Read William Morgan Bible 1588 original edition Lefiticus 2 Bible Online

Lefiticus 2 - William Morgan Bible 1588 original edition bible

Lefiticus 2

¹Trefn y bwyd offrwm, ai bobiad. Pan offrymmo dŷn fwyd offrwm i’r Arglwydd, bydded ei offrwm ef beillied: a thywallded olew arno, a rhodded thus arno.

²Yna dyged ef at feibion Aaron yr offeiriaid a chymmered oddi yno loned ei law oi beillied ac oi olew, yng-hyd ai hôll thus, a llosged yr offeiriad ei goffadwriaeth ar yr allor, yn aberth tanllyd o arogl esmwyth i’r Arglwydd.

³A [bydded] gweddill y bwyd offrwm i Aaron ac iw feibion, yn sanctaidd-beth cyssegredic o danllyd aberth yr Arglwydd.

⁴Hefyd pan offrymmech fwyd offrwm, wedi ei bobi [mewn] ffwrn, [dod] deissennau peillied croiw, wedi eu cymmyscu trwy olew, ac afrllad croiw wedi eu hîro ag olew.

⁵Ond os bwyd offrwm ar radell [fydd] dy offrwm di, bydded beillied wedi ei gymmyscu yn groiw mewn olew.

⁶Torr ef yn dammeidiau, a thywallt arno olew, bwyd offrwm yw hwn.

⁷Ac os bwyd offrwm padell [sydd] dy offrwm, gweithier beillied trwy olew.

⁸A dwg i’r Arglwydd y bwyd offrwm, yr hwn a wneir o’r rhai hyn, sef dwg ef at yr offeiriad a dyged yntef ef at yr allor.

⁹A choded yr offeiriad ei goffadwriaeth o’r bwyd offrwm, a llosged ar yr allor, yn danllyd a berth, o arogl esmwyth i’r Arglwydd.

¹⁰A [bydded] i Aaron ac iw feibion weddill y bwyd offrwm, yn sanctcidd-beth cyssegredic o dânllyd aberth yr Arglwydd.

¹¹Na wneler yn lefeinllyd ddim bwyd offrwm yr hwnn a offrymmoch i’r Arglwydd: canys am bob sur-does, a phob mêl na losgwch o honaw aberth tanllyd i’r Arglwyd.

¹²Offrymmwch y rhai hynny i’r Arglwydd yn offrwm blaen-ffrwyth, ond nac ânt ar yr allor [i fod] yn arogl esmwyth.

¹³Dy holl fwyd offrwm hefyd a hellti di a halen, ac na phalled halen cyfammod dy Dduw o fod ar dy fwyd offrwm: offrymma halen ar bob offrwm it.

¹⁴Ac os offrymmi i’r Arglwydd fwyd offrwm y ffrwythau cyntaf: twysennau wedi eu crassu yn tân [sef] yr hyn a gurir allan o’r dwysen îr-lawn a offrymmi di, yn fwyd offrwm dy ffrwythau cyntaf.

¹⁵A dod olew arno, a gossot thus arno, bwyd offrwm [yw] hynn.

¹⁶A llosged yr offeiriad ei goffodwriaeth oi ŷd wedi ei guro allan, ac oi olew yng-hyd ai holl thus yn aberth tanllyd i’r Arglwydd.