Read William Morgan Bible 1588 original edition Ieremi 23 Bible Online

Ieremi 23 - William Morgan Bible 1588 original edition bible

Ieremi 23

¹Bygwth yn erbyn y bugeiliaid y rhai ydynt yn ysceuluso y praidd: 5 Dyfodiad y bugail Crist. 9 Beiau y gau brophwydi. Gwae y bugeiliaid y rhai ydynt yn difetha, ac yn gwascaru defaid fy mhorfa, medd yr Arglwydd.

²Am hynny fel hyn y dywed Arglwydd Dduw Israel, am y bugeiliaid y rhai ydynt yn bugeilio fy mhobl: chwi a wascarasoch fy nefaid, ac ai hymlidiasoch, ac nid ymwelsoch â hwynt: wele fi yn ymweled â chwi, am ddrygioni eich gweithredoedd medd yr Arglwydd.

³Ac mi a gasclaf weddill fy nefaid o’r holl diroedd lle y gyrrais hwynt, ac mi ai dychwelaf hwynt drachefn iw corlannau: yna yr amlhânt, ac y chwanegant.

⁴Gosodaf hefyd arnynt fugeiliaid y rhai ai bugeilia hwynt, fel nad ofnant, ac na ddychrynnant, ac na byddant yn eisieu, medd yr Arglwydd.

⁵Wele y dyddiau yn dyfod medd yr Arglwydd fel y cyfodwyf i Ddafydd flagurun cyfiawn yr hwn a deyrnasa yn Frenin, ac a lwydda, ac a wna farn, a chyfiawnder yn y tîr.

⁶Yn ei ddyddiau ef yr achubir Iuda, ac Israel a bresswylia yn ddiogel: a hyn fydd ei enw [ar] yr hwn y gelwir ef, Yr Arglwydd ein cyfiawnder.

⁷Am hynny wele y dyddiau yn dyfod medd yr Arglwydd pryd na ddywedant mwyach, byw yw’r Arglwydd yr hwn a ddug feibion Israel i fynu o wlad yr Aipht:

⁸Eithr byw yw’r Arglwydd yr hwn a ddug i fynu, ac a dywysodd hâd tŷ Israel o dir y gogledd, ac o bob gwlad lle y bwriaswn i hwynt: a hwy a gânt aros yn eu gwlad eu hun.

⁹O herwydd y gau-brophwydi y drylliodd fyng-halon ynof, a’m holl escyrn a grynasant: yr ydwyf fel vn meddw, ac fel vn wedi i win ei orchfygu: rhac ofn yr Arglwydd, ac rhac ofn ei eiriau sanctaidd ef.

¹⁰Canys llawn yw yr ddaiar o odinebwŷr, o herwydd llwon y gofidiodd y ddaiar, ac y gwywodd ttrigleoedd yr anialwch, ie eu helynt sydd ddrwg, ai cadernid nid [yw] iniawn.

¹¹Canys y prophwyd a’r offeiriad hefyd a ragrithiasant, yn fy nhŷ fy hun hefyd y cefais eu drygioni hwynt, medd yr Arglwydd.

¹²Am hynny y bydd eu ffordd yn llithric iddynt, mewn tywyllwch y bwrir hwynt ymmaith, a syrthiant ynddi: canys myfi a ddygaf arnynt ddrygfyd [sef] blwyddyn eu gofwy medd yr Arglwydd,

¹³Ar brophwydi Samaria y gwelais hefyd ddiflaster: prophwydasant yn enw Baal, a hudasant fy mhobl Israel.

¹⁴Ac ar brophwydi Ierusalem y gwelais frynti mawr, sef torri priodas, a rhodio mewn celwydd, cynnorthwyasant hefyd ddwylo y drygionus fel na ddychwele neb oddi wrth ei ddrygioni: pob vn ohonynt sydd i mi fel Sodoma ai thrigolion, [ac] fel Gomorra.

¹⁵Am hynny fel hyn y dywed Arglwydd y lluoedd am y prophwydi hyn: wele mi ai bwydaf hwynt a’r wermod, ac ai diodaf hwynt â dwfr bustl: canys oddi wrth brophwydi Ierusalem yr aeth lledrith allan i’r holl dîr.

¹⁶Fel hyn y dywed Arglwydd y lluoedd, na wrandewch ar eiriau y prophwydi sy yn prophwydo i chwi, dyscu y maent i chwi: gweledigaethau eu calon eu hunain a lefarant, [ac] nid o enau yr Arglwydd.

¹⁷Gan ddywedyd y dywedant wrth fy nirmygwŷr, yr Arglwydd a ddywedodd y bydde i chwi heddwch, ac [wrth] bob vn sydd yn rhodio wrth amcan ei galon ei hun y dywedasant, ni ddaw arnoch niwed.

¹⁸Canys pwy a safodd yng-hyfrinach yr Arglwydd? ac a welodd, ac a glywodd ei air ef? pwy hefyd a styriodd, ac a wrandawodd ei air ef.

¹⁹Wele rhyferthwy yr Arglwydd [sef] llidiawgrwydd, sef corwynt angerddol a syrth ar benn y drygionus.

²⁰Digofaint yr Arglwydd ni ddychwel nes iddo wneuthur, a siccrhau meddwl ei galon: yn y dyddiau diwethaf y deallhwch hynny yn eglur.

²¹Ni hebryngais i y prophwydi [hyn,] etto hwynt a redasant: ni leferais wrthynt, er hynny hwynt a brophwydasant.

²²Pe safasent yn fyng-hyfrinach, yna hwy a ddangosasent fyng-eiriau i’m pobl: yna y gwnaethent hefyd iddynt ddychwelyd oi ffordd ddrwg, ac oddi wrth eu ddychymygion drygionus.

²³Ai Duw o agos ydwyfi medd yr Arglwydd, ac nid Duw o bell?

²⁴A lecha vn yn ei loches fel na’s gwelwyfi ef medd yr Arglwydd? onid ydwyfi yn llenwi y nefoedd a’r ddaiar medd yr Arglwydd?

²⁵Mi a glywais beth a ddywedodd y prophwydi y rhai ydynt yn prophwydo celwydd yn fy enw, gan ddywedyd: breuddwydiais, breuddwydiais.

²⁶Pa hyd y bydd [hyn] yng-halon y prophwydi [sef] prophwydo celwydd, a prophwydo dichell eu calon eu hunain?

²⁷Y rhai ydynt yn meddylio peri i’m pobl anghofio fy enw trwy eu breuddwydion, y rhai a fynegant bob vn iw gymydog: megis yr anghofiodd eu tadau fy enw drwy Baal.

²⁸Y prophwyd yr hwn y del breuddwyd iddo, dangosed ei freuddwyd, a’r hwn y dêl fyng-air atto llefared fyng-air [mewn] gwirionedd: beth [a wna] yr col gyd a’r gwenith? medd yr Arglwydd.

²⁹Ond yw fyng-air i megis tân medd yr Arglwydd, ac fel gordd yn dryllio y graig?

³⁰Am hynny wele mi a [ddeuaf] yn erbyn y prophwydi (medd yr Arglwydd) y rhai ydynt yn lledrata fyng-eiriau bob vn oddi ar ei gymydog.

³¹Wele fi yn erbyn y prophwydi (medd yr Arglwydd) y rhai a weniaithant, ac a ddywedant [yr Arglwydd] ai dywedodd.

³²Wele fi yn erbyn y rhai a brophwydant freuddwydion celwyddoc medd yr Arglwydd, ac ai mynegant, ac a hudant fy mhobl trwy eu celwydd, ai gwagedd, a mi heb eu gyrru hwynt, ac heb orchymyn iddynt: am hynny ni wnant ddim lles i’r bobl hyn medd yr Arglwydd.

³³A phan ofynno y bobl hynn, neu y prophwyd neu yr offeiriad i ti gan ddywedyd: beth [yw] baich yr Arglwydd? ti a ddywedi iddynt beth [yw] yr baich, [sef] mai eich gwrthod a wnaf medd yr Arglwydd.

³⁴A’r prophwyd a’r offeiriad, a’r bobl y rhai a ddywedo, baich yr Arglwydd: myfi a ymwelaf a’r gŵr hwnnw, ac ai dŷ.

³⁵Fel hyn y dywedwch bob vn wrth ei gilydd, a phob vn wrth ei frawd, beth a atebodd yr Arglwydd, neu beth a lefarodd yr Arglwydd?

³⁶Ond am faich yr Arglwydd na wnewch choffewch mwyach, canys baich i bawb fydd ei air ei hun: o herwydd chwychwi a ŵyrasoch eiriau y Duw byw, Arglwydd y lluoedd ein Duw ni.

³⁷Fel hyn y dywedi wrth y prophwyd: pa ateb a roddodd yr Arglwydd i ti? a pha beth a lefarodd yr Arglwydd?

³⁸Ac os dywedwch chwi, baich yr Arglwydd, yna fel hynn y dywed yr Arglwydd: am i chwi ddywedyd y gair hwn, baich yr Arglwydd a mi wedi anfon attoch gan ddywedyd, nac yng-enwch am faich yr Arglwydd,

³⁹Am hynny wele myfi a’ch codaf chwi yn faich, ac a’ch taflaf chwi, a’r ddinas yr hon a roddais i chwi, ac i’ch tadau o’m golwg.

⁴⁰Ac mi a roddaf arnoch warthrudd tragywyddol, a gwradwydd tragywydd, yr hwn nid anghofir.