Read William Morgan Bible 1588 original edition Ieremi 37 Bible Online

Ieremi 37 - William Morgan Bible 1588 original edition bible

Ieremi 37

¹1 Sedecia yn ymbil ag Ieremi am weddio trosto ef. 13 Dala Ieremi, ei guro ef ai garcharu. 17 A Sedecia yn ei ryddhau ef. A’r brenin Sedecia mab Iosia (yr hwn a wnaeth Nabuchodonosor brenin Babilon yn frenin yng-wlad Iuda) a deyrnasodd yn lle Conaniah mab Iehoacim.

²Ond ni wrandawodd efe nai weision, na phobl y tir ar eiriau yr Arglwydd y rhai a draethodd efe trwy Ieremi y prophwyd.

³Er hynny y brenin Sedecia a anfonodd Iehucal fab Selemiah, a Sephaniah fab Maasiah yr offeiriad at Ieremi y prophwyd i ddywedyd: gweddia atolwg drosom ni ar yr Arglwydd ein Duw.

⁴Ac Ieremi oedd yn myned mewn rhyddid ym mysc y bobl: canys ni roddasent hwy ef [etto] yn y carchar-dŷ.

⁵Llu Pharao hefyd a ddaethe allan o’r Aipht, a’r Caldeaid y rhai oeddyn yn gwarche ar Ierusalem a glywsant oddi wrthynt, ac aethant i fynu oddi wrth Ierusalem.

⁶Yna gair yr Arglwydd a ddaeth at Ieremi y prophwyd gan ddywedyd,

⁷Fel hynn y dywed yr Arglwydd Dduw Israel, fel hynn y dywedwch chwi wrth frenin Iuda yr hwn a’ch anfonodd chwi attafi i ymofyn â mi: wele llu Pharao yr hwn a ddaeth allan yn gynhorthwy i chwi, a ddychwel iw wlad ei hun i’r Aipht.

⁸Ond y Caldeaid a ddychwelant, ac a ryfelant yn erbyn y ddinas hon, ac a’i hennillant, ac ai lloscant â thân.

⁹Fel hynn y dywed yr Arglwydd, na thwyllwch eich hunain, gan ddywedyd: diau yr aiff y Caldeaid oddi wrthym ni, o blegit nid ânt hwy.

¹⁰Canys pe tarawech chwi holl lu y Caldeaid, y rhai ydynt yn rhyfela i’ch erbyn, fel [na] weddillid o honynt [onid] gwŷr archolledic, [etto] hwynt a safant bôb vn yn ei babell, ac a loscant y ddinas hon â thân.

¹¹A phan aeth llu y Caldeaid ymmaith oddi wrth Ierusalem, rhac llu Pharao,

¹²Yna Ieremi a aeth allan o Ierusalem i fyned i wlâd Beniamin, i ymado oddi yno o fysc y bobl.

¹³Pan ddaeth efe i borth Beniamin, yr [oedd] yno benn swyddog ai enw ef [oedd] Ieriah mab Selemiah fab Hananiah, ac efe a ddaliodd Ieremi y prophwyd gan ddywedyd: cilio at y Caldeaid yr ydwyt ti.

¹⁴Yna y dywedodd Ieremi, nid gwîr [hynny,] nid ydwyfi yn cilio at y Caldeaid, ond ni wrandawe efe arno: felly Ieriah a ymaflodd yn Ieremi, ac ai dygodd ef at y tywysogion.

¹⁵Am hynny y tywysogion a ddigiasant wrth Ieremi, ac a barasant ei faeddu ef, ac ai rhoddasant ef yn y carchar-dŷ yn nhŷ Ionathan yr scrifennydd: o herwydd hwnnw a wnaethent hwy yn garchar-dŷ.

¹⁶Pan ddaeth Ieremi i’r daiar-dŷ a’r carchar, ac [wedi] i Ieremi aros yno ddyddiau lawer,

¹⁷Yna y brenin Sedecia a anfonodd, ac ai cymmerodd ef allan, a’r brenin a ofynnodd iddo yn gyfrinachol yn ei dŷ ei hun, ac a ddywedodd: a oes gair oddi wrth yr Arglwydd? yntef a ddywedodd, oes, canys tydi (eb efe) a roddir yn llaw brenin Babilon.

¹⁸Ieremi hefyd a ddywedodd wrth y brenin Sedecia, pa bechod a wneuthum i i’th erbyn di? neu yn erbyn dy weision, neu yn erbyn y bobl hyn pan i’m rhoddasoch fi yn y carchar-dŷ?

¹⁹Pa le [y mae] eich prophwydi y rhai a brophwydâsant i chwi gan ddywedyd: ni ddaw brenin Babilon i’ch erbyn, nac yn erbyn y wlâd hon.

²⁰Ac yn awr gwrando di atolwg ô arglwydd frenin, ac attolwg deued fyng-weddi ger dy fron di: ac na ddychwel fi i dŷ Ionathan yr scrifennydd rhac fy marw yno.

²¹Yna y brenin Sedecia a orchymynnodd iddynt hwy osod Ieremi yng-hyntedd y carchar-dŷ, a rhoddi iddo ef deisen o fara beunydd o heol y pobyddion, nes darfod yr holl fara o’r ddinas: felly Ieremi a arhosodd yng-hyntedd y carchar-dŷ.