Read William Morgan Bible 1588 original edition Ieremi 1 Bible Online

Ieremi 1 - William Morgan Bible 1588 original edition bible

Ieremi 1

¹Ieremi yn ceisio gwrthod bod yn brophwyd, gan ddangos ei ddiffig. 7 Yr Arglwydd yn ei gyssuro ef. 11 yn dangos hefyd iddo ef ddinistr Ierusalem. 17 Ac yn gorchymyn iddo eu rhybuddio hwynt o hyn yn ddiofn. Geiriau Ieremi fab Helciah [vn] o’r offeiriaid y rhai [oeddynt] yn Anathoth o fewn tir Beniamin,

²Yr hwn y daeth gair yr Arglwydd atto, yn nyddiau Iosiah fab Amon brenin Iuda: yn y drydedd flwyddyn ar ddêc oi deyrnasiad ef.

³Ac yn nyddiau Iehoacim fab Iosiah brenin Iuda yr oedd efe: nes darfod vn mlynedd ar ddêc i Zedeciah fab Iosiah brenin Iuda: hyd ddygiad Ierusalem i gaethiwed yn y pummed mîs.

⁴Yna y daeth gair yr Arglwydd attaf, gan ddywedyd:

⁵Cyn i mi dy lunio di mewn croth mi a’th adnabum, a chyn dy ddyfod o’r grôth y sancteiddiais di: [ac] mi a’th roddais yn brophwyd i’r cenhedloedd.

⁶Yna y dywedais, ô Arglwydd Dduw, wele, ni fedraf ymadroddi: canys bachgen ydwyfi.

⁷A’r Arglwydd a ddywedodd wrthif, na ddywet, bachgen ydwyfi: canys ti a ei at y rhai oll i’th anfonwyf di, a’r hyn oll a orchymynnwyf it, ti a ddywedi.

⁸Nac ofna rhag eu hwynebau hwynt, canys yr ydwyfi gyd â thi i’th waredu di medd yr Arglwydd.

⁹Yna’r estynnodd yr Arglwydd ei law, ac a gyffyrddodd a’m genau, a’r Arglwydd a ddywedodd wrthif, wele rhoddais fyng-eiriau yn dy enau di.

¹⁰Gwel, heddyw i’th osodais ar y cenhedloedd, ac ar y teyrnasoedd, i ddiwreiddio, ac i ddinistrio, i ddifetha, ac i ddestruwio, i adailadu, ac i blannu.

¹¹Yna y daeth gair yr Arglwydd attaf gan ddywedyd: ô Ieremi beth a weli di? a minne a ddywedais, gwialen almon a welaf fi.

¹²A dywedodd yr Arglwydd wrthif: da y gwelaist, canys mi a fryssiaf i gyflawni fyng-air.

¹³A gair yr Arglwydd a ddaeth attaf yr ail waith gan ddywedyd: beth a weli di? mi a ddywedais, mi a welaf grochan berwedic ai wyneb yn edrych oddi wrth y gogledd.

¹⁴Yna y dywedodd yr Arglwydd wrthif: o’r gogledd yr ymlêda dialedd ar holl drigolion y ddaiar.

¹⁵Canys wele, myfi a alwaf holl deuluoedd teyrnasoedd y gogledd medd yr Arglwydd, fel y delont, ac y gosodant bob vn ei eisteddfa wrth ddrws porth Ierusalem, ac wrth ei muroedd oll o amgylch, ac wrth holl ddinasoedd Iuda.

¹⁶A mi a draethaf wrthynt fy marn i, a’m holl anwiredd y rhai a’m gadawsant, ac a arogldarthasant i dduwiau eraill, ac a addolâsant weithredoedd eu dwylo eu hunain.

¹⁷Gwregyssa dithe dy lwynau, a chyfot, a dywet wrthynt yr hyn oll yr ydwyf yn ei orchymyn it, nac ofna rhagddynt: rhag i mi dy ddestruwio di ger eu bron hwynt.

¹⁸Canys wele heddyw yr ydwyf yn dy roddi di yn ddinas gaeroc, ac yn golofn haiarn, ac yn fûr prês yn erbyn yr holl dîr, yn erbyn brenhinoedd Iuda, yn erbyn ei thywysogion, yn erbyn ei hoffeiriaid, ac yn erbyn pobl y tir.

¹⁹Ymladdant hefyd yn dy erbyn, ond ni’th orchfygant, canys myfi [ydwyf] gyd â thi i’th ymwared medd yr Arglwydd.