Read William Morgan Bible 1588 original edition Ieremi 24 Bible Online

Ieremi 24 - William Morgan Bible 1588 original edition bible

Ieremi 24

¹Gweledigaeth y ddau gawelled ffigus, ai dirnad. Yr Arglwydd a ddangosodd i mi weledigaeth, ac wele ddau gawel o ffigus wedi eu gosod ar gyfer teml yr Arglwydd, wedi i Nabuchodonosor brenin Babilon gaethgludo Iechonias fab Iehoacim brenin Iuda, a thywysogion Iuda gyd a’r cywraint, a’r celfydd o Ierusalem ai dwyn i Babilon.

²Un cawell [oedd] o ffigus da iawn fel ffigus yr addfediad cyntaf: a’r cawell arall oedd o ffigus drwg iawn, y rhai ni ellid moi bwyta rhag eu dryced.

³Yna y dywedodd yr Arglwydd wrthif, beth a weli di Ieremi? ac mi a ddywedais ffigus: y ffigus da yn dda iawn, a’r rhai drwg yn ddrwg iawn, fel na ellir eu bwyta rhac eu dryced.

⁴Yna y daeth gair yr Arglwydd attaf gan ddywedyd:

⁵Fel hyn y dywed yr Arglwydd Duw Israel, fel [yr adwaenost ti] y ffigus dâ hyn, felly yr adwen i gaeth-glud Iuda y rhai a anfonais o’r lle hwn i wlad y Caldeaid er daioni [iddynt.]

⁶Ac mi a osodaf fyng-olwg arnynt er daioni, ac ai dygaf trachefn i’r wlad hon, ac ai hadailadaf hwynt, ac ni ddifethaf hwynt, plannaf hefyd hwynt, ac ni’s diwreiddiaf hwynt.

⁷Rhoddaf hefyd iddynt galon i’m hadnabod, mai yr Arglwydd ydwyf: a hwynt a fyddant yn bobl i mi, a minnef a fyddaf yn Dduw iddynt: canys hwy a droant attafi ai holl galon.

⁸Ac fel yr adwaenost y ffigus drwg y rhai ni ellir eu bwyta rhac eu dryced (canys fel hyn y dywed yr Arglwydd) felly y rhoddaf Sedecia frenin Iuda, ai bennaethiaid, a gweddill Ierusalem, y rhai a weddillwyd yn y wlad hon, a’r rhai sydd yn aros yn nhir yr Aipht.

⁹Ie rhoddaf hwynt i drallod [a] drygfyd drwy holl deyrnasoedd y ddaiar, yn wradwydd ac yn ddihareb, yn watworgerdd, ac yn felldith ym mhob man lle y gyrrwyf hwynt.

¹⁰Ac mi a anfonaf arnynt y cleddyf, newyn a haint: nes eu darfod oddi ar y ddaiar yr hon a roddais iddynt, ac iw tadau.