Read William Morgan Bible 1588 original edition Esay 61 Bible Online

Esay 61 - William Morgan Bible 1588 original edition bible

Esay 61

¹Donniau, a swydd Crist. 5 Rhagor-fraint yr eglwys. 10 Crist yn hyfryd ganddo ei eglwys. Yspryd yr Arglwydd Dduw [sydd] arnaf, o herwydd yr Arglwydd a’m eneiniodd i efangylu [i’r] trueniaid, efe a’m hanfonodd i rwymo y rhai yssig calon, i bregethu rhydd-did i’r caethion, ac agoriad carchar i’r rhai a rwymwyd,

²I bregethu blwyddyn bodlonrwydd yr Arglwydd, a dydd dial ein Duw ni, gan gyssuro pob galarus,

³I osod i alarwŷr Sion, [ac] i roddi iddynt ogoniant yn lle lludw, olew llawenydd yn lle galar, gwisc moliant yn lle yspryd cystuddiedic, a hwynt a elwir yn brennau cyfiawnder, yn blanhigin yr Arglwydd i ymogoneddu.

⁴Adailadant hefyd hên ddiffaethwch, cyfodant anghyfanneddfa y rhai gynt, ac adnewyddant ddinasoedd diffaethwch, a’r [lleoedd y rhai a fuant] anghyfannedd drwy lawer oes.

⁵Yna y dieithriaid a safant, ac a borthant eich praidd, a meibion dieithr [fyddant] eich ardd-wŷr a’ch gwin-llanwŷr.

⁶Chwithau a elwir yn offeiriaid i’r Arglwydd, gwenidogion ein Duw ni meddir wrthych, golud y cenhedloedd a fwynhewch, ac yn eu gogoniant hwy’r ymdderchefwch.

⁷Yn lle eich cywilydd dau ddyblyg, a’r gwradwydd a ganent yn eu tîr hwynt y meddiannant [ran] yn ddwbl, llawenydd tragywyddol fydd iddynt.

⁸Canys myfi’r Arglwydd a hoffaf gyfiawnder, gan gassau trais mewn poeth offrwm, ac a roddaf eu gwaith mewn gwirionedd, ac a wnaf â hwynt gyfammod tragywyddol.

⁹Eu hâd hwynt hefyd a adweinir ym mysc y cenhedloedd, ai hiliogaeth hwynt yng-hanol y bobl: y rhai ai gwelant ai hadwaenant, mai hwynt hwy [yw]’r hâd a fendithiodd yr Arglwydd.

¹⁰Gan lawenychu y llawenychaf yn yr Arglwydd, a’m henaid a orfoledda yn fy Nuw, canys gwnaeth i mi wisco gwiscoedd iechydwriaeth, gwiscodd fi â mantell cyfiawnder: megis y priod-fab [i’m] cyssegrodd â gogoniant, ac fel yr ymdrwssia priod-ferch ai thlyssau.

¹¹Megis y gwna’r ddaiar iw gwellt dyfu, ac fel y gwna gardd iw hadau egîno, felly y gwna’r Arglwydd Iôr i gyfiawnder, a moliant darddu ger bron yr holl genhedloedd.