Read William Morgan Bible 1588 original edition Lefiticus 7 Bible Online

Lefiticus 7 - William Morgan Bible 1588 original edition bible

Lefiticus 7

¹1 Deddf yr offrwm tros gamwedd a phechod. 11 deddf yr offrwm hedd. 23 gwahardd bwyta y gwêr a’r gwaed. Dymma hefyd gyfraith yr offrwm dros gamwedd, sancteidd-beth cyssegredic [yw] efe.

²Yn y man lle y lladdant y poeth offrwm, y lladdant yr aberth tros gamwedd, ai waed a daenella efe ar yr allor o amgylch.

³Ai holl wêr a offrymma efe allan o honaw, y gloren hefyd a’r wêren fol.

⁴A’r ddwy aren a’r gwêr yr hwn [fydd] arnynt yr hwn [fydd] yng-hylch y perfedd, a’r rhwyden ar yr afi, yng-hyd a’r arennau a dynn efe ymmaith.

⁵A llosged yr offeiriad hwynt ar yr allor yn aberth tanllyd i’r Arglwydd: aberth tros gamwedd [yw] hwn.

⁶Pob gwryw ym mysc yr offeiriaid ai bwytu: yn y lle sanctaidd y bwyteuir ef, sancteidd-beth cyssegredic [yw] efe.

⁷Fel [y bydd] yr aberth tros bechod felly [y bydd] yr aberth tros gamwedd, vn gyfraith [sydd] iddynt: yr offeiriad yr hwn a wna iawn ag ef, ai piau.

⁸A’r offeiriad yr hwn a offrymmo boeth offrwm neb piau groen y poeth offrwm yr hwn a offrymmodd efe.

⁹A phôb bwyd offrwm yr hwn a grasser mewn ffwrn, ac hyn oll a wneler mewn padell, neu ar radell, fydd eiddo’r offeiriad yr hwn ai hoffrymmo.

¹⁰A phob bwyd offrwm wedi ei gymmyscu trwy olew, neu yn sych a fydd i holl feibion Aaron bob vn fel ei gilydd.

¹¹Dymma hefyd gyfraith yr aberth hêdd, yr hwn a offrymma, efe i’r Arglwydd.

¹²Os yn lle diolch yr offrymma efe hynn, offrymmed yn lle aberth diolch deissennau croiw, wedi eu cymmyscu drwy olew, ac afrllad croiw, wedi eu hîro ag olew, a pheillied wedi ei grassu’n deissennau wedi eu cymmyscu ag olew.

¹³Heb law y teissennau offrymmed fara lefeinllyd [yn] ei offrwm, am ei hedd aberth o ddiolch.

¹⁴Ac offrymmed o hyn vn [dorth] o bob offrwm yn offrwm derchafel i’r Arglwydd: [a] bydded [hwnnw] eiddo’r offeiriad yr hwn a daenello waed yr ebyrth hedd.

¹⁵A chîg ei hedd aberth o ddiolch a fwyteuir y dydd yr offrymmir ef: na adawer o honaw hyd y borau [ddim.]

¹⁶Ond os adduned neu rodd trwy fodd a fydd aberth ei offrwm ef, y dydd yr offrymmo efe ei aberth, bwytaer ef: a thrannoeth bwytaer yr hyn fyddo yn weddill o honaw.

¹⁷Ond yr hyn a fyddo o gîg yr a berth yn weddill y trydydd dydd, lloscer yn tân.

¹⁸Ac os gan fwyta y bwyteuir [dim] o gîg ei aberth hedd ef o fewn y trydydd dydd, ni byddir bodlon i’r hwn ai hoffrymmo ef, [ac] nis cyfrifir iddo, ffieidd-beth fydd: a’r dŷn a fwytu o honaw a ddwg ei anwiredd.

¹⁹Ar cig a gyffyrddo a dim aflan, ni fwyteuir, mewn tân y llosgir ef: a’r cîg [arall] pôb glân a fwytu o honaw.

²⁰A’r dŷn yr hwn a fwytu o gig yr hedd aberth, yr hwn [a berthyn] i’r Arglwyd, ai aflendid arno, torrir ymmaith y dŷn hwnnw o fysc ei bobl

²¹Ac os dŷn a gyffwrdd a dim aflan, [sef] ag aflendid dyn, neu ag anifail aflan, neu ag vn ffieidd-beth aflan, a bwytta o gîg yr hedd aberth, yr hwn [a berthyn] i’r Arglwydd: yna y torrir ymmaith y dŷn hwnnw o fysc ei bobl.

²²Llefarodd yr Arglwydd hefyd wrth Moses, gan ddywedyd.

²³Llefara wrth feibion Israel, gan ddywedyd: na fwytewch ddī gwêr eidiō, neu ddafad, neu afr

²⁴Etto gwêr burgyn, neu wêr ysclyfaeth a ellir ei weithio mewn pob gwaith: ond gan fwytta na fwyttewch [ef].

²⁵O herwydd pwy bynnac a fwyttu o wêr yr anifail, o’r hwn yr offrymmir aberth tanllyd i’r Arglwydd: torrir ymmaith yr enaid a fwyttu o fysc ei bobl.

²⁶Na fwyttewch y chwaith ddim gwaed o fewn eich cyfanneddau, o’r eiddo aderyn nac o’r eiddo anifail.

²⁷Pob enaid a fwyttu ddim gwaed, torrir ymmaith yr enaid hwnnw o fysc ei bobl.

²⁸Llefarodd yr Arglwydd hefyd wrth Moses, gan ddywedyd.

²⁹Llefara wrth feibion Israel, gan ddywedyd y neb a offrymmo ei aberth hedd i’r Arglwydd, dyged ei rodd oi aberth hedd i’r Arglwydd.

³⁰Ei ddwylo a ddygant ebyrth tanllyd i’r Arglwydd dyged hynn, y gwêr yng-hyd a’r barwyden: y barwyden [fydd] iw chyhwfan yn offrwm cwhwfan gar bron yr Arglwydd.

³¹A llosged yr offeiriad y gwêr, ar yr allor, a bydded y barwyden i Aaron ac iw feibion.

³²Rhoddwch hefyd y balfais ddehau yn offrwm derchafael i’r offeiriad o’ch ebyrth hedd chwi.

³³A’r hwn o feibion Aaron a offrymmo waed yr ebyrth hedd, a’r gwêr, bydded iddo ef yr 45 yscwyddoc ddehau yn rhan.

³⁴O herwydd parwyden y cwhwfan, ac yscwyddoc y derchafael a gymmerais i gan feibion Israel oi hebyrth hedd hwynt ac ai rhoddais hwynt i Aaron yr offeiriad, ac iw feibion yn ddeddf dragywyddol oddi wrth feibion Israel.

³⁵Hyn yw [braint] eneiniad Aaron, ac eneiniad ei feibion o ebyrth tanllyd yr Arglwydd, o’r dydd y nessaodd efe hwynt i offeiriadu i’r Arglwydd,

³⁶Yr hwn a orchymynnodd yr Arglwydd roddi iddynt y dydd yr eneiniodd efe hwynt allan o feibion Israel, [drwy] ddeddf dragywyddol drwy eu hoesoedd.

³⁷Dymma gyfraith y poeth offrwm, y bwyd offrwm, a’r aberth tros bechod, a’r aberth tros gamwedd, a’r* cyssegriadau, a’r aberth hedd,

³⁸Yr hon a orchymynnodd yr Arglwydd wrth Moses ym mynydd Sinai, yn y dydd y gorchymynnodd efe i feibion Israel offrymmu eu hoffrymmau i’r Arglwydd, yn anialwch Sinai.