Read William Morgan Bible 1588 original edition Lefiticus 19 Bible Online

Lefiticus 19 - William Morgan Bible 1588 original edition bible

Lefiticus 19

¹Adroddiad Cyfreithiau a gynhwysir yn y dêc gorchymyn. A llefarodd yr Arglwydd wrth Moses, gan ddywedyd:

²Llefara wrth holl gynulleidfa meibion Israel, a dywet wrthynt: byddwch sanctaidd canys sanctaidd [ydwyf] fi yr Arglwydd eich Duw chwi.

³Ofnwch bôb vn ei fam, ai dâd, a * chedwch fy Sabbothau: yr Arglwydd eich Duw [ydwyf] fi.

⁴Na throiwch at eulynnod, ac na wnewch i chwi dduwiau tawdd, yr Arglwydd eich Duw [ydwyf] fi.

⁵A phan aberthoch hedd aberth i’r Arglwyd yn ôl eich ewyllys eich hun yr aberthwch hynny

⁶Ar y dydd yr offrymmoch, neu drannoeth y bwytteir ef, a llosger mewn tân yr hyn a weddillir hyd y trydydd dydd.

⁷Ond os gan fwytta y bwytteir ef o fewn y trydydd dydd, ffiaid fydd efe, ni byddir bodlon iddo.

⁸A’r hwn ai bwyttu a ddwg ei anwiredd, am iddo halogi cyssegredic [beth] yr Arglwyd, a’r enaid hwnnw a dorrir ymmaith oddi wrth ei bobl.

⁹A phan gynhaiasoch gynhaiaf ei’ch tîr, na feda yn llwyr gwrr dy faes, ac na chynnull loffa dy gynhaiaf.

¹⁰Na loffa hefyd dy winllan, ac na chynnull rawn gweddill dy winllan, gâd hwynt i’r tlawd ac i’r dieithr, yr Arglwydd eich Duw chwi [ydwyf] fi.

¹¹Na Iadratewch, ac na ddywedwch gelwydd, ac na thwyllwch bôb vn ei gymydog.

¹²Ac na thyngwch i’m enw mau fi yn anudon, [na] haloga enw dy Dduw: yr Arglwydd [ydwyf] fi.

¹³Na thraws-attal, ac na cham ddwg oddi ar dy gymydog, na thriged cyflog y gweithwr gyd a thi hyd y boreu.

¹⁴Na chabla y byddar, ac na ddod dramgwydd o flaen y dall: ond ofna dy Dduw: yr Arglwydd [ydwyf] fi.

¹⁵Na wnewch gam mewn barn, na dderbyn wyneb y tlawd, ac na pharcha wyneb y cadarn: barna dy gymydog mewn cyfiawnder.

¹⁶Ac na rodia yn ethrodwr ym mysc dy bobl, na saf yn erbyn gwaed dy gymydog: yr Arglwydd [ydwyf] fi.

¹⁷Na chasa dy frawd yn dy galon, gan geryddu cerydda dy gymydog, ac na ddioddef bechod ynddo.

¹⁸Na ddiala, ac na chadw Iîd i feibion dy bobl, ond * câr dy gymydog megis ti dy hun: yr Arglwydd [ydwyf] fi.

¹⁹Cedwch fy neddfau, na wna i’th anifeiliaid gydio o amryw rywiogaeth, ac na haua dy faes ag amryw had, ac nac aed am danat ddilledyn cymmysc o amryw ddefnydd.

²⁰A phan fyddo i ŵr a wnelo a benyw, a hithe yn forwyn gaeth wedi ei dyweddio i ŵr ac heb ei rhyddhau ddim, neu heb roddi rhydddid iddi, bydded [iddynt] gurfa, ac na ladder hwynt, am nad oedd hi rydd.

²¹A dyged efe yn aberth tros ei gamwedd i’r Arglwyth i ddrws pabell y cyfarfod hwrdd dros gammedd.

²²A gwnaed yr offeiriad iawn trosto a’r hwrdd tros gamwedd, ger bron yr Arglwydd am ei bechod yr hwn a bechodd, a maddeuir iddo am ei bechod yr hwn a wnaeth efe.

²³A phan ddeloch i’r tîr, a phlannu o honoch bôb pren ymborth, yna torrwch ymmaith ei aflendid ef, sef ei ffrwyth ef: tair blynedd y bydd efe aflan i chwi: na fwyttaer efe.

²⁴A’r bedwaredd flwyddyn y bydd ei holl ffrwyth yn sancteiddrwydd moliant i’r Arglwydd.

²⁵Ar bummed flwyddyn y bwyttewch ei ffrwyth fel y chwanego efe eignwd i chwi: myfi [ydwyf] yr Arglwydd eich Duw.

²⁶Na fwyttewch o’r gwaed, nac ofer-goeliwch, ac nac arferwch hudoliaeth.

²⁷Na thalgrynnwch odrau eich pen, ac na thorr gwrr dy farf.

²⁸Ac na roddwch cwygiad yn eich cnawd am vn marw, ac na roddwch brint nôd arnoch: yr Arglwydd [ydwyf] fi.

²⁹Na haloga dy ferch gan beri iddi butteinio, rhac putteinio y tîr, a llenwi y wlâd o scelerder.

³⁰Cedwch fy Sabbothau, a pherchwch fyng-hyssegr: yr Arglwydd [ydwyf] fi.

³¹Nac edrychwch am ddewiniaid, ac nac ymgynghorwch a’r brud-wyr, i ymhalogi oi plegit: yr Arglwydd eich Duw [ydwyf] fi.

³²Cyfot ger bron penwynni, a pharcha wyneb henuriad, ac ofna dy Dduw: yr Arglwydd [ydwyf] fi.

³³A phan ymdeithio dieithrddyn yng-hyd a thi yn eich gwlâd: na flinwch ef.

³⁴Bydded y dieithr i chwi yr hwn a ymdeithio yn eich plîth, fel yr vn a hanffod o honoch, a châr ef fel ti dy hun: o herwydd dieithraid fuoch yng-wlad’r Aipht, yr Arglwydd eich Duw [ydwyf] fi.

³⁵Na wnewch gam ar farn, ar lathen, ar bwys nac ar fessur.

³⁶Bydded iwch glorianuau cyfiawn, gerric cyfiawn, Epha gyfiawn, a Hin gyfiawn: yr Arglwydd eich Duw [ydwyf] fi, yr hwn a’ch dygais allan o dir yr Aipht.

³⁷Cedwch chwithau fy holl ddedfau, a’m holl farnedigaethau, a gwnewch hwynt: yr Arglwydd [ydwyf] fi.