Read William Morgan Bible 1588 original edition Lefiticus 6 Bible Online

Lefiticus 6 - William Morgan Bible 1588 original edition bible

Lefiticus 6

¹Aberthau am feiau a wneler trwy wybod. 9 Trefn y poeth offrymmau. 14 Trefn y bwyd offrwm. 20 Aberth Aaron ai feibion. 25 Trefn offrwm tros bechod. A Llefarodd yr Arglwydd wrth Moses, gan ddywedyd.

²Os pecha dŷn a gwneuthur camwedd yn erbyn yr Arglwydd, a gwadu wrth ei gymydog yr hyn a rodded atto iw gadw, neu am’r hyn y rhoddes efe ei law am dano, neu am yr hynn drwy drawster a ddygodd efe, neu y byddo yn ei gam attal oddi ar ei gymydog:

³Neu os cafodd beth gwedi ei golli, ai wadu, a thyngu mewn anudon, am ba vn bynac o’r holl bethau a wnelo dŷn gan bechu ynddynt.

⁴Yna am iddo bechu a bod yn euog, bydded iddo roddi yn ei ol y trais yr hwn a dreisiodd efe, neu’r camattaliaeth yr hwn a gamattaliodd, neu’r peth yr hwn a adawyd i gadw gyd ag ef, neu’r peth wedi ei golli yr hwn a gafodd efe.

⁵Neu beth bynnac y tyngodd efe anudon am dano, taled hynny erbyn ei benn, a chwaneged ei bummed ran atto: a’r dydd yr offrymmo dros gamwedd roddedd ef i’r neb ai piau.

⁶A dyged i’r Arglwydd yn offrwm dros gamwedd hwrdd perffaith-gwbl o’r praidd, yn dy bris di, yn offrwm dros gamwedd, at yr offeiriad.

⁷A gwnaed yr offeiriad iawn trosto ger bron yr Arglwydd, a maddeuir iddo, am ba beth bynnac a wnaeth, i fod yn euog o honaw.

⁸Llefarodd yr Arglwydd hefyd wrth Moses, gan ddywedyd.

⁹Gorchymyn i Aaron, ac iw feibion gan ddywedydd, dymma gyfraith y poeth offrwm [bydded] y poeth offrwm hwn ar yr aelwyd [yr hon sydd] ar yr allor, ar hyd y nos, hyd y borau, a chynneuer tân yr allor arni,

¹⁰Gwisced yr offeiriad hefyd ei lieinwisc am dano, a gwisced lawdrau lliain am ei gnawd, a choded y lludw lle’r yssodd tân y poeth aberth ar yr allor, a gossoded ef ger llaw’r allor.

¹¹A diosced ei wiscoedd, a gwisced ddillad eraill, a dyged allan y lludw i’r tu hwnt i’r gwerssyll, lle glân.

¹²A chynneuer y tân [sydd] ar yr allor arni, na ddiffodded: onid llosged yr offeiriad goed arni, o forau i forau: a threfned y poeth offrwm arni, a llosced wêr yr aberth hedd arni.

¹³Cynneuer y tân bob amser ar yr allor, na ddiffodded ef.

¹⁴Dymma hefyd gyfraith y bwyd offrwm, dyged meibion Aaron ef ger bron yr Arglwydd o flaen yr allor.

¹⁵A choded o honaw yn ei law o beillied y bwyd offrwm, ac oi olew, a’r holl thus yr hwn [fydd] ar y bwyd offrwm, a llosced ei goffadwriaeth ef ar yr allor, yn arogl esmwyth i’r Arglwydd.

¹⁶A’r gweddill o honaw a fwytu Aaron ai feibion, yn groiw y bwyteuir ef: yn y lle sanctaidd o fewn cynteddfa pabell y cyfarfod y bwytânt ef.

¹⁷Na phober ef trwy lefen: rhoddais ef yn rhan iddynt o’m haberthau tanllyd: sancteiddbeth cyssegredic yw hynn, megis o’r aberth tros bechod, a’r aberth tros gamwedd.

¹⁸Pob gwryw o blant Aaron a fwytânt hynn [trwy] ddeddf dragywyddol yn eich oesoedd o aberthau tanllyd yr Arglwydd: pob dim oll a gyffyrddo a hwynt cyssygredic fydd.

¹⁹A llefarodd yr Arglwydd wrth Moses, gan ddywedyd.

²⁰Dymma offrwm Aaron, ai feibion, yr hwnn a offrymmant i’r Arglwydd, sef decfed ran Epha o beillied bwyd offrwm bob amser ar y dydd yr eneinir ef: ei hanner y borau, ai hanner bryd nawn.

²¹Gwneler ef trwy olew ar y radell, [yna] y dygi ef i mewn: wedi ei grassu, ac offrymma ddrylliau y bwyd offrwm wedi ei grassu, yn arogl esmwyth i’r Arglwydd.

²²A’r offeiriad ai feibion ef yr hwn a encinir yn ei le ef, gwnaed hynn [drwy] ddeddf dragywyddol, lloscer y cwbl i’r Arglwydd.

²³A phob bwyd offrwm offeiriad byddet wedi ei losci oll, na fwytaer ef.

²⁴Llefarodd yr Arglwydd hefyd wrth Moses, gan ddywedyd.

²⁵Llefara wrth Aaron ac wrth ei feibion gan ddywedyd, dymma gyfraith yr aberth tros bechod, vn y lle y lleddir y poeth offrwm, y lleddir yr aberth tros bechod, ger bron yr Arglwydd sanctaidd-beth cyssegredic [yw] efe.

²⁶Yr offeiriad yr hwn ai hoffrymmo tros bechod, ai bwytu, yn y lle santaidd y bwyteir ef, yng-hynteddfa pabell y cyfarfod.

²⁷Beth bynnac a gyffyrddo ai gig ef a fydd cyssygredic, a phan daenello oi waed ef ar ddilledyn, golch yn y lle sanctaidd yr hynn y taenello [y gwaed] arno.

²⁸A thorrer y llestr pridd yr hwn y berwir ef ynddo, ond os mewn llestr prês y berwir ef, scwrrier, a golcher ef mewn dwfr.

²⁹Bwytaed pob gwryw ym mysc yr offeiriaid ef, sanctaidd-beth cyssegredic [yw] efe.

³⁰Ac na fwytaed vn offrwm tros bechod yr hwn y dygir oi waed i babell y cyfarfod, i wneuthur iawn yn y lle sanctaidd, [ond] llosger mewn tân.