Read William Morgan Bible 1588 original edition Lefiticus 13 Bible Online

Lefiticus 13 - William Morgan Bible 1588 original edition bible

Lefiticus 13

¹Bod i’r offeiriad farnu gwahan-glwyf dyn. 47 a dillad. Llefarodd yr Arglwydd hefyd wrth Moses ac Aaron, gan ddywedyd:

²Dŷn (pan fyddo yng-hroen ei gnawd, chŵydd neu grammen, neu ddisclaerder, a bod yng-hroen ei gnawd ef megis anafod y clwyf gwahanol,) a ddygir at Aaron yr offeiriad, neu at vn oi feibion ef yr offeiriaid.

³Pan welo yr offeiriad yr anafod yng-hroen y cnawd: os y blewyn yn yr anafod fydd wedi troi yn wynn a gwelediad yr anafod yn ddyfnach na chroen ei gnawd ef, anafod gwahanglwyf yw hwnnw: a’r offeiriad ai hedrych ac ai barn yn aflan.

⁴Ond os disgleirdeb gwynn fydd efe yng-hroen ei gnawd ef, ac heb fod yn îs ei welediad na’r croen, a’r blewyn heb droi yn wynn: yna caeed yr offeiriad ar yr [anafodus] saith niwrnod

⁵A’r seithfed dydd edryched yr offeiriad ef, ac os sefyll y bydd yr anafod yn ei olwg ef, heb ledu o’r anafod yn y croen, yna caeed yr ofeiriad arno saith niwrnod eil-waith.

⁶Ac edryched yr offeiriad ef yr ail seithfed dydd, ac os bydd yr anafod yn crychu, heb ledu o’r anafod yn y croen, yna barned yr offeiriad ef yn lân: crammen yw honno, yna golched ei wiscoedd a glân fydd.

⁷Ac os y grammen gan ledu a ledy yn y croen, wedi i’r offeiriad ei weled, ai farnu yn lân: yna dangoser ef eilwaith i’r offeiriad.

⁸Ac edryched yr offeiriad, ac os lledodd y grammen yn y croen, yna barned yr offeiriad ef yn aflan: gwahan-glwyf yw hwnnw.

⁹Pan fyddo ar ddyn anafod gwahan-glwyf, yna dyger ef at yr offeiriad.

¹⁰Ac edryched yr offeiriad, yna os chŵydd gwynn [a fydd] yn y croen, a hwnnw wedi troi y blewyn yn wynn, a dim cîg byw yn y chŵydd.

¹¹Hên wahan-glwyf yw hwnnw, yng-hroen ei gnawd ef, a barned yr offeiriad ef yn aflan: na chaeed arno o herwydd y mae efe yn aflan:

¹²Ond os y gwahan-glwyf gan darddu a dardda yn y croen, a gorchguddio o’r gwahanglwyf holl groen yr anafodus, oi ben hyd ei draed: pa le bynnac yr edrycho’r offeiriad.

¹³Yna edryched yr offeiriad ac os y gwahan-glwyf fydd yn cuddio ei holl gnawd ef, yna barned or offeiriad yr anafodus yn lân, [os] trôdd yn wynn ei yd, glân yw.

¹⁴A’r dydd y gwelir ynddo gîg byw, aflan fydd

¹⁵Yna edryched yr offeiriad ar y cîg byw, a barned ef yn aflan, aflan yw’r cîg byw hunnw, gwahan-glwyf yw.

¹⁶Neu os dychwel y cîg byw a throi’n wynn: yna deued at yr offeiriad.

¹⁷Ac edryched yr offeiriad arno, ac os trôdd yr anafod yn wynn, yna barned yr offeiriad yr anafod yn lân, glân yw efe.

¹⁸A chnawd hefyd (o bydd ynddo gornwyd yn ei groen, ai iachau,

¹⁹A bod yn lle y cornwyd chŵydd gwŷnn neu ddisclaerder gwynn-goch) a ddangosir i’r offeiriad.

²⁰Ac edryched yr offeiriad, ac os gwelir ef yn îs na’r croen, a’r blewyn wedi troi yn wynn, yna barned yr offeiriad ef yn aflan gwahan-glwyf yw efe yn tarddu yn y cornwyd.

²¹Ond os yr offeiriad ai hedrych, ac wele ni bydd ynddo flewyn gwynn ac ni bydd is na’r croen, ond wedi duo: yna caeed yr offeiriad arno saith niwrnod.

²²Ac os gan ledu y lleda yn y croen, yna barned yr offeiriad ef yn aflan, anafod yw efe.

²³Ond os y disclaerder a saif yn ei le heb ymledu craith cornwyd yw efe, a barned yr offeiriad ef yn lân.

²⁴Os cnawd fydd a llosciad tân ar ei groen, a bod cîg byw y llosciad yn ddisclaerder gwyngoch new wynn.

²⁵Yna edryched yr offeiriad ef, ac os y blewyn yn y disclaerdeb fydd wedi troi yn wyn, ac yn îs iw weled na’r croen, gwahan-glwyf yw hwnnw yn tarddu yn y llosciad, a barned yr offeiriad ef yn aflan, anafod gwahan-glwyf yw hunnw.

²⁶Ond os yr offeiriad ai hedrych, ac wele ni bydd blewyng wyn yn y disclaerder, ac ni bydd îs na’r croen ond ei fod wedi crychu: yna caeed yr offeiriad arno saith niwrnod.

²⁷Ac edryched yr offeiriad ef y saithfed dydd os gan ledu y ledodd yn y croen, yna barned yr offeiriad ef yn aflan, anafod gwahan-glwyf yw hwnnw.

²⁸Ac os y discleirdeb a saif yn ei lê, heb ledu yn y croen, ac efe yn crychu hefyd, chwydd y llosciad yw efe: barned yr offeiriad ef yn lân: canys craith y llosgiad yw hwnnw.

²⁹Pann fyddo gwr neu wraig a’r anafod arno mewn pen neu farf.

³⁰Yna edryched yr offeiriad yr anafod, ac os’s y gwelir na’r croē, a blewyn melyn main ynddo yna barned yr offeiriad ef yn aflan, y ddufrech yw hwnnw, gwahan-glwyf pen neu farf yw efe.

³¹Ac os yr offeiriad a edrych ar anafod y ddufrech, ac wele nid îs i weled na’r croen a heb flewyn du ynddo, yna caeed yr offeiriaid ar anafod y ddu-frech saith niwrnod.

³²Ac edryched yr offeiriad ar yr anafod y seithfed dydd, ac os y ddufrech ni bydd wedi lledu, ac ni bydd blewyn melyn ynddi, ac heb fod îs gweled y ddu-frech na’r croen:

³³Yna ymeillied, ac nac eillied [y fan y byddo] y ddufrech, a chaeed yr offeiriad ar [berchen] y ddu-frech saith niwrnod eilwaith.

³⁴A’r seithfed dydd edryched yr offeiriad ar y ddu-frech, ac os y ddufrech ni ledodd yn y croen, ac ni bydd is ei gweled na’r croen, yna barned yr offeiriad ef yn lân, a golched ei ddillad, a glân fydd.

³⁵Ond os y ddu-frech gan ledu a leda yn y croen wedi ei farnu ef yn lân,

³⁶Yna edryched yr offeiriad ef, ac os lledodd y ddufrech yn y croen, na chwilied yr offeiriad am y blewyn melyn: y mae efe yn aflan.

³⁷Ond os sefyll y bydd y ddufrech yn ei olwg ef, a blewyn du yn tyfu trwyddi, aeth y ddu-frech yn iach, glân yw hwnnw, a barned yr offeiriad ef yn lân.

³⁸A phan fyddo yng-hroen cnawd gwr neu wraig lawer o ddisclaer fannau gwynnion:

³⁹Yna edryched yr offeiriad ac os bydd ynghroen eu cnawd hwynt ddiscleiriadau gwynnion wedi eu crychu, brychni yw hynny, yn tarddu yn y croen: glân yw efe.

⁴⁰A gŵr pan foelo ei ben, moelfydd, [etto] glân fydd efe.

⁴¹Ac os o du ei wyneb y moela ei benn ef, efe a fydd tâl-foel [etto] glân fydd efe.

⁴²Ond pan fyddo anafod gwyn-goch yn y pen-foeledd, neu yn y tâl-foeledd, gwahanglwyf yw efe yn tarddu yn ei ben-foeledd, neu yn ei dâl-foeledd ef.

⁴³Ac edryched yr offeiriad ef, ac os bydd chŵydd yr anafod yn wyn-goch yn ei ben-foeledd neu yn ei dâl-foeledd ef, fel lliw gwahanglwyf croen cnawd,

⁴⁴Gŵr gwahan-glwyfus yw hwnnw, aflan yw: a’r offeiriad ai barna ef yn llwyr aflan: yn ei ben [y mae] ei anafod.

⁴⁵A’r gwahan-glwyfus yr hwn y byddo’r anafod arno, bydded ei wiscoedd ef yn agored, a bydded ei ben ef yn noeth a rhodded gaead ar ei enau a llefed: aflan, falan,

⁴⁶Yr holl ddyddiau y rhai y byddo’r anafod arno, bernir ef yn aflan, aflan yw efe, triged ei hunan, bydded ei drigfa o’r tu allan i’r gwersyll

⁴⁷Ac os dilledyn fydd a phla gwahanglwyf ynddo, o ddilledyn gwlân, neu o ddilled yn llîn.

⁴⁸Pwy vn bynnac ai yn yr ystof, ai yn yr anwê o lin, neu o wlân, neu mewn croen, neu mewn dim a wnaed o groen:

⁴⁹Os gwyrdd-las, neu gôch fydd yr anafod yn y dilledyn, neu yn y croen, neu yr ystof, neu yn yr anwê, neu mewn vn offeryn croen, anafod y gwahan-glwyf yw efe: a dangoser ef i’r offeiriad.

⁵⁰Ac edryched yr offeiriad yr anafod, a chaeed ar yr anafod saith niwrnod.

⁵¹A’r seithfed dydd edryched yr anafod, os yr anafod a ledodd yn y dilledyn, pa vn bynac ai mewn ystof, ai mewn anwê, ai mewn croen i ba waith bynnac y gweithir y croen, gwahan-glwyf yssol [ac] anafod aflan yw.

⁵²A llosced y dilledyn neu’r ystof, neu’r anwê, o wlân, neu o lîn, neu bôb offeryn croen, yr hwn y byddo anafod ynddo, canys gwahanglwy fyssol yw efe, llosger mewn tân.

⁵³Ac os edrych yr offeiriad, ac wele ni ledodd yr anafod mewn dilledyn, neu mewn ystof, neu mewn anwê, neu mewn vn offeryn croen:

⁵⁴Yna gorchymynned yr offeiriad iddynt olchi yr hyn y byddo’r anafod ynddo, a chaeed arno saith niwrnod eil-waith.

⁵⁵Ac edryched yr offeiriad yr anafod wedi ei olchi: os yr anafod ni thrôdd ei liw, er na ledodd yr anafod, efe a fydd aflan: lloscer ef mewn tan, ffrettiad yw efe yn ei lwmder yn y tu wyneb, neu yn ei lwmder yn y tu gwrthwyneb.

⁵⁶Ac os edrych yr offeiriad, ac wele’r anafod wedi crychu yn ôl ei olchi ef, yno torred ef allan o’r dilledyn, neu o’r croen, neu o’r ystof neu o’r anwê.

⁵⁷Ond os gwelir mwy yn y dilledyn, neu yn yr ystof, neu yn yr anwê, neu mewn vn offeryn croen, tarddu y mae efe, llosger yr hwn [y mae] yr anafod ynddo mewn tân.

⁵⁸A’r dilledyn, neu’r ystof, neu’r anwe, neu pa offeryn bynnac o groen, y rhai a olcher, ac yr ymadawo yr anafod hwynt, a olchir eilwaith, a glân fydd efe.

⁵⁹Dymma gyfraith anafod gwahanglwyf dilledyn gwlân, neu lîn, neu ystof, neu anwê, neu pa offeryn croen bynnac iw farnu’n lân, neu iw farnu’n aflan.