Read William Morgan Bible 1588 original edition Esay 64 Bible Online

Esay 64 - William Morgan Bible 1588 original edition bible

Esay 64

¹Y Prophhwyd yn gweddio tros bechodau y bobl, ac yn dangos frynted cyfiawnder gweithredoedd dyn. Oh na rwygit y nefoedd, a descyn, [yna] y mynyddoedd a doddent o’th flaen di,

²Fel y llysc y tân greision, [ac] y berw ddwfr: i yspyssu dy enw i’th wrthwyneb-wŷr, [fel] yr ofne y cenhedloedd rhagot.

³Pan wnaethost [bethau] ofnadwy ni ddisgwiliasom [am danynt,] y descynnaist, [a’r] mynyddoedd a ddiferasant o’th flaen.

⁴Ac er ioed ni chlywsant, ni dderbynnasant â chlustiau, ac ni welodd llygad Dduw, ond tydi [yr hwn] a wna [felly] i’r neb a obeithia ynddo.

⁵Cynnorthwyaist y llawen, a’r hwn a wnaeth gyfiawnder, yn dy ffyrdd i’th goffânt di, wele ti a ddigiaist pan bechasom [pe arhosasê] ynddynt hwy byth, yna cadwedic fuasem.

⁶Eithr ni oll fuom megis [peth] aflan, ac megis dilledyn o frattiau yw ein holl gyfiawnderau, a megis deilen y syrthiasom ni oll: a’n anwiredd megis gwynt a’n dûg ni ymmaith.

⁷Ac nid oes a alwo ar dy enw, nac a ymgyfyd i ymaflyd ynot: canys cuddiaist dy wyneb oddi wrthym, difeaist ni o herwydd ein anwiredd.

⁸Ond yn awr Arglwydd ein Tâd ni [ydwyt] ti, nyni [ydym] glai, a thithe yw ein lluni-wr ni, ie gwaith dy law [ydym] ni oll.

⁹Na ddigia Arglwydd yn ddirfawr, ac na chofia anwiredd yn dragywydd, wele edrych attolwg dy bobl di [ydym] ni oll.

¹⁰Dy sanctaidd ddinasoedd ydynt anialwch, Sion [sydd] yn ddiffaethwch, a Ierusalem yn anghyfannedd.

¹¹Tŷ ein sancteiddrwydd, a’n holl ogoniant, lle y molianne ein tadau dydi sydd yn lloscfa dân, a’n holl ddymunol [leoedd,] sydd yn ddiffaethwch.

¹²A ymatteli di Arglwydd wrth y hyn? a dewi di, ac a gystuddi di ni yn ddirfawr?