond nis gwybyddwch.

¹⁰Brassha galon y bobl hyn, a thrymha eu clustiau, a chaea di eu llygaid: rhag iddynt weled ai llygaid, a chlywed ai clustiau, a deall ai calon, a dychwelyd, ai meddyginiaethu.

¹¹A dywedais, hyd pa hyd Arglwydd? ac efe a attebodd, hyd oni anrheithier y dinasoedd heb drigiannudd, a’r tai heb ddŷn, a gwneuthur y wlâd yn ddiffaethwch.

¹²A’r Arglwydd bellhâ ddynion, a [bydd] dinistr mawr yng-hanol y wlâd.

¹³Ac etto [bydd] ynddi ddegymmiad, a hi a ddychwel, yna y bydd yn ddifrod: yr hâd sanctaidd [yw] ei hattaliaeth hi, fel y llwyfen a’r dderwen y rhai wrth fwriad eu [dail y bydd] sylwedd ynddynt.