Read William Morgan Bible 1588 original edition Lefiticus 26 Bible Online

Lefiticus 26 - William Morgan Bible 1588 original edition bible

Lefiticus 26

¹Y fendith a gaffo y rhai a gadwant orchymynion Duw 14 Ar felldith a ddaw i’r rhai nis cadwant. Na wnewch eulynnod iwch, ac na chodwch i chwi ddelw gerfiedic na cholofn, ac na roddwch ddelw faen yn eich tîr i ymgrymmu iddi, canys myfi [ydwyf] yr Arglwydd eich Duw chwi.

²Fy Sabbothau maufi a gedwch, a’m cyssegr maufi a berchwch: myfi [ydwyf] yr Arglwydd.

³Os yn fy neddfau maufi y rhodiwch, a’m gorchymynnion maufi a gedwch, ai gwneuthur hwynt.

⁴Yna mi roddaf eich cafodau yn eu hamser, a rhydd y ddaiar ei chynnyrch, a choed y maes a rydd eu ffrwyth.

⁵A’ch dyrnu a gyrredd hyd gynhaiaf y grawn-win, a chynhaiaf y grawn-win a gyrredd hyd amsêr hau, a’ch bara a fwytewch yn ddigonol, ac yn eich tîr y trigwch yn ddiogel.

⁶Rhoddaf heddwch hefyd yn y tîr, a gorweddwch hefyd heb ddychrynnudd, a gwnaf i’r bwyst-fil niweidiol ddarfod o’r tîr: ac nid aiff cleddyf drwy eich tîr.

⁷Eich gelynion hefyd a erlidiwch, a syrthiant o’ch blaen ar y cleddyf.

⁸A phump o honoch a erlidiant gant, a chant o honoch a erlidiant fyrddiwn, a’ch gelynion a syrthiant o’ch blaen ar y cleddyf.

⁹A mi a edrychaf am danoch, ac a’ch gwnaf chwi yn ffrwythlawn, ac a’ch amlhaf chwi, ac a gadarnhaf fyng-hyfammod a chwi.

¹⁰A’r hên henaidd a fwytewch, îe yr hên afwriwch chwi allan o achos y newydd.

¹¹Rhoddaf hefyd fy nhabernacl yn eich mysc, ac ni ffieiddia fy enaid chwi.

¹²Ac mi a rodiaf yn eich plîth, a byddaf yn Dduw i chwi, a chwithau a fyddwch yn bobl i mi.

¹³Myfi [yw]’r Arglwydd eich Duw’r hwn a’ch dygais chwi allan o dîr yr Aipht, rhac eich bod yn weision iddynt, a thorrais rwymau eich iau, a gwneuthum iwch rodio yn sythion.

¹⁴Ond os chwi ni wrandewch arnaf, ac ni wnewch yr holl orchymynnion hynn.

¹⁵Os fy neddfau hefyd a ddirmygwch, ac 53 os eich enaid a ffieiddia fy marnedigaethau, heb wneuthur fy holl orchymynnion, gan dorri o honoch fyng-hyfammod.

¹⁶Minne hefyd a wnaf hynn i chwi, gosodaf yn oruchaf arnoch ddychryn, darfodigaeth, a’r crŷd poeth, y rhai a wnânt i’r llygaid ballu, ac a ofidiant eich eneidiau, a heuwch eich hâd yn ofer, canys eich gelynion ai bwyttu.

¹⁷Ac a roddaf fy wyneb i’ch erbyn, fel y syrthiwch o flaen eich gelynion: a’ch caseion a feistrolant arnoch: ffoiwch hefyd pan na byddo neb yn eich erlid.

¹⁸Ac os er hyn ni wrandewch arnaf, yna y chwanega eich cospi chwi saith mwy am eich pechodau.

¹⁹Canys torraf falchder eich nerth chwi, a rhoddaf eich nefoedd chwi fel haiarn, a’ch tîr chwi fel prês.

²⁰A’ch cryfdwr a dderfydd yn ofer, canys eich tîr ny rydd ei gynnyrch, a choed y tîr ni roddant eu ffrwyth.

²¹Ac os rhodiwch yng-wrthwyneb imi ac ni fynnwch wrando arnaf fi, yna chwanegaf bla saith mwy arnoch yn ol eich pechodau.

²²Ac anfonaf fwyst-fil y maes yn eich erbyn ac efe a’ch gwna chwi yn ddiblant, ac a ddifetha eich anifeiliaid, ac a’ch lleihâ chwi, a’ch ffyrdd a wneir yn anialwch.

²³Ac os wrth hyn ni chymmerwch ddysc gennif, ond rhodio yn y gwrthwyneb i mi:

²⁴Yna y rhodiafi hefyd mewn gwrthwyneb i chwithau, a mi a’ch maeddaf chwi hefyd saith mwy am eich pechodau.

²⁵A dygaf arnoch gleddyf yr hwn a ddial fyng-hyfammod, a chwi a ymgesclwch i’ch dinasoedd, yna yr anfonaf haint i’ch mysc, a chwi a roddir yn llaw y gelyn.

²⁶Pan dorrwyf ffonn eich bara, yna dec o wragedd a bobant eich bara mewn vn ffwrn, ac a ddygant eich bara adref dan bwys, a chwi a fwyttewch, ac nis digonir chwi.

²⁷Ac os er hyn ni wrandewch arnaf, ond rhodio yn fy erbyn.

²⁸Rhodiaf yn eich erbyn chwithau hefyd, mewn llîd, a mi a’ch cospaf chwi etto saith mwy am eich pechodau.

²⁹A chwi a fwyttewch gnawd eich meibion, a chnawd eich merched a fwyttewch.

³⁰Eich vchelfeudd hefyd a ddifwynaf, ac a dorraf eich delwau, ac a roddaf eich celaneddau chwi yng-hyd a chelaneddau eich eulynnod chwi, a’m henaid a’ch ffieiddia chwi.

³¹A rhoddaf eich dinasoedd yn anghyfannedd, ac a ddinistriaf eich cyssegroedd, ac ni aroglaf eich arogl esmwyth.

³²A mi a ddinistriaf eich tîr, fel y byddo aruthr gan eich gelynion y rhai a drigant ynddo oi herwydd.

³³Chwithau a wascaraf ym-mysc y cenhedloedd, a gwnaf dynnu cleddyf ar eich ôl, a’ch tîr fydd diffaithwch, a’ch dinasoedd hefyd fyddant anghyfanned.

³⁴Yna y bodlonir y ddaiar am ei Sabbothau, yr holl ddyddiau y byddo yn diffaithwch: a chwithau a fyddwch yn nhîr eich gelynion, yna y gorphywys y tîr, ac y bodlonir am ei Sabbothau.

³⁵Yr holl ddyddiau y byddo yn ddiffaithwch y gorphywys, o herwydd ni orphywysodd ar eich Sabbothau chwi, pan oeddech yn trigo ynddo.

³⁶A’r hyn a weddillir o honoch, dygaf feddalwch ar eu calonnau yn nhîr eu gelynion, a thrwst deilen yn yscwyd ai herlid hwynt: a ffoant fel ffoi rhac cleddyf, a syrthiant hefyd heb neb yn [eu] herlid.

³⁷A thrippiant bob vn wrth ei gilydd megis o flaen cleddyf, ac heb neb yn eu herlid, ac ni ellwch sefyll o flaen eich gelynion.

³⁸Difethir chwi hefyd ym-mysc y cenhedloedd, a thîr eich gelynnion a’ch bwyttu.

³⁹A’r rhai a weddillir o honoch a doddant yn eu hanwireddau yn nhîr eich gelynnion, ac yn anwireddau eu tadau gyd a hwynt y toddant.

⁴⁰Yna y cyffesant eu hanwiredd ac anwiredd eu tadau yng-hyd ai camwedd yr hwn a wnaethant i’m herbyn, a hefyd y modd y rhodiasant yn y gwrthwyneb i mi.

⁴¹Ac y rhodiais yn eu gwrthwyneb hwyntau, acy dygais hwynt i dir eu gelynion: os yno’r ymostwng eu calon ddienwaededic, ai bod yn fodlon am eu cospedigaeth.

⁴²Minne a gofiaf fyng-hyfammod ag Iacob, a’m cyfammod hefyd ag Isaac, a’m cyfammod hefyd ag Abraham a gofiaf, a meddyliaf am y tîr.

⁴³A’r tîr a adewir hebddynt, ac a fodlonir am ei Sabbothau tra fyddo yn ddiffaethwch hebddynt, a hwyntau a fodlonir am eu cospedigaeth o achos ac o herwydd dirmygu o honynt fy-marnedigaethau, a ffieiddio oi henaid fyneddfau.

⁴⁴A hyn hefyd, ni ddirmygaf hwynt pan fyddant yn nhîr eu gelynnion, ac ni ffieiddiaf hwynt iw difetha, gan dorri fyng-hyfamod a hwynt, o herwydd myfi [ydyw]’r Arglwydd eu Duw hwynt.

⁴⁵Ond cofiaf erddynt gyfammod y rhai cyntaf, y rhai a ddygais allan o dîr yr Aipht yng olwg y cenhedloedd, i fod iddynt yn Dduw, myfi [ydwyf] yr Arglwydd.

⁴⁶Dymma y deddfau, a’r barnedigaethau a’r cyfreithiau y rhai a rodd yr Arglwydd rhyngddo ei hun a meibion Israel ym-mynydd Sinai drwy law Moses.