Read William Morgan Bible 1588 original edition Ieremi 10 Bible Online

Ieremi 10 - William Morgan Bible 1588 original edition bible

Ieremi 10

¹Gwendid gau-dduwiau y cenhedloedd, a chadernid y gwir Dduw. 21 Eglwys-wyr angall. Gwrandewch y gair yr hwn a ddywedodd yr Arglwydd wrthych chwi tŷ Israel,

²Fel hyn y dywedodd yr Arglwydd, na ddyscwch ffordd y cenhedloedd, ac nac ofnwch arwyddion y nefoedd, er ofni o’r cenhedloedd hwynt.

³Canys deddfau’r bobloedd ynt oferedd: o herwydd cymmynwyd pren o’r coed, (gwaith llaw’r saer) â bwyall.

⁴Ag arian, ac ag aur yr harddwyd hwynt, â hoelion, ac â morthoelion y siccrhauwyd hwynt rhag cwympo.

⁵Megis palm-wydden syth [fyddant] hwy, ac ni lefarant: gan ddwyn y dygir hwy am na allant gerdded: nac ofnwch hwynt canys ni allant wneuthur drwg, a gwneuthur da nid [oes] ynddynt.

⁶Nid [oes neb] fel ti Arglwydd, mawr wyt, a mawr [yw] dy enw mewn cadernid.

⁷Pwy ni’th ofna di Brenin y cenhedloedd? canys i ti y gwedde [cadrenid:] o herwydd ym mysc holl ddoethion y cenhedloedd ac ym mysc eu holl deyrnasoedd hwy nid [oes neb] fel ti.

⁸Eithr cyd-ynfydasant, ac amhwyllasant athrawiaeth oferedd yw cyff.

⁹Arian gyrredic a ddygir o Tharsis, ac aur o Uphas [drwy] waith celfydd, a dwylaw’r toddudd: sidan glas a phorphor [yw] eu gwisc hwy, gwaith y celfyddion [ynt] oll.

¹⁰Eithr yr Arglwydd sydd wîr Dduw, efe yw’r Duw byw a’r Brenin tragywyddol, rhag ei lîd ef y cryna’r ddaiar, a’r cenhedloedd ni allant ddioddef ei sorriant ef.

¹¹Fel hyn y dywedwch wrthynt, difether o’r ddaiar, ac oddi tann y nefoedd y duwiau y rhai ni wnaethant nefoedd a daiar.

¹²[Duw] a wnaeth y ddaiar trwy ei nerth, ac a siccrhaodd y byd trwy ei ddoethineb, ac a estynnodd y nefoedd trwy ei synnwyr.

¹³Pan roddo efe ei lais [y bydd] twrwf dyfroedd yn y nefoedd, efe a wna i’r cwmylau dderchafu o eithafoedd y ddaiar: efe a wna fellt gyd a’r glaw, ac a ddŵg allan y gwynt oi dryssorau.

¹⁴Ynfyd yw pôb dyn yn ei ŵybodaeth, gwradwyddwyd pôb toddudd am y ddelw: canys gwagedd [yw] ei doddiad, ac nid oes anadl ynddynt.

¹⁵Oferedd ynt [a] gwaith cyfeiliorni: yn amser eu gofwy y difethir hwynt.

¹⁶Nid fel y rhai hyn, eithr lluni-wr y cwbl oll yw rhan Iacob: ac Israel yw gwialen ei etifeddiaeth ef: Arglwydd y lluoedd [yw] ei enw.

¹⁷Cascl o’r tîr dy farchnadaeth yr hon wyt yn trigo mewn cadernid.

¹⁸Canys fel hyn y dywed yr Arglwydd, wele fi yn taflu trigolion y tîr ar y waith hon, a chyfyngaf arnynt, fel y caffant [achos i ddywedid:]

¹⁹Gwae fi am fy mriw, dolurus [yw] fy mhlâ, mi a ddywedais yn ddiau, dymma ofid, a mi ai dygaf.

²⁰Fy mhabell i a anrheithiwyd, a’m rhaffau oll a ddrylliwyd, fy mhlant a aethant oddi wrthif, ac nid ydynt: nid [oes] mwy a lêdo fy mhabell, nac a gyfyd fy llennau.

²¹Canys y bugeiliaid a ynfydâsant, a’r Arglwydd ni cheisiâsant, am hynny ni ddeallhâsant, a [defaid] eu porfa hwy oll a wascarwyd.

²²Wele lêf vchel a ddaeth, a chynnwrf mawr o dir y gogledd, i osod dinasoedd Iuda yn ddiffaethwch [ac] yn drigfan dreigiau.

²³Gwn Arglwydd nad eiddo dyn ei ffordd, ac nad eiddo gŵr a rodio lywodraeth ei gerddediad.

²⁴Cospa fi Arglwydd, etto mewn barn, ac nid yn dy lid, rhag it fy nifetha.

²⁵Tywallt dy lid ar y cenhedloedd y rhai ni’th adnabuant, ac ar y teuluoedd ni alwasant ar dy enw di, canys bwyttasant Iacob, îe bwyttasant ef, difasant ef hefyd, ac anrheithiasant ei gyfannedd.