Read William Morgan Bible 1588 original edition Esay 62 Bible Online

Esay 62 - William Morgan Bible 1588 original edition bible

Esay 62

¹Swydd Crist ai wenidogion. Er mwyn Sion ni thawaf, ac er mwyn Ierusalem ni ostegaf, hyd onid elo ei chyfiawnder hi allan fel discleirdeb, ac enynnu oi hiechydwriaeth hi fel ffagl,

²Yna y cenhedloedd a welant dy gyfiawnder, a’r holl frenhinoedd dy ogoniant, yna y gelwir arnat enw newydd yr hwn a yspyssa genau’r Arglwydd.

³Byddi hefyd yn goron ogoniant yn llaw’r Arglwydd, ac yn gylch brenhinawl yn llaw dy Dduw.

⁴Ni ddywedir am danat mwy, gwrthodedic [yw,] am dy dîr hefyd ni ddywedir mwy, anghyfannedd [yw,] eithr am danat ti y llesir, y mae] fy ewyllys arni: ac am dy dir, perchennogwyd ef: canys bodlon yw’r Arglwydd i ti, a’th dir, a berchennogir.

⁵Canys [fel] y prioda gŵr ieuangc forwyn, y prioda dy feibion dithe, ac â llawenydd priod-fab am briod-ferch, y llawenycha dy Dduw o’th blegit ti.

⁶Ar dy furiau di Ierusalem y gosodais geidwaid, ni thawant ddydd na nôs yn wastad, y rhai ydych yn cofio yr Arglwydd, na [fydded] gennych ddistawrwydd,

⁷Ac na roddwch ddistawrwydd iddo, hyd oni siccrhao, ac hyd oni osodo Ierusalem yn foliant ar y ddaiar.

⁸Tyngodd yr Arglwydd iw ddeheu-law, ac iw fraich nerthol ef, [nid byw fi]os rhoddaf dy wenith mwyach yn ymborth i’th elynnion, ac os meibion dieithr a yfant dy wîn yr hwn y llafuriaist am dano.

⁹Eithr y rhai a gasclant hwnnw ai bwytânt, ac a foliannant yr Arglwydd, a’r rhai a gasclant hwn ai hŷfant o fewn cynteddoedd fyng-hyssegr.

¹⁰Cynniwerwch, cynniwerwch trwy’r pyrth, gwastattewch ffordd y bobl, palmentwch briffordd, digarregwch [hi:] cyfodwch faner ar y bobloedd.

¹¹Wele’r Arglwydd a gyhoeddodd hyd eithaf y ddaiar, dywedwch wrth ferch Sion, wele dy iechydwriaeth yn dyfod, wele ei gyflog gyd ag ef, ai weithred oi flaen.

¹²Galwant hwynt hefyd yn bobl sanctaidd yn waredigion yr Arglwydd: tithe a elwir, yr hon a geisiwyd, dinas ni’s gwrthodwyd.