Read William Morgan Bible 1588 original edition Lefiticus 15 Bible Online

Lefiticus 15 - William Morgan Bible 1588 original edition bible

Lefiticus 15

¹Aflendid meibion, a merched, ai puredigaeth. A llefarodd yr Arglwydd wrth Moses, ac Aaron, gan ddywedyd.

²Lleferwch wrth feibion Israel, a dywedwch wrthynt: pob vn pan fyddo ei ddiferlif yn rhedeg oi gnawd a fydd aflan.

³A hyn fydd ei aflendid yn ei ddiferlif: os ei gnawd ef a ddifera ei ddiferlif, neu ymattal oi gnawd ef ar ei ddiferlif, ei aflendid ef [yw] hynn.

⁴Pob gwely yr hwn y gorweddo ynddo vn diferllyd a fydd aflan, ac aflan fydd pob offeryn yr hwn yr eisteddo efe arno.

⁵A’r nêb a gyffyrddo at wely ef, golched ei ddillad, ac ymolched mewn dwfr, a bydded aflan yr hwyr.

⁶A’r hwn a eisteddo ar yr offeryn, yr hwn yr eistedd y diferllyd arno, golched ei ddillad ac ymolched mewn dwfr, a bydded aflan hyd yr hwyr.

⁷A’r hwn a gyffyrddo a chnawd y diferllyd, golched ei ddillad ac ymolched mewn dwfr, a bydded aflan hyd yr hwyr.

⁸A phan boero y diferllyd ar vn glân, golched [hwnnw] ei ddillad, ac ymolched mewn dwfr, a bydded aflan hyd yr hwyr.

⁹Ac aflan fydd pob cyfrwy’r hwn y marchogo y diferllyd ynddo.

¹⁰A phwy bynnac a gyffyrddo a dim a fydd tano, bydded aflan hyd yr hwyr: a’r hwn ai dycco hwynt, golched ei ddillad, ac ymolched mewn dwfr, a bydded aflan hyd yr hwyr.

¹¹A phwy bynnac y cyffyrddo y diferllyd ag ef heb olchi ei ddwylo mewn dwfr, golched ei ddillad, ac ymolched mewn dwfr, a bydded aflan hyd yr hwyr.

¹²Ar llestr pridd yr hwn y cyffyrddo y diferllyd ag ef, a ddryllir: a phob llestr pren a olchir mewn dwfr.

¹³A phan lanheuir y diferllyd oddi wrth ei ddiferlif, yna cyfrifed iddo saith niwrnod iw lanhau, a golched ei ddillad, a golched ei gnawd mewn dwfr rhedegoc, a glân sydd.

¹⁴A’r wythfed dydd cymmered iddo ddwy durtur, neu ddau gyw colomen, a deued gerbron yr Arglwydd i ddrws pabell y cyfarfod, a rhodded hwynt i’r offeiriad.

¹⁵Ac offrymmed yr offeiriad hwynt, vn yn bech aberth, ar llall yn boeth offrwm: gwnaed ’r offeiriad iawn trosto ef am ei ddiferlif ger bron yr Arglwydd.

¹⁶Ac os gwr y daw o honaw ddescyniad hâd, yna golched ei holl gnawd mewn dwfr, a bydded aflan hyd yr hwyr.

¹⁷A phob dilledyn, a phob croen, yr hwn y byddo descyniad hâd arno a olchir mewn dwfr, ac a fydd aflan hyd yr hwyr.

¹⁸Pan [fyddo] gwraig yr hon y cysgo gŵr [mewn] descynniad hâd gyd a hi: yna ymolchant mewn dwfr, a byddant aflan hyd yr hwyr [ill-dau.]

¹⁹A phan fyddo gwraig a diferlif arni, a bod ei diferlif yn ei chnawd yn waed, bydded saith niwrnod yn ei gwahaniaeth, a’r hyn oll a gyffyrddo a hi, bydded aflan hyd yr hwyr.

²⁰A’r hyn oll y gorweddo hi arno, yn ei gwahaniaeth, a’r hyn oll yr eisteddo hi arno a fydd aflan.

²¹A phwy bynnac a gyffyrddo ai gwely hi, golched ei ddillad, ac ymolched mewn dwfr, a bydded aflan hyd yr hwyr.

²²A phwy bynnac a gyffyrddo ag vn offeryn, a’r a eisteddo hi arno, golched ei ddillad, ac ymolched mewn dwfr, a bydded aflan hyd yr hwyr.

²³Ac os ar y gwely [y bydd] efe, neu ar yr offeryn yr hwn y byddo hi yn eistedd arno, wrth gyffwrdd ag ef, hyd yr hwyr y bydd efe aflan.

²⁴Ond os gŵr gan gyscu a gwsc gyda hi fel y byddo oi misglwyf hi arno ef, yna aflan fydd efe saith niwrnod, ac aflan fydd pob gwely yr hwn y gorwedd efe arno.

²⁵A phan fyddo diferlif ei gwaed yn rhedeg ar wraig lawer o ddyddiau allan o amser ei hanhwyl, neu pan redo diferlif arni ar ol ei hanhwyl, bydded holl ddyddiau diferlif ei haflendid hi megis dyddiau ei hanhwyl, aflan fydd hi.

²⁶Pôb gwely’r hwn y gorweddo hi arno holl ddyddiau ei diferlif fydd iddi fel gwely ei misglwyf, a phôb dodrefnyn yr hwn yr eisteddo hi arno, fydd aflan, megis aflendid ei misglwyf hi.

²⁷A phwy bynnac a gyffyrddo a hwynt, aflan fydd, yna golched ei ddillad, ac ymolched mewn dwfr, a bydded aflan hyd yr hwyr.

²⁸Ac os glanheuir hi oi diferlif, yna cyfrifed, iddi saith niwrnod, ac wedi hyny, glân fydd.

²⁹A’r wythfed dydd cymmered iddi ddwy durtur, neu ddau gyw colomen, a dyged hwynt at yr offeiriad, i ddrws pabell y cyfarfod.

³⁰Ac offrymmed yr offeiriad vn yn bech aberth a’r llall yn boeth offrwm, a gwnaed yr offeiriad iawn trosti, am ddiferlif ei haflendid gerbron yr Arglwydd.

³¹Felly neilltuwch feibion Israel oddi wrth eu haflendid fel na byddant feirw yn eu haflendid: pan halogant fy mhabell yr hon [sydd] yn eu mysc,

³²Dymma gyfraith yr hwn y bydd y diferlif arno, a’r hwn y daw oddi wrtho ddescynad hâd fel y byddo aflan oi herwydd:

³³A’r glâf oi mis-glwyf, a’r neb y byddo y diferlif arno, o wryw, ac o fenyw, ac i’r gwr yr hwn a orweddo yng-hyd a’r hon a fyddo aflan.