Read William Morgan Bible 1588 original edition Ieremi 41 Bible Online

Ieremi 41 - William Morgan Bible 1588 original edition bible

Ieremi 41

¹Ismael yn llâdd Gedaliah, ac eraill o dwyll trwy ymddyried. 11 Iohanan yn ymlid Ismael. Ac yn y seithfed mîs, daeth Ismael mab Nathaniah fab Elisama [(yr hwn oedd] o frenhinawl hâd) a ddaeth gyd â phendefigion y brenin a deng-ŵr gyd ag ef at Gedaliah, fab Ahicham i Mispah: a hwy a fwyttasant yno fara yng-hyd ym Mispah.

²Ac Ismael mab Nathaniah a gyfododd, [efe] a’r deng-wr y rhai oeddynt gyd ag ef, ac a darawsant Gedaliah fab Ahicam, fab Saphan a’r cleddyf, ac ai lladdasant ef yr hwn a osodase brenin Babilon yn llywydd ar y wlâd.

³Ismael hefyd a laddodd yr holl Iddewon y rhai oeddynt gyd â Gedaliah ym Mispah: a’r Caldeaid y rhai a gafwyd yno yn rhyfel-wŷr.

⁴A’r ail dydd wedi iddo ef ladd Gedaliah (pan nad oedd neb yn gwybod [hynny)]

⁵Yna y daeth gwŷr o Sichem, o Silo, ac o Samaria, [sef] pedwar vgein-ŵr wedi eillio eu barfau, a dryllio eu gwiscoedd, ac ymrwygo, â bwyd offrwm, ac â thus yn eu dwylo iw hoffrymmu yn nhŷ yr Arglwydd.

⁶Ac Ismael mab Nathaniah a aeth allan iw cyfarfod hwynt o Mispah gan gerdded rhacddo, ac ŵylo, a phan gyfarfu efe â hwynt, efe a ddywedodd wrthynt, deuwch chwi at Gedaliah fab Ahicam.

⁷A phan ddaethant hwy i ganol y ddinas, yna Ismael mab Nathaniah ai lladdodd hwynt [ac ai bwriodd] i ganol y pydew, efe a’r gwŷr y rhai [oeddynt] gyd ag ef.

⁸A deng-wr a gafwyd yn eu mysc hwynt, y rhai a ddywedasant wrth Ismael, na ladd ni o blegit y mae gennym ni dryssor yn y maes, o wenith, a haidd, olew, a mêl: felly efe a beidiodd, ac ni laddodd efe hwynt ym mysc eu brodyr.

⁹A’r pydew i’r hwn y bwriodd Ismael holl gelaneddau y gwŷr y rhai a laddase efe er mwyn Gedaliah [yw] yr hwn a wnaethe y brenin Asa rhac Baasa frenin Israel: hwnnw a ddarfu i Ismael mab Nathaniah ei lenwi a’r rhai a laddasid.

¹⁰Yna Ismael a gaethgiwodd yr holl weddill o’r bobl y rhai [oeddynt] ym Mispah, [sef] merched y brenin a’r holl bobl, y rhai a adawsid ym Mispah ar y rhai y gosodase Nabuzaradan pennaeth y mil-wŷr Gedaliah fab Ahicam yn llywydd: ac Ismael mab Nathaniah ai caethgludodd hwynt, ac a aeth trosodd at feibion Ammon.

¹¹Pan glybu Iohanan mab Careah, a holl dywysogion y llu y rhai [oeddynt] gyd ag ef yr holl ddrwg a’r a wnaethe Ismael mab Nathaniah,

¹²Yna hwynt a gymmerasant [eu] holl wŷr, ac a aethant i ymladd ag Ismael mab Nathaniah, ac ai cawsant ef wrth y dyfroedd mawrion y rhai sydd yn Gibeon.

¹³A phan welodd yr holl bobl y rhai [oeddynt] gyd ag Ismael, Iohanan fab Careah a holl dywysogion y llu y rhai [oeddynt] gyd ag ef, yna hwynt a lawenychasant.

¹⁴Felly yr holl bobl y rhai a gaeth-gludase Ismael ymmaith o Mispah, a droesant yn eu hôl, dychwelasant hefyd, ac aethant at Iohanan fab Careah.

¹⁵Ond Ismael mab Nathaniah a ddihangodd yng-hyd ag wyth nyn oddi gan Iohanan, ac efe a aeth at feibion Ammon.

¹⁶Yna Iohanan mab Careah a holl dywysogion y llu y rhai [oeddynt] gyd ag ef a gymmerasant yr holl weddill o’r bobl y rhai a ddygase efe yn eu hôl oddi ar Ismael fab Nathaniah o Mispah: wedi iddo ef ladd Gedaliah fab Ahicam: [sef] cedyrn ryfel-wŷr, a gwragedd a phlant, ac stafellyddion y rhai a ddugase efe o Gibeon.

¹⁷Ac hwy a aethant oddi yno, ac a eisteddasant yn Geruth Chimham yn agos at Bethlehem: i fyned i’r Aipht rhac y Caldeaid.

¹⁸O herwydd eu bod yn eu hofni hwynt, am i Ismael mab Nathaniah ladd Gedaliah fab Ahicam yr hwn a roddase brenin Babilon yn swyddog yn y wlâd.