Read William Morgan Bible 1588 original edition Ieremi 20 Bible Online

Ieremi 20 - William Morgan Bible 1588 original edition bible

Ieremi 20

¹Ieremi wedi ei daro ai garcharu. 3 Y mae efe yn prophwydo caethiwed Babilon. 7 Y mae efe yn achwyn ei fod yn watworgerdd am ei brophwydoliaeth, yr hon ni ddichon efe beidio â hi er ceisio. 11 Yr Arglwydd yn ei amddeffyn pan oedd galedaf arno ef. Pan glybu Phashur mab Immer yr offeiriad, yr hwn oedd yn benn golygwr yn nhŷ yr Arglwydd i Ieremi brophwydo y geiriau hyn,

²Yna Phashur a darawodd Ieremi y prophwyd, ac ai rhoddodd ef yn y carchar yr hwn [oedd] yn y porth vchaf i Beniamin yr hwn [oedd] wrth dŷ yr Arglwydd.

³A thrannoeth Phashur a ddug Ieremi allan o’r carchar, yna Ieremi a ddywedodd wrtho ef: ni eilw yr Arglwydd dy enw di Phashur, ond Magor Missabib.

⁴Canys fel hyn y dywed yr Arglwydd, wele fi yn rhoddi arnat ti ofn, [îe] arnat ti, ac i’r rhai oll a’th garant: a hwynt a syrthiant ar gleddyf eu gelynnion, a’th lygaid di yn gweled: rhoddaf hefyd holl Iuda yn llaw brenin Babilon, ac efe ai caethgluda hwynt i Babilon, ac ai lladd hwynt a’r cleddyf.

⁵Rhoddaf hefyd holl olud y ddinas hon, ai holl lafur, a phob dim a’r y sydd werthfawr genddi: a holl dryssorau brenhinoedd Iuda a roddafi i law eu gelynnion, y rhai ai difrodant hwynt, ac ai cymmerant, ac ai dygant i Babilon.

⁶A thithe Phashur, a phawb a’r sydd yn trigo yn dy dŷ a ewch mewn caethiwed, a thi a ddeui i Babilon: yno y byddi farw, ac yno i’th gleddir, ti a phob annwylyd i ti, y rhai y prophwydaist iddynt yn gelwyddoc.

⁷O Arglwydd ti a’m hudaist, ac mi a hudwyd, cryfach oeddit na mi, am hynny y gorchfygaist: yr ydwyf yn watwargerdd ar hŷd y dydd, pob vn sydd yn fyng-watwar.

⁸Canys er pan leferais, mi a waeddais [yn erbyn] trais, ac [yn erbyn] anrhaith y llefais: am hynny y bu gair yr Arglwydd yn wradwydd, ac yn watwargerdd i mi beunydd.

⁹Yna y dywedais, ni sonniaf am dano ef, ac ni phregethaf yn ei enw ef mwyach: onid [ei air ef] oedd yn llosci fel tân yn fyng-halon, wedi ei gaeu o fewn fy escyrn, ac mi a flinais yn ceisio ymatal, ac ni allwn.

¹⁰Canys clywais enllibiaeth llawer [a] dychryn o amgylch [gan ddywedyd,] mynegwch [ei fai ef] i ni, a ninnau ai mynegwn [i’r swyddogion: pob dŷn heddychol â mi [oeddynt] yn disgwil cael bai arnaf [gan feddwl] ond odid efe a dwyllir, ac ni ai gorchfygwn ef, ac a ymddialwn arno.

¹¹Onid yr Arglwydd oedd gyd â mi fel cawr ofnadwy, am hynny y syrthiodd fy erlydwŷr, ac ni orchfygasant, gwradwyddir hwynt yn ddirfawr, canys angall y gwnaethant, nid anghofir [eu] gwarth byth.

¹²A thi Arglwydd y lluoedd yr hwn wyt yn profi y cyfiawn, gan weled yr arennau a’r galon, pâr di i mi weled dy ddialedd arnynt: canys wrthit y treuthais fyng-hŵyn.

¹³Cenwch i’r Arglwydd, moliennwch yr Arglwydd: canys efe a achubodd enaid y tlawd o law y drygionus, [pan oedd barod i ddywedyd,]

¹⁴Melldigedic [fyddo] y dydd i’m ganwyd arno: na fendiger y dydd i’m hescorodd fy mam.

¹⁵Melldigedic fyddo y gŵr yr hwn a fynegodd i’m tâd, gan ddywedyd: ganwyd i ti blentyn gwryw iw lawenychu ef.

¹⁶A bydded y gŵr hwnnw fel y dinasoedd y rhai a ymchwelodd yr Arglwydd, ac ni bu edifar ganddo: a chaffed efe glywed gwaedd y boreu, a bloedd bryd hanner dydd,

¹⁷Am na laddodd fi [wrth ddyfod] o’r grôth, neu na buase fy mam yn fedd i mi, ai chroth yn feichiog byth.

¹⁸Pa ham y deuthum i allan o’r groth i weled poen a blinder? ac y darfydde fy nyddiau mewn gwarth?