Read William Morgan Bible 1588 original edition Ieremi 21 Bible Online

Ieremi 21 - William Morgan Bible 1588 original edition bible

Ieremi 21

¹Caethiwed Sedecia, a llosciad y ddinas. Y gair yr hwn a ddaeth at Ieremi oddi wrth yr Arglwydd, pan anfonodd y brenin Sedecia atto ef Phashur fab Malciah, a Sephania fab Maasiah yr offeiriad gan ddywedyd:

²Ymofyn attolwg a’r Arglwydd drosom ni (canys Nabuchodonosor brenin Babilon sydd yn rhyfela i’n herbyn ni) ond odid gwna yr Arglwydd â ni yn ôl ei holl ryfeddodau, ac efe a wnaiff [i hwn] fyned i fynu oddi wrthym ni.

³Yna y dywedodd Ieremi wrthynt: fel hyn y dywedwch wrth Sedecia.

⁴Fel hyn y dywed Arglwydd Dduw Israel, wele fi yn troi yr arfau rhyfel y rhai sy yn eich dwylo, y rhai yr ydych chwi yn rhyfela â hwynt yn erbyn brenin Babilon, a’r Caldeaid y rhai ydynt yn gwarche arnoch or tu allan i’r gaer: ac mi ai casclaf hwynt i ganol y ddinas hon.

⁵Ac mi a ryfelaf i’ch erbyn â llaw estynnedic, ac a braich gref mewn sorriant, a llid, a digofaint mawr.

⁶Tarawaf hefyd drigiolion y ddinas hon yn ddŷn, ac yn anifail: fel y byddant feirw o farwolaeth fawr.

⁷Ac wedi hynny medd yr Arglwydd y rhoddaf Sedecia frenin Iuda, ai weision, a’r weryn, a’r rhai a weddiller yn y ddinas hon gan haint gan y cleddyf, a chan y newyn, i law Nabuchodonosor brenin Babilon, ac i law eu gelynnion, ac i law y sawl sydd yn ceisio eu henioes: ac efe ai teru hwynt â min y cleddyf: ni thosturia wrthynt, ac nid erbyd, ac ni chymmer drugaredd

⁸Ac wrth y bobl hyn y dywedi, fel hyn y dywedodd yr Arglwydd: wele fi yn rhoddi ger eich bron ffordd enioes, a ffordd angeu.

⁹Yr hwn a drigo yn y ddinas hon a leddir gan y cleddyf, a chan newyn, a chan haint a’r neb a elo allan, ac a gilio at y Caldeaid y rhai ydynt yn gwarche arnoch a fydd byw, ai enioes fydd yn sclyfaeth iddo.

¹⁰Canys mi a osodais fy wyneb yn erbyn y ddinas hon er drwg, ac nid er lles [iddi:] yn llaw brenin Babilon y rhoddir hi, ac efe ai llysc hi â thân.

¹¹A [dywet] wrth dŷ brenin Iuda, gwrandewch air yr Arglwydd.

¹²O tŷ Dafydd fel hyn y dywed yr Arglwydd: bernwch iniondeb yn foreu, ac achubwch y truan o law y traws: rhac i’m llid dorri allan fel tân a llosci fel nad ellir neb ei ddiffodd o herwydd drygioni eich gweithredoedd.

¹³Wele fi [yn dyfod] i’th erbyn yr hon wyt yn presswylio y dyffryn, y graig, [a’r] maes medd yr Arglwydd: ac yn dywedyd, pwy a yrr ofn arnom? neu pwy a ddaw i’n hanneddau?

¹⁴Ond mi a ymwelaf â chwi yn ôl ffrwyth eich gweithredoedd medd yr Arglwydd: ac mi a gynneuaf dân yn eich coed-wig, yr hwn a yssa bob dim oi amgylch.