Read William Morgan Bible 1588 original edition Esay 8 Bible Online

Esay 8 - William Morgan Bible 1588 original edition bible

Esay 8

¹Yr Assyriaid yn caethiwo Israel ac Iuda. 9 Dinistr yr Assyriaid: 14 y maen tramgwydd. 19 Am ddewiniaeth. A’r Arglwydd a ddywedodd wrthif, cymmer it ddalen fawr, ac scrifenna arni â phin dyn: Brysiwch i’r yspail, pryssurwch i’r anrhaith.

²Yna y gelwais yn dyst i mi dystion ffyddlon, sef Uria yr offeiriad, a Zecariah fab Barachiah.

³Yna y nesseais at y brophwydes, ac hi a feichiogodd, ac a escorodd ar fab; a dywedodd yr Arglwydd wrthif, galw ei enw ef, Brysiwch i’r yspail, pryssurwch i’r anrhaith.

⁴Canys cyn y medro’r bachgen alw fy nhad, neu fy mam, golud Damascus, ac yspail Samaria a ddygir o flaen brenin Assyria.

⁵A chwanegodd yr Arglwydd lefaru wrthif y chwaneg gan ddywedyd,

⁶O herwydd i’r bobl hyn wrthod dyfroedd Siloh y rhai ynt yn myned yn ddistaw, [a chymmeryd] llawenydd o Rezin, a mab Remaliah:

⁷Am hynny wele’r Arglwydd yn dwyn arnynt ddyfroedd yr afon yn gryfion, ac yn fawrion [sef] brenin Assyria, ai holl gadernid ef, ac efe a escyn ar ei holl afonydd, ac ar ei holl geulannau ef.

⁸Ie, trwy Iuda y treiddia efe, y llifa, ac yr aiff trwodd, efe a aiff hyd y gwddf: ac estynniad ei adenydd ef fydd lloned llêd dy dîr di ô Immanu-El.

⁹Ymrwygwch bobloedd, ac ymddrylliwch, gwrandewch holl belledigion y tir: ymwregyswch, ac ymddrylliwch, ymwregyswch, ac ymddrylliwch.

¹⁰Ymgynghorwch gyngor, ac fe a ddiddymmir, treuthwch chwedl, ac ni saif: canys Duw [sydd] gyd â ni.

¹¹Canys fel hyn y dywedodd yr Arglwydd wrthif mewn prophwydoliaeth gref: ac efe a’m dyscodd rhac myned i ffordd y bobl hyn, gan ddywedyd:

¹²Na ddywedwch, [gwnawn] gyngrair a’r rhai oll y dywedo y bobl hyn [gwnawn] gyngrair: nac ofnwch ychwaith fel hwynt, ac na arswydwch.

¹³[Ond] Arglwydd y lluoedd ei hun a sancteiddiwch, ac efe [fydd] eich ofn, efe hefyd [fydd] eich arswyd.

¹⁴Ac efe a fydd yn noddfa, ac yn faen tramgwydd, ac yn graig syrthiad i ddau dŷ Israel, yn fagl, ac yn rhwyd i bresswylwŷr Ierusalem.

¹⁵A llawer wrth y rhai hyn a dramgwyddant, ac a syrthiant, ac a ddryllir, a rwydir hefyd, ac a ddelir.

¹⁶Rhwym y destiolaeth, selia y gyfraith gyd a’m discyblion.

¹⁷A minnef a ddisgwyliaf am yr Arglwydd sydd yn cuddio ei wyneb oddi wrth dŷ Iacob, ac a wiliaf wrtho.

¹⁸Wele fi a’r plant y rhai a roddes yr Arglwydd i mi yn arwyddion, ac yn rhyfeddodau yn Israel, oddi wrth Arglwydd y lluoedd yr hwn sydd yn trigo ym mynydd Sion.

¹⁹A phan ddywedant wrthych, ymofynnwch a’r swynyddion, ac a’r dewiniaid y rhai sy yn husting, ac yn sibrwd: [dywedwch,] onid ai Duw’r ymofyn pobl [heb fyned] oddi wrth y byw, at y meirw?

²⁰[Ewch] at y gyfraith, ac at y dystiolaeth: onid y rhai nid oes oleuni ynddynt a ddywedant yn ôl y gair hwn?

²¹Yna y gorthrymmedic, a’r newynoc adramwya ynddi: a bydd pan newyno efe yr ymddigia, ac y melldiga ei frenin, ai Dduw, os tremmia i fynu.

²²Neu edrych ar y ddaiar, wele yna drallod, a thywyllwch, niwl, cyfyngder: a bydd wedi ei wthio mewn tywyllni.

²³Etto ni [bydd] tywyllwch yn ôl ei gofid megis yn yr amser cyntaf y cyffyrddodd yn yscafn dîr Zabulon a thîr Nephthali, ac wedi hynny yn ddwysach y cyffyrddodd [wrth] ffordd y môr tu hwynt i’r Iorddonen yn Galilee y cenhedloedd.