Read William Morgan Bible 1588 original edition Ieremi 25 Bible Online

Ieremi 25 - William Morgan Bible 1588 original edition bible

Ieremi 25

¹Ieremi yn prophwydo y parhâu eu caethiwed hwynt ddeng-mhlynedd a thrugain. 12 Dinistr ar Babilon. 15 Ac ar genhedloedd eraill wedi hynny. Y gair yr hwn a ddaeth at Ieremi am holl bobl Iuda, yn y bedwaredd flwyddyn i Iehoacim fâb Iosiah frenin Iuda: hon [oedd] y flwyddyn gyntaf i Nabuchodonosor frenin Babilon,

²Yr hwn a lefarodd y prophwyd Ieremi wrth holl bobl Iuda, ac wrth holl bresswyl-wŷr Ierusalem, gan ddywedyd:

³Er y drydedd flwyddyn, ar ddêc i Iosia fab Amon frenin Iuda, hyd y dydd hwn, hon yw y drydedd flwyddyn ar hugain y mae gair yr Arglwydd gyd â mi: ac mi a ddywedais wrthych gan foreu godi, a lefaru, ond ni wrandawsoch.

⁴A’r Arglwydd a anfonodd attoch chwi, ei holl weision, y prophwydi, gan foreu-godi: (ond ni wrandawsoch, ac ni ogwyddasoch eich clustiau i glywed. )

⁵[A] chan ddywedyd, dychwelwch yr awr hon bôb vn oddi wrth ei ffordd ddrwg, ac oddi wrth ddrygioni eich gweithredoedd: a chwi a gewch drigo yn y tîr yr hwn a roddodd yr Arglwydd i chwi, ac i’ch tadau byth, ac yn dragywydd.

⁶Ac nac ewch ar ôl duwiau dieithr iw gwasanaethu, ac i ymgrymmu iddynt: ac na lidiwch fi â gweithredoedd eich dwylo, fel na wnelwyf niwed i chwi.

⁷Er hynny ni wrandawsoch arnaf medd yr Arglwydd, eithr digiasoch fi â gweithredoedd eich dwylo, er drwg i chwi eich hunain,

⁸Am hynny fel hyn y dywed Arglwydd y lluoedd, o herwydd na wrandawsoch ar fyng-eiriau,

⁹Wele mi a anfonaf am, ac a gymmeraf holl deuluoedd y gogledd medd yr Arglwydd, a Nabuchodonosor brenin Babilon fyng-wâs, ac mi ai dygaf hwynt yn erbyn y wlâd hon, ac yn erbyn ei phresswyl-wŷr, ac yn erbyn yr holl genhedloedd hyn oddi amgylch: difrodaf hwynt hefyd, a gosodaf hwynt yn chwithter, ac yn chwibaniad, ac yn anrhaith tragywyddol.

¹⁰Paraf hefyd i lais hyfrydwch, ac i lais llawenydd, i lais y priod-fab, ac i lais y briod-ferch, i sŵn y meini melinau, ac i lewyrch y canhwyllau ballu ganddynt.

¹¹A’r holl dîr hwn fydd yn ddiffaethwch, ac yn anghyfannedd, a’r cenhedloedd hyn a wasanaethant frenin Babilon ddeng-mhlynedd a thrugain.

¹²A phan gyflawner deng-mhlynedd a thrugain myfi a ymwelaf â brenin Babilon, ac a’r genhedlaeth honno medd yr Arglwydd am eu hanwiredd hwynt, îe ag â gwlad y Caldeaid: ac mi ai gosodaf hi yn anghyfannedd tragywyddol.

¹³Dygaf hefyd ar y wlâd honno yr holl eiriau y rhai a lefarais i yn ei herbyn, sef cwbl a’r y sydd scrifennedic yn y llyfr hwn: yr hyn a brophwydodd Ieremi yn erbyn yr holl genhedloedd.

¹⁴Canys cenhedloedd lawer, a brenhinoedd mawrion a wnant i’r rhai hynn eu gwasanaethu: fellt y talaf iddynt yn ôl eu gweithredoedd, ac yn ôl gwaith eu dwylo.

¹⁵Canys fel hyn y dywedod yr Arglwydd Duw Israel wrthifi: derbyn di y phiol hon o win [fy] nigofaint o’m llaw, a dot ti hi iw hyfed i’r holl genhedloedd, y rhai i’th yrrais di attynt.

¹⁶Fel yr yfant, ac a brawychant, ac y gwallgofant rhag y cleddyf yr hwn a anfonaf yn eu plîth.

¹⁷Yna mi a dderbynnais y phiol o law yr Arglwydd, ac ai rhoddais iw hyfed i’r holl genhedloedd, y rhai yr anfonase yr Arglwydd fi attynt:

¹⁸I Ierusalem, ac i ddinasoedd Iuda, iw brenhinoedd hi, ac iw thywysogion: iw rhoddi hwynt yn ddiffaethwch, yn anghyfannedd yn chwibianad, ac yn felldith fel [y gwelir] heddyw,

¹⁹I Pharao frenin yr Aipht, ac iw weision, iw dywysogion ef hefyd, ac iw holl bobl,

²⁰Ac i bôb math ar bobl, ac i holl frenhinoedd gwlâd Hus, a holl frenhinoedd gwlâd y Philistiaid, ac i Ascalon, ac Azah, Accaron, a gweddill Asdod,

²¹I’r Edomiaid, a’r Moabiaid, ac i feibion Ammon,

²²I holl frenhinoedd Tirus hefyd, ac i holl frenhinoedd Sidon, ac i frenhinoedd yr ynysoedd y rhai [ydynt] tros y môr,

²³I Dedan, a Thema, a Buz: ac i bawb o gyrrau eithaf y bŷd,

²⁴Ac i holl frenhinoedd Arabia [gyfoethog,] ac i holl frenhinoedd yr Arabiaid y rhai ydynt yn trigo yn yr anialwch,

²⁵Ac i holl frenhinoedd Zimri, ac i holl frenhinoedd Elam, ac i holl frenhinoedd y Mediaid.

²⁶Ac i holl frenhinoedd y gogledd, agos, a phell, pob vn at ei gilydd, ac i holl deyrnasoedd y bŷd y rhai ydynt ar wyneb y ddaiar: brenin Sesach a ŷf ar eu hôl hwynt,

²⁷Am hynny dywet wrthynt, fel hynn y dywedodd Arglwydd y lluoedd Duw Israel: yfwch a medwwch, a chwdwch, a syrthiwch, ac na chyfodwch gan y cleddyf yr hwn a anfonwyf i’ch plith.

²⁸Ac os gwrthodant dderbyn y phiol o’th law di i yfed, yna dywet, fel hynn y dywedodd Arglwydd y lluoedd, diau yr yfwch.

²⁹Canys wele mi a ddechreusis ddrygu y ddinas yr hon y gelwir fy enw arni, ac a ddiengwch chwi? na ddiengwch, canys yr ydwyfi yn galw am gleddyf ar holl drigolion y ddaiar medd Arglwydd y lluoedd,

³⁰Am hynny prophwyda wrthynt yr holl eiriau hynn, a dywet wrthynt: yr Arglwydd oddi vchod a rua, ac a rydd ei lef o drigle ei sancteiddrwydd, gan ruo y rhua efe yn ei lŷs, bloedd a ddyru efe yn erbyn holl bresswyl-wŷr y ddaiar fel rhai yn sathru [grawn-wîn.]

³¹Daw twrwf hyd eithafoedd y ddaiar, canys [y mae] cŵyn rhwng yr Arglwydd a’r cenhedloedd, efe a ymddadle â phob cnawd, y drygionus a ddyru efe i’r cleddyf medd yr Arglwydd.

³²Fel hyn y dywed Arglwydd y lluoedd, wele ddrwg yn myned allan o genhedlaeth i genhedlaeth: a rhyferthwy mawr yn cyfodi o stlysoedd y ddaiar.

³³A lladdedigion yr Arglwydd a fyddant y dwthwn hwnnw o’r naill gwrr i’r ddaiar hyd y cwrr arall i’r ddaiar, ni alerir drostynt, ac ni’s cesclir, ac ni’s cleddir hwynt, fel tommen y byddant ar wyneb y ddaiar.

³⁴Udwch fugeiliaid, a gwaeddwch, ac ymdreiglwch mewn lludw, chwi flaenoriaid y praidd, canys cyflawnwyd dydd eich lladdfa, a’ch gwascarfa, a chwi a syrthiwch fel llestr annwyl.

³⁵Methodd gan y bugeiliaid gael lle i ffoi: a chan flaenoriaid y praidd ddiangc.

³⁶[Clywir] llef gwaedd y bugeiliaid, ac vdfa blaenoriaid y praidd: am i’r Arglwydd anrheithio eu porfa hwynt.

³⁷A’r anneddau heddychlon a ddryllir gan lîd [a] digofaint yr Arglwydd.

³⁸Efe a wrthododd ei babell fel cenew llew: am fod eu tîr yn anghyfannedd, gan lîd y gorthrymmwr, a chan lîd ei ddigofaint ef.