Read William Morgan Bible 1588 original edition Lefiticus 18 Bible Online

Lefiticus 18 - William Morgan Bible 1588 original edition bible

Lefiticus 18

¹Gwahardd dilyn yr Aiphtiaid a’r Canaaneiaid. 6 Am briodi o fewn carenydd, neu gyfathrach. 19 Neu fyned at ferch yn ei mis-glwyf. 20 Neu wneuthur godineb. 21 Neu gau-dduwiaeth. 22 Neu bechod y Sodomiaid. A Llefarodd Arglwydd wrth Moses gan ddywedyd:

²Llefara wrth feibion Israel a dywet wrthynt, myfi [ydwyf] yr Arglwydd eich Duw.

³Na wnewch yn ôl gweithred gwlâd yr Aipht, yr hon y trigasoch ynddi: ac na wnewch yn ôl gweithred gwlâd Canaan yr hon yr ydwyf yn eich dwyn chwi iddi, ac na rodiwch yn eu deddfau hwynt.

⁴Fy marnedigaethau maufi a wnewch, a’m deddfau a gedwch, gan rodio ynddynt: myfi [ydwyf] yr Arglwydd eich Duw.

⁵Ie cedwch fy neddfau am barnedigaethau, a’r dŷn yr hwn ai cadwo a fydd hwy ynddynt: myfi [ydwyf] yr Arglwydd.

⁶Na nessaed nêb at gyfnessaf ei gnawd, i ddinoethi noethni: myfi [ydwyf] yr Arglwydd.

⁷Noethni dy dâd, a noethni dy fam, na ddinoetha: dy fam yw hi na ddinoetha ei noethni

⁸Na ddinoetha noethni gwraig dy dâd: noethni dy dâd [yw] hynny.

⁹[Am] noethni dy chwaer, merch dy dâd, neu ferch dy fam, yr hon a anwyd gartref, neu a anwyd allan: na ddinoetha ei noethni hwynt.

¹⁰[Am] noethni merch dy fâb, neu ferch dy ferch, na ddinoetha ei noethnihwynt, canys dy noethni di [ydynt.]

¹¹[Am] noethni merch gwraig dy dâd, plentyn dy dâd, dy chwaer dithe yw hi, na ddinoetha ei noethni hi.

¹²Na ddinoetha noethni chwaer dy dâd, cyfnessaf dy dâd [yw] hi.

¹³Na ddinoetha noethni chwaer dy fam, canys cyfnessaf dy fam [yw] hi.

¹⁴Na noetha noethni brawd dy dâd, sef na nessa at ei wraig ef, dy fodryb [yw] hi.

¹⁵Na noetha noethni dy waudd, gwraig dy fâb yw hi, na noetha ei noethni hi.

¹⁶Na ddinoetha noethni gwraig dy frawd, noethni dy frawd [yw] hynny.

¹⁷Na noetha noethni gwraig, ai merch, na chymmer ferch ei mâb hi neu ferch ei merch hi, i noethi ei noethni hi, ei chyfnessaf hi yw y rhai hyn, scelerder yw hyn.

¹⁸Hefyd na chymmer wraig yng-hyd ai chwaer, iw chystuddio [hi] gan noethi noethni honno: yng-hyd a hithe yn ei byw hi.

¹⁹Ac na nessà at wraig yn naillduaeth ei haflendid, i noethi ei noethni hi.

²⁰Ac na ddod dy gydorweddiad i hadu gyd a wraig dy gymydog, i fod yn aflân oi phlegit.

²¹Ac na ddod o’th hâd i fyned trwy [dan] i Moloch, ac na haloga enw dy Dduw: myfi [ydwyf] yr Arglwydd.

²²Ac na orwedd gyd a gwryw, fel gorwedd gyd a benyw, ffieidddra [yw]hynny.

²³Ac na ddod dy orweddiad yng-hyd ag vn anifail, i fod yn aflân gyd ag ef: ac na safed gwraig o flaen vn anifail i orwedd tano, cymyscedd [yw] hyny.

²⁴Nac ymhalogwch yn yr hoff bethau hyn, canys yn hyn oll yr halogwyd y cenhedloedd y rhai yr ydwyf yn eu gyru allan o’ch blaen chwi.

²⁵A’r wlad a halogwyd, am hynny yr ydwyf yn ymweled ai hanwiredd yn ei herbyn fel y chwdo y wlâd ei thrigolion.

²⁶Ond cedwch chwi fy-neddfau, a’m barnedigaethau mau fi, ac na wnewch ddim o’r holl ffiaid bethau hyn, y priodor, na’r dieithr-ddyn yr hwn sydd vn ymdaith yn eich mysc.

²⁷O herwydd yr holl ffiaid bethau hyn a wnaeth gwŷr y wlâd, yr hon [sydd] o’ch blaen, a’r wlâd a halogwyd.

²⁸Fel na chwdo y wlâd chwithau, pan halogoch hi, megis y chwda hi y genedl yr hon [sydd] o’ch blaen.

²⁹Canys pwy bynnac a wnel ddim or holl ffiaidd bethau hyn, torrir yr eneidiau ai gwnelo o blith eu pobl.

³⁰Am hynny cedwch fy-neddf mau fi, heb wneuthur [yr vn] o’r deddfau ffiaidd y rhai a wnaed o’ch blaen chwi, ac nac ymhalogwch ynddynt: myfi [ydwyf] yr Arglwydd eich Duw chwi.