Read William Morgan Bible 1588 original edition Lefiticus 27 Bible Online

Lefiticus 27 - William Morgan Bible 1588 original edition bible

Lefiticus 27

¹Cyfraith addunedau, degymmau, a phethau wedi rhoddi eu ddiofryd, sef wedi i’r perchennoc addo i’r Arglwydd trwy adduned na fwynhae hwynt byth ond eu gadel i wasanaeth y cyssegr. A llefarodd yr Arglwydd wrth Moses, gan ddywedyd:

²Llefara wrth feibion Israel, a dywet wrthynt, pan addunedo neb ddynion i’r Arglwyd yn dy bris di.

³Yna bydded dy bris am wryw o fab vgain mlwydd hyd fab trûgain mlwydd, îe bydded dy bris ddec sicl a deugain o arian yn ol sicl y cyssegr.

⁴Ac os benyw fydd hi, bydded dy brîs ddec sicl ar hugain.

⁵Ac o fab can mlwydd hefyd hyd fab vgain mlwydd bydded dy brîs am wryw vgain sicl, ac am fenyw ddec sicl.

⁶A bydded hefyd di brîs am wryw o fab misyriad hyd fab pum mlwydd, bum sicl o arian: ac am fenyw dy brîs [fydd] tri sicl o arian.

⁷Ond o fab trûgein mlwydd ac vchod os gwryw [fydd] bydded dy brîs bymthec sicl, ac am fenyw ddec sicl.

⁸Ond os tlodach fydd efe na’th bris di, yna safed ger bron yr offeiriad, a phrissied yr offeiriad ef yn ol yr hyn a gyrhaeddo llaw’r addunedudd, [felly] y prissia’r offeiriad ef.

⁹Ond os anifail yr hwn yr offrymmir o honaw offrwm i’r Arglwydd [fydd ei adduned:] yr hyn oll a roddir o honaw i’r Arglwydd sainctaidd fydd.

¹⁰Na rodded vn arall am dano, ac na newidied ef, y da am y drwg, neu’r drwg am y da, ac os gan newidio y newidia anifail am anifail, bydded hwnnw, a bydded ei gyfnewid hefyd yn sanctaidd.

¹¹Ac os [adduneda efe] vn anifail aflan yr hwn ni ddylent offrymmu o honaw offrwm i’r Arglwydd, yna rhodded yr anifail i sefyll ger bron yr Arglwydd.

¹²A phrissied yr offeiriad ef, os da os drwg [fydd] fel y prissio’r offeiriad [ef] it, felly y bydd.

¹³Ac os efe gan ryddhau ai rhyddha, yno rhodded at dy brîs di ei bummed rann yn chwaneg.

¹⁴A phan sancteiddio gŵr ei dŷ yn sanctaidd i’r Arglwydd, yna’r offeiriad ai pryssia yn dda neu yn ddrwg, megis y prissio’r offeiriad ef, felly y saif.

¹⁵Ac os y sancteiddudd a ollwng ei dŷ yn rhydd, yna rhodded bummed ran arian dy brîs yn chwanec atto, a bydded eiddo ef [y tŷ.]

¹⁶Ac os o faes ei etifeddiaeth y sancteiddia gŵr i’r Arglwydd, yna bydded dy bris yn ol ei hauad, hauad Homer o haidd [fydd] er dec sicl a deugain o arian.

¹⁷Os o flwyddyn y Iubili y sancteiddia efe ei faes, safed yn dy brîs di.

¹⁸Ond os wedi y Iubili y sancteiddia efe ei faes, yna dogned yr offeiriad yr arian iddo yn ol y blynyddoedd y rhai fyddant yn ol hyd flwyddyn y Iubili, a lleihaer ar dy brîs di.

¹⁹Ac os yr hwn ai sancteiddiodd gan ryddhâu a ryddhâ y maes, yna rhodded bummed ran arian dy bris di yn chwanec atto, a bydded iddo ef.

²⁰Ac onnis gollwng y maes yn rhydd, ond gwerthu y maes i ŵr arall, ni cheir ei ollwng byth.

²¹A’r maes fydd pann elo efe allan yn y Iubili yn gyssygredic i’r Arglwydd fel maes diofryd: a bydded ei etifeddiaeth i’r offeiriad.

²²Ac os ei dîr prynn yr hwn ni [bydd] o dîr ei etifeddiaeth, a sancteiddia efe i’r Arglwydd.

²³Yna cyfrifed yr offeiriad iddo ddogn dy brîs di hyd flwyddyn y Iubili, a rhodded yntef dy brîs di yn gyssegredic i’r Arglwydd y dydd hwnnw.

²⁴Y maes a aiff yn ei ol flwyddyn y Iubili, i’r hwn y prynnasseu efe ef ganddo, yr hwn [oedd] eiddo etifeddiaeth y tîr.

²⁵A phob prîs it fydd wrth sicl y cyssegr, vgain Gerah fydd y sicl.

²⁶Ond y cyntaf-anedic o anifail yr hwn a enir yn gyntaf i’r Arglwydd na chyssegred neb ef, pa vn bynnac ai eidion, ai dafaf [fydd,] eiddo’r Arglwydd [yw] efe.

²⁷Ond os [ei adduned ef fydd] o anifail aflan, yna rhyddhaed ef yn dy brîs di, a rhodded ei bummed ran yn y chwanec atto, ac onis rhyddha yna gwerther ef yn dy brîs di.

²⁸Ond pob diofryd-beth yr hwn a ddiofrydo vn i’r Arglwydd o’r hyn oll [a fyddo] eiddo ef, o ddŷn neu o anifail, neu o faes ei etifeddiaeth, ni werthir ac ni waredir: pob diofryd-beth sydd sancteidd-beth cyssygredic i’r Arglwydd.

²⁹Ni cheir gollwng yn rhydd vn [anifail] diofrydoc yr hwn a ddiofryder gan ddyn, lladder yn farw.

³⁰A holl ddegwm y tîr o hâd y tîr, [ac] offrwyth y coed yr Arglwydd ai piau, cyssegredic i’r Arglwydd [yw.]

³¹Ac os gŵr gân ollwng a ollwng yn rhydd [beth] oi ddegwm, rhodded ei bummed rann yn y chwaneg atto.

³²A phôb degwn eidion, neu ddafad yr hyn oll a elo dan y wialen fydd ddecfed gyssegredic i’r Arglwydd.

³³Nac edryched ai da, ai drwg [fydd efe] ac na newidied ef, ond os gan newidio y newidia efe hwnnw, bydded hwnnw, a bydded ei gyfnewid ef hefyd yn gyssegredic, ni ellir ei ollwng yn rhydd.

³⁴Dymma y gorchymynnion y rhai a orchymynnodd yr Arglwyd wrth Moses i feibion Israel ym-mynydd Sinai.