Read William Morgan Bible 1588 original edition Lefiticus 16 Bible Online

Lefiticus 16 - William Morgan Bible 1588 original edition bible

Lefiticus 16

¹Y modd y daw Aaron ir cyssegr. 8 Yr afr ddiangol. 14 Puredigaeth y cyssegr. 29 Gwyl y puredigaeth. Llefarodd yr Arglwydd hefyd wrth Moses, wedi marwolaeth dau fâb Aaron, (pan offrymmasant ger bron yr Arglwydd yna y buant feirw. )

²A dywedodd yr Arglwydd wrth Moses, llefara wrth Aaron dy frawd, am na ddelo bôb amser i’r cyssegr o fewn y wahan-len ger bron y drugareddfa yr hon [sydd] ar yr Arch, fel na byddo efe farw: o herwydd ymddangosaf y drugareddfa mewn niwl.

³A hyny daw Aaron i’r cyssegr, a bustach ieuangc yn bech aberth, ac a hwrdd yn boeth offrwm.

⁴Gwisced bais liain sanctaidd, a bydded llawdrau lliain am ei gnawd, a gwregysser ef a gwregys lliain, a gwisced gap lliain, gwiscoedd sanctaidd [yw] y rhai hyn: golches yntef ei gnawd mewn dwfr, pan wisco hwynt.

⁵A chymmered gan gynulleidfa meibion Israel ddau fwch geifr yn bech aberth, ac vn hwrdd yn boeth offrwm.

⁶Ac offrymmed Aaron fustach y pech aberth yr hwn [fydd] drosto ei hun, a gwnaed iawn trosto ei hun a thros ei dŷ.

⁷A chymmered y ddau fwch a gossoded hwynt ger bron yr Arglwydd, [wrth] ddrws pabell y cyfarfod:

⁸A rhodded Aaron goel-brennau ar y ddau fwch, vn coel-bren tros yr Arglwydd, a coelbren arâll tros yr afr ddiangol.

⁹A nessaed Aaron y hwch yr hwn y syrthio coel-bren yr Arglwydd arno, ac offrymmed ef yn bech aberth.

¹⁰A’r bwch yr hwn y syrthio arno goelbren yr afr ddiangol, a roddir i sefyll yn fyw ger bron yr Arglwydd i wneuthur iawn ag ef, [ac] iw ollwng i’r anialwch yn afr ddiangol.

¹¹A nessaed Aaron fustach y pech aberth yr hwn [fydd] drosto ei hun, a gwnaed iawn drosto ei hun, a thros ei dŷ: a lladded fustach y pech aberth yr hwn [fydd] trosto ei hun.

¹²A chymmered loned thusser o farwor tanllyd oddi ar yr allor, oddi ger bron yr Arglwydd, a lloned ei ddwylo o arogl-darth llysseuoc mân, a dyged o fewn y wahan-len.

¹³A rhodded yr arogl-darth ar y tân, ger bron yr Arglwydd, fel y cuddio mŵg yr arogldarth y drugareddfa, yr hon [fydd] ar y destiolaeth, ac na byddo efe farw.

¹⁴A chymmered o waed y bustach a thaenelled ai fŷs, ar du wyneb y drugareddfa tu a’r dwyrain: a seithwaith y taenella efe o’r gwaed ai fŷs o flaen y drugareddfa.

¹⁵Yna lladded fwch y pech aberth, yr hwn [fydd] tros y bobl, a dyged ei waed ef o fewn y wahan-len, a gwnaed [ai] waed ef megis ac y gwnaeth i waed y bustach, a thaenelled ef ar y drugareddfa, ac o flaen y drugareddfa.

¹⁶A phured y cyssegr oddi wrth aflendid meibion Israel, a oddi wrth eu hanwireddau yn eu holl bechodau: a gwnaed yr vn modd i babell y cyfarfod, yr hon sydd yn aros gyda hwynt ym mysc ei haflendid hwynt.

¹⁷Ac na fydded vn dŷn ym-mhabell y cyfarfod, pan ddelo efe [i mewn] i wneuthur iawn yn y cyssegr hyd oni ddelo efe allan, a gwneuthur o honaw ef iawn trosto ei hun, a thros ei dŷ, a thros holl dyrfa Israel.

¹⁸Ac aed efe allan at yr allor yr hon [sydd] ger bron yr Arglwydd a gwnaed iawn arni, a chymmered o waed y bustach, ac o waed y bwch a rhodded ar gyrn yr allor oddi amgylch.

¹⁹A thaenelled arni o’r gwaed seith-waith ai fys, a glanhaed hi, a sancteiddied hi, oddi wrth aflendid meibion Israel.

²⁰Pan ddarffo iddo buro y cyssegr, a phabell y cyfarfod, a’r allor, yna nessaed y bwch byw.

²¹A gosoded Aaron ei ddwylaw ar ben y bwch byw, a chyffessed arno holl anwiredd meibion Israel, ai holl gamweddau hwynt, yn eu holl bechodau, a rhodded hwynt ar ben y bwch, ac anfoned [ef] yn llaw gŵr cymmwys i’r anialwch.

²²Canys dwg y bwch eu holl anwiredd hwynt arno ef i dir nailldueth am hynny hebrynged efe y bwch i’r anialwch.

²³Yna deued Aaron i babell y cyfarfod a diosced y gwiscoedd lliain, y rhai a wiscodd efe wrth ddyfod i’r cyssegr, a gadawed hwynt yno.

²⁴A golched ei gnawd mewn dwfr, yn y lle sanctaidd a gwisced ei ddillad ei hun, ac aed allan, ac offrymmed ei boeth offrwm ei hun, a phoeth offrwm y bobl, a gwnaed iawn trosto ei hun, a thros y bobl.

²⁵A llosged wêr y pech aberth ar yr allor.

²⁶A golched yr hwn a anfonodd y bwch [i fod] yn afr ddiangol ei ddillad, ac golched ei gnawd mewn dwfr, ac yna deued i’r gwerssyll.

²⁷A bustach y pech aberth, a bwch y pech aberth y rhai y dygir eu gwaed i wneuthur iawn yn y cyssegr, a ddwg [vn] i’r tu allan i’r gwersyll, ac a losgant eu crwyn hwynt, ai cnawd hwynt, ai biswel hwynt mewn tân.

²⁸A golched yr hwn ai llosco hwynt ei ddillad, golched hefyd ei gnawd mewn dwfr, ac wedi hynny deued i’r gwerssyll.

²⁹A bydded [hyn] yn ddeddf dragywyddol i chwi, y seithfed mis, ar y decfed [dydd] o’r mis y cystuddiwch eich eneidiau, a dim gwaith nis gwnewch, y priodor ar dieithr yr hwn fyddo yn ymdaith yn eich plith.

³⁰O herwydd y dydd hwnnw y gwna [yr offeiriad] iawn drossoch, i’ch glanhau o’ch holl. bechodau, [fel] y byddoch lân ger bron yr Arglwydd.

³¹Sabboth gorffwystra yw hwn i chwi, yna chystuddiwch eich eneidiau, deddf dragywyddol [yw hyn.]

³²A’r offeiriad yr hwn a eneinio efe, a’r hwn a gyssegro efe i offeiriadu yn lle ei dâd, a wna’r iawn, ac a wisc y gwiscoedd lliain [sef] y gwiscoedd sanctaidd,

³³A bura y cyssegr sanctaidd, felly y pura efe babell y cyfarfod, a’r allor, ac y gwna iawn tros yr offeiriad, a thros holl bobl y dyrfa.

³⁴A bydded hyn yn ddeddf dragywyddol i chwi am wneuthur iawn tros feibion Israel am eu pechodau oll vn waith yn y flwyddyn. Ac efe a wnaeth megis y gorchymynnodd yr Arglwydd wrth Moses.