Read William Morgan Bible 1588 original edition Lefiticus 21 Bible Online

Lefiticus 21 - William Morgan Bible 1588 original edition bible

Lefiticus 21

¹Cyfraith am yr offeiriaid. A dywedodd yr Arglwydd wrth Moses, llefara wrth yr offeiriaid meibion Aaron, a dywet wrthynt: nac ymhaloged [neb] wrth vn marw ym mysc ei bobl:

²Ond wrth ei gyfnesaf agos iddo: wrth ei fam, wrth ei dâd, ac wrth ei fàb, ac wrth ei ferch, ac wrth ei frawd.

³Ac wrth ei chwaer o forwyn agos iddo, yr hon ni fu eiddo gŵr: wrth honno yr ymhaloga efe.

⁴Nac ymhaloged [wrth] bennaeth ym mysc ei bobl, iw aflanhau ei hun.

⁵Na wnânt foelni ar eu pennau, ac nac eilliant gyrrau eu barfau, ac na rwygant rwygiad ar ei cnawd.

⁶Sanctaidd fyddant iw Duw, ac na halogant enw ei Duw: o herwydd offrymmu y maent ebyrth tanllydd’r Arglwydd bara eu Duw, am hynny byddant sanctaidd.

⁷Na chymmerant buttain-wraig neu vn halogedic yn wraig, ac na chymmerant wraig wedi yscar oddi wrth ei gŵr, o herwydd sanctaidd yw efe iw Dduw.

⁸A chyfrif di ef yn sanctaidd, o herwydd bara dy Dduw di y mae efe yn ei offrymmu, bydded sanctaid it, o herwydd sanctaidd [ydwyf] fi’r Arglwydd eich sancteiddudd.

⁹A phan ddechreuo merch vn offeiriad butteinio, halogi ei thâd y mae, llosger hi mewn tân.

¹⁰A’r offeiriad mwyaf oi frodyr, yr hwn y tywalldwyd olew’r eneiniad ar ei ben, ac a gyssegrodd ei law i wisco y gwiscoedd, na ddiosced oddi am ei ben, ac na rwyged ei ddillad.

¹¹Ac na ddeued at gorph vn marw, nac ymhaloged wrth ei dâd, nac wrth ei fam.

¹²Ac nac aed allan o’r cyssegr fel na halogo gyssegr ei Dduw, am [fod] coron olew enneiniad ei Dduw arno ef: myfi [ydwyf] yr Arglwydd.

¹³A chymmered efe wraig yn ei morwyndod.

¹⁴Na phrioded efe y rhai hynny [sef] gwraig weddw, na gwraig wedi yscar, na phuttain halogedic: onid cymmered forwyn oi bobl ei hun yn wraig.

¹⁵Ac na haloged ei hâd ym mysc ei bob: canys myfi [ydwyf] yr Arglwydd ei sancteiddudd ef.

¹⁶A llefarodd yr Arglwydd wrth Moses gan ddywedyd:

¹⁷Llefara wrth Aaron gan ddywedyd: na nessaed vn o’th hâd di drwy eu hoesoedd yr hwn y byddo anaf arno, i offrymmu bara ei Dduw ef.

¹⁸Canys ni chaiff vn gŵr yr hwn y byddo anaf arno nessau: y gŵr dall, neu yr cloff, neu’r rhyfyr, neu rhy hîr [ei aelod.]

¹⁹Neu’r gŵr yr hwn y byddo iddo droed twnn, neu law donn.

²⁰Neu a fyddo yn gefn-grwm, neu a magl, neu byssen ar ei lygad, neu’n grachlyd, neu yn glafrllyd, neu yn hittrwm.

²¹Na nessaed vn gŵr o hâd Aaron yr offeiriad yr hwn y byddo anaf arno i offrymmu ebyrth tanllyd yr Arglwydd: anaf sydd arno, na nessaed i offrymmu bara ei Dduw ef.

²²Bara ei Dduw ef o’r [pethau] sanctaidd cyssegredic, ac o’r [pethau] cyssegredic a gaiff efe ei fwytta.

²³Etto na ddeued at y wahan-lenn, ac na nessaed at yr allor, am [fod] anaf arno, ac na haloged fyng-hyssegr: canys myfi [ydwyf] yr Arglwydd eu sancteiddudd hwynt.

²⁴A llefarodd Moses [hynny] wrth Aaron, ac wrth ei feibion, ac wrth holl feibion Israel.