Read William Morgan Bible 1588 original edition Ieremi 15 Bible Online

Ieremi 15 - William Morgan Bible 1588 original edition bible

Ieremi 15

¹Ofered eiriol tros yr anedifeiriol. 3 Duw yn bygwth pedwar dialedd, ac yn dangos yr achos. 10 Ieremi yn galaru tros yr eglwys. 11 Duw yn ei gyssuro ef, ac yn ei gadarnhau yn ei swydd. A dywedodd yr Arglwydd wrthif: pe safe Moses a Samuel ger fy mron, etto ni bydd fy serch ar y bobl ymma: gollwng [hwy] fel yr elont o’m golwg.

²Ac os dywedant wrthit, i ba le yr awn? tithe a ddywedi wrthynt, fel hyn y dywedodd yr Arglwydd, * y sawl [a drefnwyd] i angeu, i angeu; a’r sawl i’r cleddyf, i’r cleddyf; a’r sawl i newyn, i newyn: a’r sawl i gaethiwed, i gaethiwed.

³Mi a osodaf arnynt bedwar rhywogaeth [blâ] medd yr Arglwydd, y cleddyf i ladd; a’r cŵn i larpio; ac adar y nefoedd, ac anifeiliaid y ddaiar i yssu, ac i ddifa.

⁴Ac ai rhoddaf hwynt yn gyrwydraid i holl deyrnasoedd y ddaiar, herwydd Manasses mab Hezecia brenin Iuda, am yr hyn a wnaeth efe yn Ierusalem.

⁵Pwy gan hynny a drugarhâ wrthit ti ô Ierusalem? a phwy a dosturia wrthit ti? a phwy a aiff i eiriol am heddch it?

⁶Ti a’m gadewaist medd yr Arglwydd, ac a aethost yn ôl: am hynny yr estynnaf fy llaw arnat ti i’th ddifetha, [canys] myfi a flinais yn edifarhau.

⁷Ac mi ai chwalaf hwynt a gwintill ym mhyrth y wlad: yspeiliais, a difethais fy mhobl, etto ni throesant oddi wrth eu ffyrdd.

⁸Eu gweddwon a amlhausant trwost, tu hwnt i dyfod y môr: dugum arnynt anrheith-wr ganol dydd, ac yn erbyn cynnulleidfa eu gwŷr ieuaingc: perais syrthio yn ddisymmwth arni hi, [sef] ar y ddinas, a [hynny] mewn dychryn.

⁹Yr hon a blantodd saith a lescaodd: ei henaid hi a llysmeiriodd, ei haul a fachludodd, tra oedd hi yn ddydd, hi a gywilyddiwyd, ac a wradwyddwyd: rhoddaf eu gweddillion i’r cleddyf ger bron eu gelynnion medd yr Arglwydd.

¹⁰Gwae fi fy mam, ymddwyn o honot fi, yn ŵr ymrysongar, ac yn ŵr cynhennus a’r holl wlad: ni logais, ac ni logwyd i mi, [etto] pawb sy sy yn fy melldigo i.

¹¹Yr Arglwydd a ddywedodd, oni [bydd] dy weddill di mewn daioni? yn oni achubaf flaen y gelyn trosot ti yn amser adfyd, ac yn amser cystudd?

¹²A dyrr haiarn yr haiarn, a’r pres o’r gogledd?

¹³Dy gyfoeth a’th dryssorau a roddaf yn yspail nid am werth, ond o blegit dy holl bechodau, y rhai [a wnaethost] drwy dy holl derfynau.

¹⁴Gyrraf [di] hefyd gyd a’th elynnion i dîr nid adwaenost: canys tân a ynynnodd yn fy nigofaint, [ac] arnoch y llysc.

¹⁵Ti a wyddost Arglwydd, coffa am danaf, ac ymwel â mi, a dial trosof ar fy erlidwŷr, na ddwg fi i’th hîr ddigofaint, gwybydd ddwyn o honof wradwydd er dy fwyn di.

¹⁶Dy eiriau a gaed, a mi ai bwyteais hwynt, ac yr oedd dy air di i mi yn llawenydd, ac yn hyfrydwch fyng-halon: canys dy enw di a alwyd arnafi ô Arglwydd Dduw y lluoedd.

¹⁷Nid eisteddais yng-hymanfa y gwatwarwŷr, ac [nid] ymhyfrydais: eisteddais fy hunan rhac dy law di, canys ti a’m llenwaist i o lîd.

¹⁸Pa ham y mae fy nolur i yn dragywyddol? a’m plâ yn ddiobaith, fel nad ellir ei iachau? a fyddi di i mi megis celwyddoc, [neu] fel dwfr anwadal?

¹⁹Am hynny fel hyn y dywedodd yr Arglwydd, os dychweli, yna i’th ddygaf eilwaith fel y sefech ger fy mron, os tynni ymmaith y gwerthfawr oddi wrth y gwael, byddi fel fyng-enau mau fi: dychwelant hwy attat ti, ond na ddychwel di attynt hwy.

²⁰Rhoddaf di hefyd i’r bobl ymma yn fagwyr efydd gadarn, a hwy a ryfelant yn dy erbyn di, eithr ni’th orchfygant, canys yr ydwyfi gyd â thi i’th achub, ac i’th wared medd yr Arglwydd.

²¹Mi a’th waredaf di o law y rhai drygionus: ac a’th ryddhaf di o law y cedyrn.