Read William Morgan Bible 1588 original edition Lefiticus 3 Bible Online

Lefiticus 3 - William Morgan Bible 1588 original edition bible

Lefiticus 3

¹1 Cyfraith am aberth hedd o eidionnau. 6 Defaid. 7 Wun. 12 A geifr. Ac os aberth hedd [fydd] ei offrwm ef, pan offrymmo efe eidion, offrymmed ef gerbron yr Arglwydd yn berffaith-gwbl pwy vn bynnac ai yn wryw ai yn fenyw.

²A rhodded ei law ar benn ei offrwm a lladded ef [wrth] ddrws pabell y cyfarfod, a thaenelled meibion Aaron yr offeiriaid y gwaed ar yr allor o amgylch.

³Ac offrymmed o’r aberth hedd aberth tanllyd i’r Arglwydd: [sef] y weren fol, a’r holl wêr yr hwn[a fydd]ar y perfedd,

⁴A’r ddwy aren, a’r gwêr [a fydd] arnynt, yr hwn [fydd] ar y perfedd, a’r rhwyden hefyd [a fydd] ar yr afi a dynn efe ymmaith yng-hyd a’r arennau.

⁵A allosged meibion Aaron hynny ar yr allor, yng-hyd ar offrwm poeth yr hwn [fydd] ar y coed, y rhai [fyddant] ar y tân, yn aberth tanllyd, o arogl esmwyth i’r Arglwydd.

⁶Ac os o’r praidd [y bydd] yr hyn a offrymmo efe yn hedd aberth i’r Arglwydd, offrymmed ef yn wryw neu yn fenyw perffaithgwbl.

⁷Os oen a offrymma efe yn ei offrwm, yna dyged ef ger bron yr Arglwydd.

⁸A gosoded ei law ar benn ei offrwm, a lladded ef o flaen pabell y cyfarfod, a thaenelled meibion Aaron ei waed ef ar yr allor oddi amgylch.

⁹Ac offrymmed o’r aberth hedd yn aberth tanllyd i’r Arglwydd ei weren, a’r gloren ei gyd, torred hi ymmaith wrth asgwrn y cefn yng-hyd a’r weren fol, a’r holl wêr yr hwn [fydd] ar y perfedd.

¹⁰A’r ddwy aren, a’r gwêr yr hwn [a fydd] arnynt, yr hwn [fydd] ar y perfedd, a’r rhwyden ar yr afi, yng-hyd a’r arennau a dynn efe ymmaith.

¹¹A llosged yr offeiriad hynn ar yr allor, [fel] bwyd aberth tanllyd yr Arglwydd.

¹²Felly os gafr [fydd] ei offrwm ef, dyged hi ger bron yr Arglwydd:

¹³A gosoded ei law ar ei phen, a lladded hi o flaen pabell y cyfarfod, a thaenelled meibion Aaron ei gwaed hi ar yr allor o amgylch.

¹⁴Ac offrymmed o hynny ei offrwm o aberth tanllyd i’r Arglwydd, sef y weren fol, a’r holl wêr yr hwn [fydd] ar y perfedd.

¹⁵A’r ddwy âren a’r gwêr yr hwn [fydd] arnynt, yr hwn [fydd] ar y perfedd a’r rhwyden ar yr afi, yng-hyd ar arennau a dynn efe ymmaith.

¹⁶A llosged yr offeiriad hwynt ar yr allor, yr holl wêr [fydd] i’r Arglwydd yn fwyd aberth tanllyd o arogl esmwyth.

¹⁷Deddf dragwyddawl drwy eich oesoedd yn eich holl anneddau [yw] na fwyttaoch ddim gwêr na dim gwaed.