Read William Morgan Bible 1588 original edition Lefiticus 9 Bible Online

Lefiticus 9 - William Morgan Bible 1588 original edition bible

Lefiticus 9

¹Aaron yn dechreu offrymmu. 22 Ac yn bendithio y bobl. 23 Gogoniant Duw yn ymddangos. Yna y bu ar yr wythfed dydd i Moses alw am Aaron ac am ei feibion, ac am henuriaid Israel.

²Ac efe a ddywedodd wrth Aaron, cymmer it lô ieuangc yn aberth tros bechod, a hwrdd yn boeth offrwm o rai perffaith-gwbl, a dwg [hwynt] ger bron yr Arglwydd.

³Llefara hefyd wrth feibion Israel, gan ddywedyd: cymmerwch lwdn gafr gwryw, yn aberth tros bechod, a llô, ac oen blwyddiaid perffaith-gwbl yn boeth offrwm.

⁴Ac eidion, a hwrdd y aberth hedd, i aberthu ger bron yr Arglwydd: a bwyd offrwm wedi ei gymmyscy trwy olew: o herwydd heddyw yr ymddengys yr Arglwydd ichwi.

⁵A dugasant yr hyn a orchymynnodd Moses ger bron pabell y cyfarfod: a’r holl gynnulleidfa a ddaethant ac a safasant ger bron yr Arglwydd.

⁶A dywedodd Moses gwnewch y peth hynn, yr hwn a orchymynnodd yr Arglwydd: ac ymddengys gogoniant yr Arglwydd i chwi.

⁷Dywedodd Moses hefyd wrth Aaron, dos at yr allor ac abertha dy aberth tros bechod, a’th boeth offrwm a gwna iawn drosot dy hun, a thros y bobl, ac abertha offrwm y bobl, a gwna iawn drostynt, fel y gorchymynodd’r Arglwydd

⁸Yna y nessaodd Aaron at yr allor, ac a laddodd lô yr aberth tros bechod, yr hwn [oedd] trosto ef ei hun.

⁹A meibion Aaron a ddugasant y gwaed atto, ac efe a wlychodd ei fŷs yn y gwaed, ac ai gossododd ar gyrn yr allor, ac a dywalltodd y gwaed [arall] wrth waelod yr allor.

¹⁰Ond efe a losgodd ar yr allor o’r aberth tros bechod y gwêr a’r arennau, a rhwyden yr ast, fel y gorchymynase yr Arglwydd wrth Moses.

¹¹A’r cîg, a’r croen a losgodd efe mewn tân: o’r tu allan i’r gwerssyll.

¹²Ac efe a laddodd y poeth offrwm, a meibion Aaron a ddugasant y gwaed atto, ac efe ai taenellodd ar yr allor o amgylch.

¹³A dugasant y poeth offrwm atto’n ddarnau ai ben hefyd: ac efe ai llosgodd hwynt ar’r allor.

¹⁴Ac efe a olchodd y perfedd a’r traed, ac ai llosgodd hwynt yng-hyd a’r offrwm poeth ar’r allor.

¹⁵Hefyd efe a ddug offrwm y bobl, ac a gymmerodd fwch yr aberth tros bechod yr hwn [oedd] tros y bobl, ac ai lladdodd, ac ai hoffrymmodd tros bechod, fel y cyntaf.

¹⁶Ac efe a ddug y poeth offrwm, ac ai hoffrymmodd yn ol y ddefod.

¹⁷Felly efe a ddug y bwyd offrwm ac a lanwodd ei law o honaw, ac [ai] llosgodd ar yr allor heb law poeth offrwm y boreu.

¹⁸Ac efe a laddodd ŷch a hwrdd yr aberth hedd, yr hwn [oedd] tros y bobl: a meibion Aaron a ddugasant y gwaed atto, ac efe ai taenellodd ef ar yr allor o amgylch.

¹⁹[Cymmerasant] hefyd o’r ŷch y gwêr: ac o’r hwrdd y gloren, ar wêren fol, a’r arennau, a rhwyden yr ast.

²⁰A gosodasant y gwêr ar y parwydennau, ac efe a losgdd y gwêr ar yr allor.

²¹Y parwydennau hefyd, a’r yscwyddoc ddehau a gwhwfanodd Aaron yn offrwm cwbwfan ger bron yr Arglwydd fel y gorchymynnodd Moses.

²²A chododd Aaron ei law ar y bobl, ac ai bendithiodd, ac a ddaeth i wared o wneuthur yr aberth tros bechod, a’r poeth offrwm, a’r aberth hedd.

²³Yna y daeth Moses ac Aaron i babell y cyfarfod, ac aethant allan, ac a fendithiasant y bobl, a gogoniant yr Arglwydd a ymddangosodd i’r holl bobl.

²⁴Ac aeth tân allan oddi ger bron yr Arglwydd, ac a yssodd y poeth offrwm, a’r gwêr ar yr allor: a gwelodd yr holl bobl, a gwaeddasant a chwympasant ar eu hwynebau.