Read William Morgan Bible 1588 original edition Lefiticus 8 Bible Online

Lefiticus 8 - William Morgan Bible 1588 original edition bible

Lefiticus 8

¹Eneiniad Aaron ai feibion. Yna y llefarodd yr arglwydd wrth Moses, gan ddywedyd:

²Cymmer Aaron ai feibion gyd ag ef, a’r gwiscoedd, ac olew’r eneiniad, a bustach ’r aberth tros bechod, a dau hwrdd, a chawell y bara croiw.

³A chasgl di yr holl gynnulleidfa i ddrws pabell y cyfarfod.

⁴A gwnaeth Moses fel y gorchymynnodd yr Arglwydd iddo: a chasglodd y gynnulleidfa i ddrws pabell y cyfarfod.

⁵A dywedodd Moses wrth y gynnulleidfa dymma y peth yr hwn a orchymynnodd yr Arglwydd ei wneuthur.

⁶Yna y parodd Moses i Aaron, ac iw feibion nessau: ac efe ai golchodd hwynt mewn dwfr:

⁷Ac efe a roddes am dano ef y bais, ac ai gwregyssodd ef a gwregys, ac a wiscodd y fantell am dano, ac a roddes yr Ephod am dano, ac ai gwregyssodd a gwregys yr ephod, ac a gaeodd am dano ag ef.

⁸Ac a osododdy ddwyfronnec am dano, ac a roddes yr Urim a Thummim wrth y ddwyfronnec.

⁹Ac efe a osododd y meitr ar ei benn ef, ac a osododd ar y meitr ar gyfer ei wyneb ef dalaeth aur y goron sanctaidd, fel y gorchymynnase yr Arglwydd i Moses.

¹⁰A Moses a gymmerodd olew’r eneiniad ac a irodd y tabernacl, a’r hynn oll a’r [a ydoedd] ynddo: ac ai cyssegrodd hwynt.

¹¹Ac a daenellodd o honaw ar yr allor saith waith, ac a îrodd yr allor, ai holl lestri, ar noe hefyd, ai throed iw cyssegru.

¹²Ac efe a dywalltodd o olew’r eneiniad ar benn Aaron, ac ai henneiniodd ef, iw gyssegru.

¹³Yna y parodd Moses i feibion Aaron nessau, a gwisco peisiau am danynt, a gwregyssodd hwynt a gwregys, ac a osododd gappiau am eu pennau fel y gorchymynnase’r Arglwydd wrth Moses.

¹⁴Yna y dug efe fustach yr aberth tros bechod: ac Aaron ai feibion a roddasant eu dwylo ar benn bustach yr aberth tros bechod.

¹⁵A Moses [ai] lladdodd, ac a gymmerth o’r gwaed, ac ai rhoddes ar gyrn yr allor o amgylch ai fŷs: ac a burodd yr allor, ac a dywalltodd y gwaed wrth waelod yr allor, ac ai cyssegrodd hi i wneuthur iawn arni.

¹⁶Efe hefyd a gymmerodd’r holl wêr, ’r hwn [oedd] ar y perfedd, a rhwyden yr afi, a’r ddwy aren, ai gwêr, a Moses ai lloscodd ar yr allor.

¹⁷A’r bustach, ai groen, ai gig ai fiswel a loscodd efe mewn tân o’r tu allan i’r gwerssyll: fel y gorchymynnase yr Arglwydd wrth Moses.

¹⁸Yna y nessaodd efe hwrdd y poeth offrwm, ac Aaron ai feibion a osodasant eu dwylo ar benn yr hwrdd.

¹⁹A Moses [ai] lladdodd, ac a daenellod y gwaed ar yr allor o amgylch.

²⁰Ac efe a dorrodd yr hwrdd yn ddarnau a lloscodd Moses y penu, y darnau, a’r gwêr.

²¹Ond y perfedd a’r traed a olchodd efe mewn dwfr, a lloscodd Moses yr hwrdd oll ar yr allor: poeth offrwm [yw] hwn, i [fod] yn arogl esmwyth, aberth tanllyd yw i’r Arglwydd: fel y gorchymynnodd yr Arglwydd i Moses.

²²Yna y nessaodd efe yr ail hwrdd, sef hwrdd y cyssegriadau: ac Aaron ai feibion a osodasant eu dwylo ar benn yr hwrdd.

²³A Moses ai lladdodd ac a gymmerodd oi waed, ac ai rhoddes ar gwrr clust ddehau Aaron, ac ar fawd ei law ddehau, ac ar fawd ei droed dehau.

²⁴Moses hefyd a nessaodd feibion Aaron ac a roddes o’r gwaed, ar gwrr eu clust ddehau ac ar fawd eu llaw ddehau, ac ar fawd eu troed dehau: a thaenellodd Moses y gwaed ar yr allor oddi amgylch.

²⁵Ac efe a gymmerodd hefyd y gwêr, a’r gloren a’r holl wêr yr hwn [oedd] ar y perfedd, a rhwyden yr afi, a’r ddwy aren, ai braster hwynt a’r yscwyddoc ddehau.

²⁶A chymmerodd o gawell y bara croiw yr hwn [oedd] ger bron yr Arglwydd, vn deissen groiw, ac vn deissen o fara olewedic, ac vn afrlladen, ac ai gossododd ar y gwêr, ac ar yr yscwyddoc ddehau:

²⁷Ac a roddes y cwbl ar gledrau dwylo Aaron, ac ar gledrau dwylo eu feibion, ac ai cwhwfanodd hwynt yn offrwm cwhwfan ger bron yr Arglwydd.

²⁸Yna y cymmerth Moses hwynt oddi ar gledrau eu dwylo hwynt, ac ai llosgodd ar yr allor yn offrwm poeth: dymma gyssegriadau o arogl esmwyth, dymma aberth tanllyd i’r Arglwydd.

²⁹Cymmerodd Moses y barwyden hefyd, ac ai cwhwfanodd yn offrwm cwhwfan ger bron yr Arglwydd: rhan Moses o hwrdd y cyssegriadau oedd hi, fel y gorchymynnase yr Arglwydd wrth Moses.

³⁰A chymmerodd Moses o olew’r eneiniad ac o’r gwaed’r hwn [oedd] ar’r allor, ac a daenellodd ar Aaron [ac] ar ei wiscoedd, ar ei feibion hefyd, ac ar wiscoedd ei feibion yng-hyd ag ef: ac efe a gyssegrodd Aaron, ai wisgoedd, ai feibion hefyd, a gwiscoedd ei feibion yng-hyd ag ef.

³¹A dywedodd Moses wrth Aaron, ac wrth ei feibion, berrwch y cig [wrth] ddrws pabell y cyfarfod, ac yno bwyttewch ef, a’r bara hefyd yr hwn [sydd] yng-hawell y cyssegriadau, megis y gorchymynnais gan ddywedyd, Aaron ai feibion ai bwyttu ef.

³²Ar gweddill o’r cig, ac o’r bara a losgwch mewn tân.

³³Ac nac ewch saith niwrnod allan o ddrws pabell y cyfarfod, hyd y dydd y cyflawner dyddiau eich cyssegriadau: o herwydd saith niwrnod y bydd efe yn eich cyssegru chwi.

³⁴Megis y gwnaeth efe heddyw: y gorchymynnodd yr Arglwydd wneuthur, i wneuthur iawn drossoch.

³⁵Ac arhoswch, [wrth] ddrws pabell y cyfarfod saith niwrnod ddydd a nos, a chedwch wiliadwriaeth yr Arglwydd, fel na byddoch feirw: canys fel hyn i’m gorchymynnwyd.

³⁶A gwnaeth Aaron ai feibion yr holl bethau y rhai a orchymynnodd’r Arglwydd trwy law Moses.